theresianang bisdak

ADUNA KOy AmU, Gisugo KOg TAbaKO, ngaNong Ga DUkO DUko? NAnGitAg UsA kA DakO!

2006-09-08T13:19:00.000+08:00

(Musta? wala lang lingaw)

LINYA
sa pagpanim palad,
angay ba
ang mamili?

kung han-ay na
ang mga linya,
angay bang
bawgon?
dukdukon
ug pug-on?
asa ang kutluon
ug
asa ang magpabilin?

...

kung hubas na ang kawanangan,
huwata,
makita
ang pirmirong
bituon--
duyog niini,
manglupad ang mga Putyukan

taliwa sa palad,

maglatay-latay
sa mga linya niini,
mga kuyamoi.

Kuptan kadiyot,
pasakyon
sa pagsayaw-sayaw
sa mga palad.
tayhupan sa tam-is nga uyayi...
apan,
inag abot
sa kabuntagon,

paluparon...

....

kay ang pagpanim palad...
pagpamili,
pag latay-latay,
pag-puga,
pagdukduk,
pagbawg,
pagsayaw-sayaw,
pag-awit,

pagpabilin....

ug

pagpalupad.

imu ang palad.

TIWA ANDAG

Balak sa usa ka adis-adis sa fuente by Chai

2006-09-07T10:38:00.000+08:00

Pila na ka gabii
Wala ko ka kita nimo

Wala ko ka simhot
Sa imong isog na baho

Wala ko kupot
Sa imong bugnaw
Nga panit

Kita ra
Kita ra unta to
Kitan’g duha
Didto sa Fuente.

Bahala na to ang uban
Kung ganhan sila nimo

Di tika ihatag.
Di tika biyaan.
Amaw man ‘to si Pedro,
Nga gibiyaan ka niya.

Unsa’y wa na’y baho?
Naa pa baya.

Maayo,
Nakitan tika
Katong
Usang gabhiuna
Didto sa lingkuranan
Ilaum sa
Dagkong kahoy duol
Sa fountain.

Magtuyok ang
Kalibutan
Kung maguban ta

Murag magsayaw-sayaw
Ang mga suga didto sa fuente

Ang buan,
Murag baskitbol,
Sigeg untol-untol

Ah!
Murag,
Naka three points ko ato dah!

Kompleto ang akong adlaw
Kung makakita ko nimo

Mawala ang akong
kagutom
katugnaw
Og ang tanan
Mga problema

Atay!

Ngano na wala man ka?

Gutom na.
Tugnaw.

Gi kuha ka ni Pedro?
Ayaw ko ingna,
Na naa ka ni
Bulokdoy!

Labad na akong ulo
Sakit akong tiyan
Mag lisod ko’g ginahawa

Paliton tika balik,
kay
Kailangan ko nimo

(please critique ;-) Vielen Dank! :p)

Dili Matapos and Kalibutan

2006-07-14T18:56:00.000+08:00

(Usa ka adaptation sa balak ni Charles Simic nga gipangulohan og "The World Doesn't End". Usa ka gamay nga pagsuway ni Hanuarius sa hinaut nga mapukaw og balik ang inyong tagsa-tagsang musa.)

Ug nahimugso ang atong panahon,
Natong mga gagmayng magbabalak.
Adios Whitman, Dickinson, Frost.
Amo na pud. Kita nga kansang pagkailado
Kutob ra sa atong tugkaran, ug ang bugtong
Tang tig-abiba ang ato ra gyung pamilya,
Mga higala, sa panahon nga kita magtapok
Human sa panihapon alang sa paglad-ok
Sa lamiang ilimnon...
Ug samtang nahikatulog ang kabanay,
mangukay sa karaang taguanan,
diin nahinanok ang pipila ka karaang balak.
Nanghinaut nga intawn walay mapugwat
Sa atong kasikas samtang naglaum
Nga unta ang mga lindog natipigan ug
Wala mawani sa paglabay sa panahon.

Adunay habu-habo, adunay mihunghong kanimo,
Ug siya pud, nangandam sa pagbasa,
Daw nagtungtong sa entablado nga namuwa,
Sa mga pulong nga mihaguros sa balak sa gugma,
Diin ang mga kataposang linya (nga ikaw walay kalibutan
hangtud karon) wala pa gayud mitungha.

Dibuho sa Anino (art of a shadow)

2006-06-03T14:10:00.000+08:00

para sa mga KSP(kutob sa pangandoy) hehe. kung buhi ug nakahinumdum pa...

Diha lang,
Ayaw'g lihok.
Samtang,
buhion ko
ang dibuho
nga maghulagway kanimo.
Kay ang kawanangan,
ang lamparilya,
ang uwan,
ang lamisa
...gimugna aron
mapamatuod ning gabhiuna.
nga sa usahay,
nahitabo
nga anino lang
sa akong pagkahinanuk...

ang dibuho,
ning gabhiuna.

Diha lang,
ayawg lihok,
kaskason ko ang agi sa hayag
gikan anang lamparilya sa lamisa,
nigit-ngiton ning lapis
ang anino
sa imong ilong,
pilok,
ngabil
...ug sa di madugay
mapatin-aw ang hulma sa imong dagway.

Diha lang,
ayawg lihok,
pangitaon ko ang
patak
sa taligsik,
nga nitago sa imong patilya
bu-ot kong dakpon
ang kada pirok
sa imong mata--
kay bisag kini,
dibuho
ang
misteryo

...ug kung mahimo
dakpon ko sab
ang imong ginhawa

ipilit ning papel,

sama sa nahitabo
usahay
sa akong pagkahinanuk.

