Tuesday, April 25, 2006

Si Pepita

Midterm paper ni Lazy Daisy

Sa tanan kong nabasahang tagsulat, si Khalil Gibran ra siguro ang nakasabot sa mga babaye. Matod niya, ang mga manunulat ug mambabalak naningkamot nga makasabot sa kababayhan... Pero hangtod karun, wala g'yud kuno nila nailhan ang kasingkasing sa babaye kay kuno, ang porma ra man sa iyang lawas ang kanunay nilang makita. Usahay, ang kahuyang ug kamasunuron sa babaye ra ilang mamatikdan ug matudlo.

Human ko nabasa ang “Ug Gianod Ako” ni Marcel M. Navarra, nakahunahuna ko'g pipila ka mga butang tungod sa pagtrato sa kababayhan. May mga nahinumduman 'sab ko nga mga kasinatian diin ko nakaingon nga mas sayon siguro ang kinabuhi kung lalake ka. Kini tanan tungod sa usa ka tauhan.

Si Pepita kay nabuhi sa panahong wala pa kaayo'y kagawasan ang babaye nga mulitok sa ilang pagbati. Mao nga kontrobersyal kaayo siya sa ilang adlaw kay nagpalahi g'yud siya. Sa panahon nga ang babaye mura'g amang ug wala'y pagbati, iya'ng giangkon iyang balatian ni Loloy, nga usa ka lalaking mudula-dula ug babaye. Si Pepita akong gipasabot nga tauhang nakapahunong nako kadiyot para maghunahuna.

Kang Pepita, nakita ko akong kaugalingon. Nakita ko apil ang Pilipina.

Dawaton n'yo man o dili, kanako, ang Pilipina karun kay mura'g si Pepita. Ang kadaghanan, manggiulawon ug maantuson... Pero pareho ni Pepita, mapuno ug musulti ra g'yud kanus-a na husto, bisan na'g dili madawat sa kapunongan nga kahibalo na mulitok ug pagbati ang babaye.

Ang katilingban, magusab-usab ang panan-aw sa mga butang. Ang panan-aw niini sa babaye, hinay-hinay na sab nausab labi na nga daghan na kaayo ang mga nakakuha ug hustong kalusug nga atobangon ang kalibutan nga wa'y kahadlok ug duha-duha, sama sa mga lalake.

Dili madugay, ang babaye, masabtan na sa kapunongan. Dili madugay, dili na ang porma sa lawas ang mamatikdan... O ang kahuyang ug kamasunuron...

Hinay-hinay pero sigurado, namulak ang kahoy sa kababayhan karun. Pila na kagatus katuig ang milabay, gamay ra kaayo ang na-usab kumpara sa mahayag nga kaugmaon. Ang katilingban, mao ra gihapon tingale ang tan-aw ni Pepita. Kung nausab man, kulang ra para masabtan... Pero ang babye makadiskubre ra 'sab sa kusog ug kalig-on nga anaa sulod niya.

Dili madugay... :-)

5 Comments:

Anonymous bÜwantama said...

yeah..sakto si kahlil gibran! screw all men gyud! nyahahaha! na man hater naman nuon ko!

3:18 PM  
Blogger aCey said...

ji, you are so fetch! brayt g'yud ka. (pareho ta. =P)

i love khalil g. for his wisdom-osity. he's so fetch, too. hehe.

3:33 PM  
Anonymous balma said...

kahlih gibran... naka-earn gyud siya ana na repu noh.

thanks to feminim, hinay-hniay na'g gi-ila ang babaye sa katilignban as more than just bodies with curves... :-/ pero, tungod sad sa feminism, na-increase hinuon ang mentality nga the female race is an oppressed, victimized race. sige ta'g fight for ourselves but sige sad ta'g proclaim that we are victims... ambot... :-D

2:05 PM  
Blogger theresianangbisdak said...

niining panahon karon, dili ba kaha nga sagol ilusyon ang panglantaw nga linupigan ang mga kababayen-an? kini ang akong pangutana. kay sa paglingi ko, babaye man ang atong president ug babaye usab ang atong gobernador. ug gani, adunay mga termino nga "Inang Bayan" o "Mother Earth". patriarchal ba diay kini? matag lingi ko, adunay mga ironies ug paradoxes and palibot. komplikado ang katilingban og dili kini nato matawag nga patriarchal or matriarchal. sagol-sagol. aduna nay consciousness o pagkaamgo ang katilingban mahitungod sa nagkalainlaing iniquities (nga may kalabotan sa gender, color, religion, culture), hinuon ang pagkamaangayon usa kini ka proseso nga padayon pang gipanday. A just world is a work in progress. Sa ato pa diay, alang kanako, ang feminism is not to promote the rights of women, but as a conscious practice of continuous vigilance kay in place na man ang mga balaudnon nga naghatag og equal rights sa tanang tawo, ma-babaye ka man o ma-lalake. ayaw intawn pag-ingon og screw all men kay lagmit maapil inyong amahan, apohan, igsuon, ug pastilan ang inyong maestro sa cebuano writing. simba ko lang, mga mare. :-)

4:12 PM  
Blogger aCey said...

hmmm... naa ka'y punto, bal. interesting. ^_^

hi, sir! ^_^ bitaw, sir, noh... buotan man diay ka. peace!

4:39 PM  

Post a Comment

<< Home