Saturday, June 03, 2006

Dibuho sa Anino (art of a shadow)

para sa mga KSP(kutob sa pangandoy) hehe. kung buhi ug nakahinumdum pa...

Diha lang,
Ayaw'g lihok.
Samtang,
buhion ko
ang dibuho
nga maghulagway kanimo.
Kay ang kawanangan,
ang lamparilya,
ang uwan,
ang lamisa
...gimugna aron
mapamatuod ning gabhiuna.
nga sa usahay,
nahitabo
nga anino lang
sa akong pagkahinanuk...

ang dibuho,
ning gabhiuna.

Diha lang,
ayawg lihok,
kaskason ko ang agi sa hayag
gikan anang lamparilya sa lamisa,
nigit-ngiton ning lapis
ang anino
sa imong ilong,
pilok,
ngabil
...ug sa di madugay
mapatin-aw ang hulma sa imong dagway.

Diha lang,
ayawg lihok,
pangitaon ko ang
patak
sa taligsik,
nga nitago sa imong patilya
bu-ot kong dakpon
ang kada pirok
sa imong mata--
kay bisag kini,
dibuho
ang
misteryo

...ug kung mahimo

dakpon ko sab
ang imong ginhawa

ipilit ning papel,

sama sa nahitabo
usahay
sa akong pagkahinanuk.

Diha lang,
ayawg lihok,
kay basin,
masayop ang agi sa hayag
ug ang mga linya,
ug ang mga bulok.
O di kaha,
mutalidpasang kagabhion
ug magpabiling
hanap
ning gibuhian kong dibuho
sa imong hulagway.
Sama sa usahay
nga mga anino
sa akong pagkahinanuk
...nitalidpas sa kagabhion,
ang imong hulagway,
ingon arong gabhiuna.

Diha lang,
ayawg lihok,
ug dinhi ra sab ko.
Dili dunggon ang namaghut kong lapa-lapa
...mupaduol nimo.
Pugos nga
gitugway sa akong bagtak
ang hung-hung
sa kaanyag
nga nagpahipi
sa imong anino

...buot kong'
magpabilin,
ang uwan,
ang lamparilya,
ang dibuho--
aninong napatin-aw.

magpabilin,
sa kawanangan sa akong
pagkahinanuk...

...kay dinhi,
kanunay kang maako.




TIWA ANDAG

21 Comments:

Blogger theresianangbisdak said...

Tiwa Andag, kongrats niining balaka. Makayarok man pud ta anig pipila ka botilya. Kaingon ko ba og wala nimo nasabti ang dula nga gitawag og "line-cutting" sa ininglis. Pinaagi sa pagputol nimo sa mga linya dinhi, mas masabtan nako ang emosyon nga buot ihatud sa maong balak. Sa pagputol nimo sa mga linya, akong madunggan ang matag kasikas sa lakang sa kamingaw og kaguol. Ni Pablo Neruda pa, "You are like the word, 'Melancholy'". Akong gipatik og usab dinhi sa kahon-komentaryo ang pipila nimo ka mga linya. Pastilan. Pagkadakong buhi sa magbabalak nga hagbay na nimong gitago sa imong kinaildman. Dako kini nga responsibilidad. (That sounds like a dialogue in a Spiderman movie.) Ug mas labaw nga dako nga krimen (murder) kon kini imong pasagdan nga mamatay na lang:

"Diha lang,
ayawg lihok,
kaskason ko ang agi sa hayag
gikan anang lamparilya sa lamisa,
nigit-ngiton ning lapis
ang anino
sa imong ilong,
pilok,
ngabil
...ug sa di madugay
mapatin-aw ang hulma sa imong dagway..."

*tataw kaayo ang irony. gilaliman ka nga imbis gipangitngitan, mas maklaro na hinuon ang dagway? a case where enhancing the opposite only serves to magnify the contrast or the presence of the other.

"Diha lang,
ayawg lihok,
pangitaon ko ang
patak
sa taligsik,
nga nitago sa imong patilya
buot kong dakpon
ang kada pirok
sa imong mata--
kay bisag kini,
dibuho
ang
misteryo..."

*nindot kaayo ang pag-gamit sa patak sa talidsik nga mitago sa patilya. whew, pastilan. stroke of genius. ang talidsik somehow symbolizes that which is divine, eternal, celestial, but a drop of it finds solace, safety perhaps, somewhere sa seemingly mundane corner like the "patilya." dasok kaayo ni sa kahulogan. angay kining hinuklogan.

