Wednesday, April 26, 2006

Lab Litir sinulat ni Celeste Celeste

Moi,

Samtang nagtanaw ko sa pagdagay-day sa asukar ngadto sa inti nga kapi--nauwaw ko. kalit nga nisantop sa akong huna-huna ang nahitabo atong namulaw ta sa cafe uno human sa atong pagsulirang sa "West Side". Kadtong gihisgutan nato ang mga kalisod sa pagka-estudyante. sa ka-hasol sa STC...sa ka kapoy sa Diliman.

AMAW MAN PUD GUD KA! nganong sa tanang butang ang luyo pa gyud sa akong planner imong gidiskita-an...nakit-an na hinuon nimo imong ngalan. hinuon, dili man pud siguro ika-uuwaw ang nawng ato...nindot man diba?

...kada linya ato, kada bolok, kada letra...
kada tan-aw...mura ug, libuhan ka taw nga nagdala ug hagaw-haw, samtang nanglupad sa akong tungod ang tagsa-tagsa nimong kinaiyahan.

puslan man nga imo nakong' nasakpan, tingali wala na ko'y rason nga tagu-on pa ang hinungdan aning tanan...(kung diin gikan ning dautan nga hangin nga nagtuyok-tuyok sa akong kuto-kuto)

...ambot nganong sukad sauna, wa gyud nasipyat ang kalami sa timpla...sa imong mga sturya, suwa-an, sa bisag ang pinaka-pait pa nga kapi. basin tungod kay kung ikaw ang akong kuyog, ang kapi mubugnay...mutab-ang.
ang mga tasa, murag taligsik sa atong atubangan...
walay cellphone nga mutingong,
(ma-hanap' ang nawng sa mga taw, ang mga tingog)...mag lisod ug subang ang adlaw, ug,
hinay-hinay nga mahawan ang palibot.

moi, abi nimo ikaw ra ang naglisod?! ani nimu'g ikaw ra ang naka-feel ana? :)

ako sad...dugay na...sa wa pa ko nimo ingna nga sige nimo damgohon ang atong mga kanta ug mga hika0his sa kilid sa bumberohan nga atong gikan-an. sa dili pa ta tigpamulaw sa tunga-tunga sa uwan sa fuente ug uban pang-ispiduha. sa high school pa ko ug newly employed ka...sa wa pa ko nimo ilhi, kadtong mag-inisnabay pa ta...taud-taud na noh?

malingaw man pud ko maghuna-huna nga pinaagi pa gyud aning suwat ko, unang makig-sturya nimo nga walay sagul bugal-bugal. unsa to'y imong sugsug? kinaraan? bantay bitaw ug dili ni nimo tagu-an inig human. hehe.
moi, basig nangluod ka kai wala tika kaayo natagad ron gabhiuna..sige lang, pahumana lang ko aning suwata samtang nag-konsentrit ka ug pag-panghagpat anang unod sa tahong. diay, salamat sa pag-andam sa akong bahin ana ha! lami bya pagka-luto! WEPS! naay natagak! danghaga gyud nimo bisag unsaon oi. hehe!

moi, mao na ni ang sugod sa tanan. salig ko nga imo ning ampingan.
hinumdumi lang nga sukad sauna, naa ra ko's imong kiliran. ug samtang bugnawon ug tab-angon pa nimo ang kapi, sigurado ko nga magpadayon ni...bahala na...basta salig lang...

Gigutom,
imong tsai!

ihatod ko'g uli ha! huma'g kaon! :)

6 Comments:

Blogger aCey said...

hehehe... who's moi kaya... sus, sa kadaghan sa boys and boylets niining twinkol, maglibog na ko kinsa g'yud iyang lab.

hehe. you should listen to up dharma down's "oo." basi'g maka-relate ka. ^_^

*evil grin*

4:48 PM  
Anonymous Anonymous said...

hmmm...she said mystery kuno ni nga balak. ambot lang unsay gipasabaot nya ani...ayo toweynkol :-)

4:57 PM  
Blogger Jerry Pescadero said...

my right brain has atrophied to the point that i can't make sense of this... :-)

4:59 PM  
Anonymous balma said...

naglibog sad ko twinks... pero ganahan ko sa pagka-natural sa tone ug language ani... unya na ko mubasa balik ug musabot ha kay ga impaki pa ko para genrev camp. last minute gyud, as usual...
:-)

6:23 PM  
Anonymous Pensador said...

ana gyud twnx, ipadayag imong gbati pinaagi sa lab litir. hehe.. ;)

12:19 AM  
Anonymous Tiwa Andag said...

lingaw man diay magsuwat ug sulat kabahin sa gugma!

ACE(and BAi)... unsai daghan? laina pud ana oi! HAHA! si moi..nikalit ra man na ug lutaw sa akong huna2(ngalan nga wai nawng or nawng nga wai ngalan). fiction ra lagi ni!!

SIR Jerry, salamat sa comment...yaw nalang sabta sir oi! haha!

BALMA! amping sa trip!

9:44 PM  

Post a Comment

<< Home