Tuesday, May 23, 2006

TUBAG, TUBAG-TUBAG!

(NAKAhinumdum lang ko atong usa ka gabii, human sa meeting sa sinulog com didto sa PK. talagsaon to nga punduk. diba betchai??. Naa tuy' binuang nga pangutana... kung makahibaw kuno ka nga lima nalang ka oras nahibilin sa imong kinabuhi, unsa kunoy' kinatapusan nimong huna-hunaon ug buhaton?...sukad ato, nipilit man hinuon ni nga binuang sa akong huna2x)


Sa dili madugay,
Manglayas ta.
Nadagkutan na ug kandila
tanang pantyon
nga atong nahinumduman.
Wala nay' makit-ang higala
nga masuginlan sa mga panghitabo samtang,
layo sila.
Unyang taud-taud,
isulti na
ang labing awahi nga pag-ampo.

Ang nagdum-ok nga hagawhaw--
tagak-tak sa mga lakang.
Dili ta lingi-on sa ka awa-aw samtang,
gibukutan kita
sa pantyon
nga naa sa atong likod.

Puhon,
ugma damlag,
basin muabut pa sila, kana kung buhi ug nakahinumdum pa.
ug dinhi sa nag-inusarang dalan,
saksi ang mga luha
sa hilum nga hukom.
Dinhi,
gikanta ang paburitong nota
sa mabulukon nga kalibutan.

Ang mga naa dinhi,
kadtong nangahanaw.
Ug basin,
basin ugma damlag,
magpalayo usab...



...kay ang kalibutan,
gihimo lang
alang
sa paghandum...



mao,
nga ang lawas sa taw
...tabunan ug bato,
ang lawas
...sunugon hangtod mahimog' abo.

ang maghuna-huna
sa iyang hinigugma,
dugmukon
sa ginagmay
nga pangil sa kamatayon

'hangtod buhok ug ngipon mahibilin?'

Makita nga malipayon sila,
samtang nag-akbo ta sa lapida
ug ang tanan ngadto sa unahan,
...makalimot ra usab.
'pila ka tuig? unsa ka dugay?'
Samtang sila,
wa mabalaka,
bisag
kadiyot lang sa paghinumdum.

Sa dugay nga paghuwat,
mahibaw sila sa hinungdan
niining paghilak:
...paghandum, pangandoy--
...pag-inusara, pag-pangita.
Apan,
sa dugay nga paghuwat,
dili nila masabtan ang mga luha?

Kung usa musigon:
"nilakaw siya!"
mawad-an kaha ug bili ang iyang ngalan?
Kung ingon ani man,
ang kamatayon,
mu-agi
daw patak
sa uwan.
ang paghunung niini,
sinyales sa bag-ong' kalibutan.
Makita
ang pirmirong subang sa adlaw.

Apan,
dili ni mahitabo,
dinhi nato sila gi-biyaan.
Sa samang lugar
gisuwat ang ilang ngalan.
Sa balik-balik,
ipatin-aw niini ang mga letra.
Daw usa ka damgo,
ang katapusang li-li--
ang amang nga bahik-hik.
Ug didto,
ang mga hanap nga hulagway
ipa tin-aw sa kinatapusang
ginhawa.

Kung ang karon ug ugma,
kutob nalang sa pag-hinumdum...
ug ang mga damgo,
bantawan nalang
sa tibuok adlaw
nga paghandum.
sa walay paniaw-tiaw,
kung giyabo mu na ang tanang pag-hinumdum...
Andam na
nga mugawas sa kinabuhi.
ug dinhi,
dakpon ug simhuton
ang baybayon,
didto sa unahan.

mahuman ang pag-ampo,
sa nangawala,
ug uma-abot.
ang bugtong kanta
nga awiton...
alang nalang
sa mga hungihong
gikan
sa nagdila-ab nga

...igbabayaw.


TIWA ANDAG
hubad gikan sa tula ni Manolito C. Sulit

9 Comments:

Blogger theresianangbisdak said...

kang kinsa ning balak? -Hanuarius

5:13 PM  
Blogger Betchai said...

Kang Twinkol.

7:36 PM  
Anonymous tiwa andag said...

actually, hinubad ni siya sa 'tula' ni manolito sulit. usa ka maunulat sa manila...ganahan ko sa iyang pag-lambid sa buhi ug paghandum...unsay tan-aw?

11:45 PM  
Anonymous balma said...

twinks, kbaw ko ni promise ko mu-comment ko, pero wa pa nako na-digest! hehe. kadyut sa. :-)

for some reason, i like the sound of these lines (though unsa'y "bahik-hik"?)

Daw usa ka damgo,
ang katapusang li-li--
ang amang nga bahik-hik.

5:48 PM  
Blogger Betchai said...

Twinks...balik ta PK... :) Hisgot nasad ta about ana... :)

5:05 PM  
Anonymous tiwa andag said...

hehehe. bahik-hik bal kay mura na siya ug katawa. ang differens nila, ang bahik-hik kay pinugngan. kanang katawa nga bisag unsaon ug pugung mugawas gyud.bahikhik ang imong maproduce.

4:13 PM  
Anonymous tiwa said...

kung ang katawa kay hahahaha...ang bahikhik kay...ahihihi!...hehe.

4:15 PM  
Anonymous balma said...

a! snort, twinks?

sige, basahan na ni nako'g tarung, ug mu-comment na ko'g tarong. :p

6:52 PM  
Anonymous twinkle said...

ANG title diay ani kay "isang mundong walang ala-ala"

11:34 PM  

Post a Comment

<< Home