"Pugos nga
gitugway sa akong bagtak
ang hung-hung
sa kaanyag
nga nagpahipi
sa imong anino..."

*ganahan unta kong mahibaw kung unsa imong pasabot niini. lab-as kaayo ni nga imahen.

--Hanuarius

3:39 PM  
Anonymous balma said...

twinks, i like!! really gyud.. naa gyud siya'y story and you stuck to it.

7:45 PM  
Anonymous Chai said...

This comment has been removed by a blog administrator.

9:53 PM  
Blogger Betchai said...

O.O amazing kaayo twinks. =) To the highest L-E-VEL. :)

12:50 AM  
Blogger theresianangbisdak said...

mao kini ang usa ka ehemplo diin ang tibuok balak usa ka metapor. nagsubay sa usa lang ka akto isip imahen--art as a means to duplication and possession. nakapahinumdom ni nako sa usa ka balak ni Stephen Dobyns nga gipangulohan og "Oatmeal Deluxe". Usa ka higayon kuno, dihay usa ka tawo nga nagtimpla og oatmeal. tungod sa pipila ka mga "factors" (rainy night, spanish music, etc.) na-carried away siya og iyang gihulma nga babaye ang natimpla niya nga oatmeal. it (the woman made of oatmeal) became so perfect to the point nga sa katapusan miingon ang balak, "If I can make a woman out of an oatmeal, what need will I have of a woman." Usa kadto ka love poem, a poem of longing, apan adunay gamay nga timpla sa "sour-graping." Pero sama sa "Dibuho sa Anino", it followed one act as a central metaphor. Mao kini ang strength sa balak ni Tiwa Andag, gawas pa sa mga lab-as kaayo nga metaphor nga iyang gigamit.

Ikaduha nga punto. Kon nahinumdom kamo, gipasulat ko kamo og lab letter sa klase ug adunay pipila kaninyo nga nangalot sa ulo kay kuno dili man kamo in lab. But that was exactly my point. Sa akong pagtan-aw, dili sakto ang takna sa pagsulat kon kamo anaa sa "height" sa inyong emosyon. Mas maayo mosulat og lab letter kon kamo wala sa takna nga nahigugma. Usahay man gud ang emosyon mahimong "distraction" sa "intellectual process of creation". Ang pagsulat, pagtuo ko, dili man gud pulos na lang emosyon. We used to say we write to express our feelings. Tinuod, apan dili hingpit nga tinuod. The other side of the coin is the creative process, which is to say the intellectual process. Tungod niini, mas tin-aw ang imong paghan-ay sa imong mga emosyon. A method in madness, sa ininglis pa. Mas mapangitaan nimo og sakto og mas klaro nga stratehiya kon unsaon nimo pag-atake ang imong subject. Sa nianang paagiha, angay nga magpadaplin usa ang mga emosyon, which is irrational in the first place. In the end, nagkinahanglan diay ta nianang gitawag og "aesthetic distance" diin atong masabtan ug mapangitaan og kahulogan ang milurang na nga mga emosyon. --Hanuarius

10:43 AM  
Anonymous tie wa andag said...

hihi, uwaw ni kay naa sa akong likod si betchai.naa mi sa kahayag ron, ug kami ra dinhi.hihi.

Hala! 'and you are like the word 'melancholy'. ang "i want you to be still" ni pablo sir, dakog impluwensya aning balaka(obviously).

ang pagpahipi sa kaanyag, mura ra man siguro na ug ang pagtago sa patak sa uwan sa patilya. unya gusto ang writer nga talikdan ug mu palayo kay...everything is fiction. kay ang mga nakit-an sa writer nagtago sa anino o di kaha nagdagandagan siguro?

11:26 PM  
Blogger theresianangbisdak said...

