Tuesday, April 25, 2006

der dudung

pastilan. alas-9 pa gani, nakahuna-huna na ‘sab nimo.

mao lagi g’yud ni basta sabado... wa’y klase, wa’y rason para magkara-kara padulong eskwelahan. pasagdaan na lang ‘sab ang kaugalingong mahinumduman ka kay wa man sa’y buhatonon sa balay, beh.

di man unta ka ingon ana ka-gwapo, uy...

kita ko nimo sa tv niadtong miaging semana: huot imong nahuwamang t-shirt. naklaro gud imong gabugdong tiyan. da, sige man inom... tan-aw ‘pud unya’g samin panagsa, ‘dong. imong buhok nga gukduno’g gunting, nagkarung na g’yud. pirmi’ng matabunan imong insikong mga mata nga imo pa g’yung taguan luyo anang samok kaayong antipara. mura na intawn ka’g adams family.

di man sab ‘ta ko maibog dayon anang misteryosong tipo, pereho nimo... di g’yud na nako maagwanata ang pagkamainiton sa inyong pagbati. kung magkadayon ta, atong mga anak, liwat nato: o.a. ug dali saputon. paet na.

unsa na man ni, uy? nabuang na man siguro ko. nabuang tungod nimo, buanga ka.

kung kahibalo lang g’yud ka...! tungod nimo, wa dayun ko ka-email sa akong asaynmint kagahapon sa klase ni sir januar. wa na ko’y tubo-tubo kay di dayon ko makatug inig kagabii. kapila na ‘sab ko nabadlungan ni nanay nga di magtanga-tanga og mukalit la’g bahakhak kay mauwawan among pamilya. ingnon unya sa mga silingan nga kaliwat mi’g mga kwanggol.

una ka naabot, malinawn pa kaayo akong kinabuhi. una ka nailhan, tarung pa kaayo ang dagan sa akong kalibutan. karun, sige na ko’g kapandol, katuwad, kadusmo ug kawala sa akong kaugalingon. imo g’yud ning sala tanan...!

mao nga manimaws g’yud ko ‘nimo...

magkat-on na ko’g panudlay, panglipstik ug pahumot. hatdan pa g’yud ko ikaw ug pospas nga may lumay. sharo’g di pa ka maibog ‘nako! human ikaw na ‘sab ang mag-antos ug handum ‘nako. makatilaw na ka’g tinuod nga sakit kay ikaw na ang mag sige’g kadakdak, katulimbang, kaparok ug kaligid mura’g lumpia gikan sa ika-14 nga andana sa inyong kondo.

malas ka, ‘dong. ikaw akong natipuhan.

♥,
lazy daisy

18 Comments:

Anonymous tiups! said...

reeelllaaakk lang ace huh... hallerdoug!=P

2:37 PM  
Blogger aCey said...

haller doog! ^_^

2:40 PM  
Anonymous joracrac said...

hahahaha, kinsa ni ace? uuuyyyyy...

nakatawa ko sa LUMPIA...

hahaha

BOOOTTTT

2:40 PM  
Blogger aCey said...

ngeeeek ngek ngeeeek... tag-ana, jo. kung makatag-an ka, bangkahan ko ikaw. ^_^

2:45 PM  
Anonymous joracrac said...

si cheyu? sakto ang spelling? hahahaha

3:07 PM  
Blogger aCey said...

er... no. and no. hehe. the best g'yud ka, rac!

obvious man nga para sa tawo ni nga suwat. (dili lang g'yud ni niya mabasahan. i hope.)

chiyo is spelled like this: c-h-i-y-o.

sige, tag-an-tag-an lang, gud. ^_^

3:16 PM  
Anonymous bÜwantama said...

ace, cute lagi nang heart!!

3:20 PM  
Anonymous joracrac said...

hehehe wala ko kasayod nag puyo dai c manong victor ug condo? ehhhehehe joke.. ay oi dili ko katagna..

cute bitaw ang heart ace..

3:23 PM  
Blogger aCey said...

abi nako'g ang suwat ang kyut, ji! or ako. heh. lol. ^_^

3:24 PM  
Blogger aCey said...

usa pa ka, jo! maayo pa ang heart, cute. hehe. joke, joke, joke.

hala, di sab si manoy victor, uy... pero in fairness, bisa'g tiguwang na siya ug di magpasulod sa eskwelahan kung wa ta'y i.d., hottie gihapon. (joke.)

kaila ka ni manoy roy? kanang sa elementary nga look-alike ni mr. clean (moreno lang)...? di man sab gud ni para sa iya nga lab letir. =P

3:35 PM  
Anonymous balma said...

di mo katag-an? klaro anang si....


si...


si....

... BUDOY! hahahaha. :p

(si lav diaz kaha? or tinuod ba na tawo?) =p

4:36 PM  
Blogger aCey said...

budoy?! ngeeeek ngek ngeeeek... di 'sab si lav diaz, uy. pero real person. (thank god, though, i got over him! no more crush. tres amusante!) ^_^

pina rumplestilkin... naa'y prize ang makatag-an. ^_^

12:28 PM  
Anonymous AnDag said...

whahaahah! ace, kaila bya ko kung kinsa ni...98% sure ko...

2:09 PM  
Anonymous miss_perfect said...

hmmm... curious....

7:00 PM  
Anonymous joracrac said...

hmmmmm... *pluk pluk* kinsa kaha? hmmmmmmmmm....

Andag kinsa na?

sultii ko andag b eheheheha..

9:31 PM  
Blogger aCey said...

ayay... basi'g korek ka, twinx... kinsa imo tag-an? *gulps*

4:40 PM  
Anonymous Anonymous said...

...ug ang akong pagsabut ace...
basta still 98% ko sure kung kisa ni..

gipaagi lang gud ug pus-pas ang buntag gud... guys, wala pa diay mu nakabasa sa libro nga "mga pasumbingay ni loula asyang"?


ahihi,peace...

4:49 PM  
Blogger aCey said...

ngeeeek ngek ngeeeek...!

4:55 PM  

Post a Comment

<< Home