Friday, April 21, 2006

Ug Gi-Ungo Ako…!!

sinuwat ni miss_perfect


(note: o, lagi, kibaw ko dili orig ang titulo; imit kini sa “Ug Gianod Ako…” ni Marcel Navarra. Sige nalang gud. :p )


“Hay, salamat! Mu-leave na gyud ko ani na school!”
Mao kini ang gipangbuhiang mga pulong namo sa akong mga klasmeyt paggraduweyt namo sa hayskul sa Saint Theresa’s College. Atong panahuna, manunuwat ko sa amoang opisyal na magasin, ug nagplano kong magsuwat og gumalaysay bahin sa paggawas gikan ining eskwelahanang ikslusibong pambabaye. Mang-goodbye na gyud mi sa mga ungo sa skwilahan – mga ungo sa banyo na maminaw sa among mga chikka, mga ungong magsuruy-suroy sa Ayala na mangita’g Teresyanang nakigholding-hands sa iyahang boyfriend, mga ungong maniid sa among gipangsuwat sa paper chat. Kining mga ungo-a ni ang mga best friend sa taga-guidance office ug sa Discipline-In-Charge. Ug sa pagpaso nako sa stage atong gabhiona sa graduation, wala nigawas ang akong giplanohang gumalaysay sa among magasin, kay wa ko masayod na…

Intawon. Dise-otso na ko. Padung na mag-third year. Nagkuha ko og Media Communication, ang kursong akong gipanganduyan sukad pa sa akong pagkabata. Summer karun ug salamat sa sabdyek na Bisaya, nagkawala-wala na ang akoang pagka “Bislish” (Bisaya-English) na na andan nako sa hayskul sa STC. Manunuwat gihapon ko sa opisyal na magasin sa kolehiyala. Apan, wala ko sa usa ka unibersidad.
Intawon. Gigukod gihapon ko sa mga ungo (unsaon man sad nako pag-eskapo nga ang bughaw-ug-puti nga uniporme sa STC man gihapon ang akong gi sul-ob), samtang ang mga kalag sa akong mga amiga nakakita na og kahilom sa ilang mga unibersidad.

Ayaw lang intawon. Ayaw lang gyud intawon. Pero, sige nalang gud, magpananglit ta.
Pananglit… inig ka graduweyt nako sa kolehiyala – ug dihang malipayon kaming muproklamar sa akong mga klasmeyt, “Muhawa na gyud ko aning eskwelahana!” – dili gihapon ko makasuwat og gumalaysay bahin sa paghawa ining skwilahanang iksklusibong pambabaye.
Pananglit… samtang nagtrabaho ko isip usa ka media communicator – ma telebisyon, radyo o print media; o samtang nagtuman ko sa akoang damgo nga maghimo og magasin; o samtang nagtrabaho ko sa usa ka advertising agency; o samtang nisulod ko og events organizing; o samtang nahimo gyud kong usa ka manunuwat… pananglit mahimo kong titser sa STC. Di na gyud nako malikayan ang mga ungo; basin gani, ako na ang ilang sultian sa ilang mga hongihong.
Pananglit… magbaha og utang kabubut-on ang akong kasing-kasing para sa STC. Pananglit, dili gyud mahimutang ang akoang kalag hangtud maniguwang ko sa eskwelahang nakakita sa akong pagka-wa’y buot ug sa akong pagdalaga. Ug kung mag Alzheimer’s disease gani ko – simbako lang – ang mga linggwaheng Bisaya ug Iningles na akoang nakat-unan kay magkaduol, magkapareha hangtud mahimo usab silang usa ka linggwahe na gitawag og “Bislish”.

Aw, kung matinuod gayud ang akoang mga pananglit, usa ra ang akoang padulngan ani inig kamatay nako. Gikan sa akoang lubnganan, mubangun ako. Mubalik akong kalag sa STC… ug mahimo’g usa sa mga ungong magpalibod sa STC nga mao’y tigsibya sa mga sikreto sa mga Teresyan ngadto sa guidance office ug, usahay, kung lami na gyud kaayo ang tsismis, didto pud sa mga dalunggan sa Discipline-In-Charge.
(Unsa kaha, noh?! :-/ )

19 Comments:

Blogger Betchai said...

Balma ungo!

9:13 PM  
Anonymous buwantama said...

makabaws ra ko minu miss_perfect!!

9:29 PM  
Anonymous bÜwantama said...

*nimu diay! hahahahaha

9:30 PM  
Anonymous miss_perfect said...

ungo sa STC... ungo with poise and dignity!!! may nalang sad!

9:38 PM  
Anonymous miss_perfect said...

buwantama: hahaha... that'll be the day... yeeha!

lagi uy, mu stop na ko. basin ilisdan nasad nimu sa imong sturya ang akong coke light nga gi inom og bawal na liquid. (nahutdan ko'g bisaya da! hahaha)

9:40 PM  
Anonymous bÜwantama said...

ilimnong bawal oi!! hahaha!

9:45 PM  
Anonymous miss_perfect said...

ingun bitaw ko! hahahaha. it's the first time i heard that term, but sige... ilimnong bawal.

9:49 PM  
Blogger Betchai said...

Uy Bal. What if, naa'y mo continue sa akong "From Beyond the Grave" na story? Haha. Ikaw na ibutang nila didto. ;)

9:51 PM  
Anonymous miss_perfect said...

OMG. that's beyond freaky. (freakier than the freaky video cam and the freaky photo lab!!) maluoy intawon ka sa akong kalag.

10:00 PM  
Blogger aCey said...

ngee, na-inspire man jud ni si balma ni marcel something, uy!

11:14 AM  
Anonymous Anonymous said...

haha. naglagot n ko ni marcel navarr karun. tungod niya, lisud atong midterms. haha.

12:31 PM  
Anonymous miss_perfect said...

aw, ako diay n ang anonymous uy. and marcel navarra diay. :)

12:32 PM  
Anonymous sue said...

haler!!! nag-identity crisis k bal?? balma mu-mu!!!! nice!!! wow!!!

2:04 PM  
Anonymous miss_perfect said...

kita na ko sa akong future, sue! :-| imagine, i-combine i mdm. "tralala" ug si sr. "harry potter"....

hahahaha! ayaw sad intawon, Lord! haha :-d :-/

2:21 PM  
Blogger aCey said...

mao na jud na imo future, bal: bal-bal. ^_^

2:26 PM  
Anonymous balma said...

ace ha. pn intended kaayo to. :p huwag naman!!!!!!

2:09 PM  
Anonymous balma said...

*pUn intended diay.

2:13 PM  
Anonymous secret.. said...

mamalbal ta mamalbal ta...
kay ngit-ngit na kay ngit-ngit na! hahahahahah!

3:37 PM  
Anonymous miss_p said...

secreT: um.... ha. ha. ha. ???


(di bitaw uy. :p)

11:52 PM  

Post a Comment

<< Home