Tiwa, "ang pagpahipi sa kaanyag", mao kana ang birtud sa balak. poery reveals as much as it conceals. Kon mao kana ang imong tuyo niadtong patak sa talidsik sa patilya, then it raises your poem into another level na pud. Mahimo na pud kining usa ka matang sa "ars poetica", usa ka balak kabahin sa arte sa pamalak. And through this interpretation, the whole act/metaphor diay is like doing a portrait of the muse, the "duende", the inspiration of a poem. Pastilang kuyawa. This is the beauty of poetry, Tiwa. Pinaagi lang sa pipila ka pulong, mosanga na ang nagkalainlaing interpretasyon. The other side of the coin diay, opposite the intellectual process, is the instinctive process. Daghan ang mabutang sa balak nga wala kaayo nato nabutang consciously, and is guided by instincts. And by saying instinct, it is where an entire life experience comes into play. Apil na ang imong mga kasinatian sa kinabuhi, mga kahadlok, mga obsessions, sources of joy and pain, etc. Kining tanan come into play while we are writing. sa ato pa diay, the creative process is a parallel process of the intellectual and the instinctive. Dinhi lang usa ko kutob.--Hanuarius

2:36 PM  
Anonymous tiwa said...

siguro ang instincts gyud bitaw ang nagdala sa most parts sir. those of which i stated unconsiously.hehe. buut pasabot sir, kini nga balak mahulog ug bunga sad sa emosyon sa manunulat?
kung mao nisir, do you think, the piece would have been better if the writer wrote it on concious grounds ug wa siya nagpadala lang sa instincts?

10:57 PM  
Blogger theresianangbisdak said...

Dili man masukod tingali, Tiwa, kon how much of instinct was there and how much of the intellect came into play. Naa diha ang magic in writing poetry. Siguro lang, ang akong pasabot sa intelektwal na aspeto sa pagpanday sa balak has more to do with craft, structure ug uban pang mga matang kabahin sa disiplina nga gikinahanglan samtang nagsulat sa balak. In the end, it's the instinct, the emotions ang driving force that make the wonderful, accidental and magical turn of words and phrases.

Padayon lang og sulat og balak. Imong madiskobrihan puhon na kalain-lain diay ang mga tinubdan sa pamalak. Usahay, adunay mga kombinasyon sa mga pulong nga makapa-iktin nato, that'll jolt us to some kind of realization, laughter, amusement. Usahay, usa ka eksperiyensya nga mibayaw nimo ngadto sa usa ka heightened nga awareness. Sama sa kinabuhi, ang kaanyag sa balak anaa sa iyang "plurality".

Ang importante lang ka kalunhaw sa artikulasyon. Sa gisulti pa nila: "And the word became fresh." --Hanuarius

2:12 PM  
Blogger aCey said...

twinks, ka-relate ko sa poem... sore wa hen so desu ne. sad kaayo. pero happy gihapon. go, go, go!

4:02 PM  
Blogger aCey said...

and another thing...

sa akong pagsabot
sa balak mo
ikaw ang skultor
nga si pigmalyon

ang bunga
sa imong talento,
si galateya

*bows like a maiko*

hehe... ang akong feeling samtang ako nagbasa, mura'g si pigmalyon. kung pagan ko, muhalad gyud siguro ko sa templo sa diyosa sa gugma. (you so know what i mean, so di na kailangan i-explain.)

4:08 PM  
Anonymous buroque_art said...

tiwa,
hugot
akong dughan.
dili ra
tungod sa usa
pero sa kadaghanan.


twinkle,
tiwa,
awit,
ganda,
ayay.

10:55 PM  
Anonymous Tiwa Andag said...

buroque,matsalams. gihimuan baya ni ug chords ni kuya jayson. for quite a while i got fixated by this.

karon wala na
kaayo
...

1:32 PM  
Anonymous Anonymous said...

hi twinkle! nice . . .:)

10:01 PM  
Anonymous Anonymous said...

ay o, anne hir. . .friend ni ace and balma from genrev. . . hehe

10:03 PM  
Anonymous Anonymous said...

What a great site Sunpentown induction cooktop

3:44 PM  
Anonymous Anonymous said...

What a great site Pontiac 5957762

7:43 AM  
Anonymous Anonymous said...

Cool blog, interesting information... Keep it UP Toyota 4 runner seat cover Ritalin causes drug addiction http://www.merchant-accounts-0.info/Eyesurgerynorthgeorgia.html Ultrasonic liposuction fl Breast cancer community school type Spain cheep flight to brazil Gusdorf multi-functional storage shelves 13 medium Voip ontario canada Ativan dosage for children Eyes surgery cataract 24 dbf data fax modem Oven omelette recipe Suede shearling coat

9:27 AM  
Anonymous Anonymous said...

Keep up the good work » » »

4:02 PM  
Anonymous Anonymous said...

Very nice site! »

7:52 AM  
Blogger Jovir said...

Hi there, nice site and cool content as well. keep up the good work and more power to you online!

All About the Iron Wagon

11:53 AM  

Post a Comment

<< Home