Tuesday, April 18, 2006

Butiti Queen

Sinuwat ni Katrina Balmaceda, Suzette Dizon, Leslie Fernandez, Joharra Junasa ug Rogie Reyes


Sa akoang beauty queen,

Inig abot niining suwat sa imohang mga kamot, makaila pa kaha ka nako? Siguro, karong taknaa, nangawot na ka sa imohang sinaw ug tul-id na buhok, dili tungod kay naa ka’y kuto. Wala sad ko kahibalo kung aduna ka’y kaspa, kay ang imohang dagway ra man ang akoang nasayran og maayo. Tingali’g naglibog na ka karon kung kinsa ko.
Ako si Lucas.
Wala gihapon ka kasayud kung kinsa ko? Sige, isturyahan na tika.

Alas tres sa hapon, bisperas sa Butiti Festival. Gikubal na ang akoang mga tudlo sa pagmake-up sa akong mga kustomer dihang naa’y ni abli sa purtahan. Nihangin og kalit. Nihayag. Gipiyong nako ang akoang mga mata ug akoang gisimhot ang baho na imohang gidala sa sulod sa parlor – baho sa barbeque. Paita uy, gigutom nalang hinuon ko og samot. Niduol ka nako ug nangutana, “Naa mo’y pree na mek-up artis?”
Nikalit ko’g barog ug nisiyagit, dala kiay sa akoang lubot, “Shofa vellum! Ako, sister, I’m free. Para asa diay ni, sister?”
“Ay, da oy, niapil ko’g Butiti Queen….”

Maayo gyud diay ko mumake-up, noh, kay nadaug man gyud ka… o gwapa lang kaha ka kaayo?

Karon, di nako kahinumdum kung unsaun pagmake-up sa usa ka beauty queen… pero dili nako makalimtan sa dihang paghalok nimo sa akoang aping sa pagdaug nimo sa Butiti Queen. Ug katong higayuna, nakakita ko og rason na mubalik sa akoang pagkalalaki. Dili na ako si Lucy. Tungod nimo, ako na si Lucas.

Salamat nimo, kahibalo na ko kung unsa diay ma inlab… sa usa ka babaye.

Lucas

7 Comments:

Blogger aCey said...

i really like this one! i love how you gals turned lucy back to lucas... through the butete queen, that is!

12:15 PM  
Anonymous miss_perfect said...

kuyawa'g picture da, gwapaha uy... =p

12:55 PM  
Blogger aCey said...

ngek ngek ngek.

1:08 PM  
Blogger Betchai said...

Kani gyud ning gugma. ;) Maka usab gyud ug tao. Haha. :P

8:44 PM  
Anonymous miss_perfect said...

yak, betchai, gugma-gugma na ka da... :p

9:46 PM  
Blogger Betchai said...

yak, yak ka dira balma. :P

Gugmang Giatay: "kung ikaw nasayod / paminawon mo.../ kay kon pananglit / yam-iran mo / mga panumpa og / pasalig ko / og kon ugaling / kalit kang mobiya / di' ko kapugngan / motu ang mga luha /kay ikaw akong himaya / handumon ko matag karon / og unya / ikaw akong langit og yuta / akong pinangga...ha...oh la... / unya mihabol ang kangitngit / nga dinuyugan sa ulan / og sa kalit lang nahanaw /ang bidlisiw sa adlaw, / oh…kahayag sa imong panagway / nga naulipon sa gugmang giatay / inday paminawa kabos kong gugma / nga kanimo akong igasa / dili ko man mahatag ang tanang bahandi / ning kalibotan, apan inday / dungga intawon king' naalaot / nga naulipon sa gugmang giatay, ohh..."

11:17 PM  
Anonymous pensador said...

hhahah! ang usa ka magbabasa sa inyo gsulat kay magtisngi gyud! nice one..

the use of words and the wit is good. ;)

12:23 PM  

Post a Comment

<< Home