Sunday, May 28, 2006

Hinuon, dili tanan laki isog ni bejay

Hinuon, dili tanan laki isog.

Sultii na lang gud ko
kung ikaw, nagduka ba...

Lisod, kay...
gisayud man gud ako sa
bug-at nimong mata
na kining taknaa sa gabii
ting hinanok mo na

tingligid sa banig
ting abi-abi sa mga
nag kinaunsanag damgo

bakakon lang tingali
ang kahagbungon nimong mata,
kay hinghisgutan mo man gud
ganina
na isog ka, kusgan
makasugakod
na walay ni kadiyut
na tagpilaw

kinumo mo ra man gani
ang bag-ong ba-id
kumingking and bag-ong tahal

Apan, sa gamayng
pagpanapyaw nianang
hangin...
(sakpan ka)
paliron pasawp
ang kandilang nangandoy
mahimong bombilya.
pasawmon ang hangin
og buhian mo sa inosinting buga

manghuy-ab ka.

og mobag-id sa akoang abaga
lupig pa'y iring saag...

mopahimutang

sa dili magdugay...
mahinanok

og kanus-a ka pa man mo-angkon?

hinuon, dili man tanan laki isog

-bejay

*alang sa isog og nagpaisog-isog

11 Comments:

Blogger aCey said...

ayee... naa ka'y kaagi nga gibasihan 'ini nga balak, bhuju, noh! hehe. obyus man. kinsa kaha...? (maayo pa mo, naa'y love lives. pero ako, mas maayo lang, kay wala gyud. hehe. joke, joke, joke.)

5:28 PM  
Anonymous joracrac said...

usa pani c beyju na gianod sa gugma..

pero ganahan baya ko sa balak.. ana man gud jud nang laki.. matud pa nila "guys are sensitive too" charot jud ning mga laki oi...

maabot rana ace... "do not awaken love when it is not ready"

8:31 PM  
Anonymous bejay said...

bitaw ace and jo, duha mo sa mga swerte na taw na wa gi-ayo pag-anod sa gugma! uhmmmm ace, sensitive sad ba nang japaneese guys?hehehe (jok=p )

and jo, sakto jud ka, guys have the right to feel man sad. kasagaran sa ila, outer image ra dyud na ang ilang pagka murag insensitive gamay.

kasagaran man gud sa girls, nature nila ang pagpangita og someone to make them feel secure. Nya unsaon na lang paghatag sa usa ka laki og security kung siya mismo nagpakita og katalaw... d ba jo? hhehehe, feeling ate charo kayu ko noh?

mao na, karun,...ato i-spot ang nagkalain-laing kahuyang sa kada laki nya atong kantyawan!!! waaaaaaaaaaaaaaa..... d btw, lalaki raba atong papa, ato sang maestro, hehe.

2:51 AM  
Blogger theresianangbisdak said...

bejay, di ba kaha tanang laki hingatulgon. maikog lang moingon. hehe -Hanuarius

4:06 PM  
Anonymous joracrac said...

pero sometimes ego naman gud nang ginapairal sa mga guys beyju...u sorry sir ha pero mao lang man gud ang akong nakitan.. duha baya ako kuya.. heheheh... diba ate charo? hehehe...

sir? hingatugon diay mo? kami man oud sir hingatugon pero mas dugay lang mag mata ang laki...hehehe

9:04 PM  
Anonymous balma said...

alang sa nagpaisog-isog? daghan ko'g nailhan da. hahaha!

7:54 PM  
Blogger aCey said...

jo, sakto gyud! "don't start fires you can't put out." hehe.

bej, sa akong experience sa akong mga kaliwat, mga paryente ug mga naamigo... ang mga hapon ma'y pagkamanhid. pero we'll never know... emotional baya kaayo kasagaran sa mga lalake diri sa vile kaayo nga kalibutan, diba. pamanhid-manhid lang.

4:20 PM  
Blogger aCey said...

This comment has been removed by a blog administrator.

4:22 PM  
Blogger aCey said...

ayyy... sorry. "manhid" ang ni-register sa akong utok... "sensitive" diay... ambot. di man siguro as sensitive ang mga hapon kay sa atong mga pinoy... pero ambot. who knows.

4:23 PM  
Blogger aCey said...

sige lang bej, basin madasmagan ra nato atong ira cruz's 1 day. lol.

4:24 PM  
Anonymous Anonymous said...

You have an outstanding good and well structured site. I enjoyed browsing through it here

7:31 AM  

Post a Comment

<< Home