Diha lang,
ayawg lihok,
kay basin,
masayop ang agi sa hayag
ug ang mga linya,
ug ang mga bulok.
O di kaha,
mutalidpasang kagabhion
ug magpabiling
hanap
ning gibuhian kong dibuho
sa imong hulagway.
Sama sa usahay
nga mga anino
sa akong pagkahinanuk
...nitalidpas sa kagabhion,
ang imong hulagway,
ingon arong gabhiuna.

Diha lang,
ayawg lihok,
ug dinhi ra sab ko.
Dili dunggon ang namaghut kong lapa-lapa
...mupaduol nimo.
Pugos nga
gitugway sa akong bagtak
ang hung-hung
sa kaanyag
nga nagpahipi
sa imong anino

...buot kong'
magpabilin,
ang uwan,
ang lamparilya,
ang dibuho--
aninong napatin-aw.

magpabilin,
sa kawanangan sa akong
pagkahinanuk...

...kay dinhi,
kanunay kang maako.

TIWA ANDAG

2006-06-02T14:52:00.000+08:00

Pag-ilis Na

pastilan dyud nimo inday
pag-ilis kuno

nganong mosulob man dyud ka ana?
dili man ka angayan

imo dyud pugson
lupig nalang toukon ka

karon momandar ka
na dili ka komportable

alangan man intawon inday
naay imo, diha dyud ka sa dili imo

hala kuno, pag-ilis na
timan-i, lahi-lahi baya ta...

Daghan og mambabalak sa among lungsod. ( ni bejay)

2006-05-29T10:48:00.000+08:00

Daghan og mambabalak sa among lungsod
Ilahang balak,
Adunay kasahian sa inyo.

Ilahang balak hunghong

ilang balak, bungol

buta ang ilang balak

bakol og buktot ilang balak

Aduna'y makialagmon na mga balak

aduna'y binogo na balak

Aduna'y balak na pina-rakista

balak sa mga artista

balak na pina-kanta

balak dala salida

Balak sa bata
og sa guwang

Mahitungod sa dagat
og buwan

Ah. Pagkadaghan

Apan usik
Kay wa'y balak nahisuwat.

-bejay

susiha, basaha

2006-05-28T09:45:00.000+08:00

Mga mare, mustang kinabuhi? Okay ra ba ang atong mga kabukogan? Sulayi ninyo og bisita ang site nga "Critical Survey of Philippine Literature". Didto ninyo makit-an ang hulagway sa kasamtangang estado sa Nasudnong Literatura nato. Didto usab ninyo mabasahan ang mga kontemporaryo nga mga sinulat sa atong mga kaigsuonang manunulat sa mga nagkalainlaing rehiyon sa nasud, mga balita kabahin sa kulturang panulat ug katitikan sa Pilipinhong katilingban. Labaw na gyud, didto pud ninyo makit-an ang mga nagkalainlaing mga writing workshops o pandayan sa panulat nga pwede ninyo maapilan.

Ang kini nga mga pandayan sa panulat, mao kini ang mo-giya kaninyo kabahin sa mga nagkalainlaing direksyon sa inyo unyang panulat puhon. Dinhi ninyo makita ang mga posibleng dalan sa inyong panaw ning halapad ug walay kinutoban nga uniberso sa arte ug literatura.

Daghang salamat ug usa ka mamugnaong biyahe kanatong tanan.

Hanuarius

Hinuon, dili tanan laki isog ni bejay

2006-05-28T07:55:00.000+08:00

Hinuon, dili tanan laki isog.

Sultii na lang gud ko
kung ikaw, nagduka ba...

Lisod, kay...
gisayud man gud ako sa
bug-at nimong mata
na kining taknaa sa gabii
ting hinanok mo na

tingligid sa banig
ting abi-abi sa mga
nag kinaunsanag damgo

bakakon lang tingali
ang kahagbungon nimong mata,
kay hinghisgutan mo man gud
ganina
na isog ka, kusgan
makasugakod
na walay ni kadiyut
na tagpilaw

kinumo mo ra man gani
ang bag-ong ba-id
kumingking and bag-ong tahal

Apan, sa gamayng
pagpanapyaw nianang
hangin...
(sakpan ka)
paliron pasawp
ang kandilang nangandoy
mahimong bombilya.
pasawmon ang hangin
og buhian mo sa inosinting buga

manghuy-ab ka.

og mobag-id sa akoang abaga
lupig pa'y iring saag...

mopahimutang

sa dili magdugay...
mahinanok

og kanus-a ka pa man mo-angkon?

hinuon, dili man tanan laki isog

-bejay

*alang sa isog og nagpaisog-isog

ang mga oras

2006-05-27T17:00:00.000+08:00

my shot on (or is it "at"?) a modern style of writing. sorry kung gugma-gugma na sab paminawon. pero pwede man sab ni di gugma-gugma. hehe. ♥, lazy daisy

sa mga bulahan
ang paglabay sa mga adlaw
ug semana
ug buwan

paspas
di mamatikdan

ang gadamgong gamata
makalitan

siya diay
nakat-on na'g paghigugma

ang mga gilamon sa kamingaw
ang mga gilamon sa kamingaw

kanila

ang mga adlaw
ug semana
ug buwan
hinay

hinay ang paglabay

mao sigurong wala pa ka

miabot na lang pa'g balik
ang higala kong hangin

ang tighatod sa akong mga halok
diha kanimo

mibalik ang higala kong hangin

akong mga adlaw

ug semana

ug buwan
hinay ang paglabay

wa pa gihapon ka
wa pa gihapon ka

magbalantay ni kikay kit

2006-05-27T15:50:00.000+08:00

Sandig kanako
Kung nagkinahanglan ka nako
Hawiri ang akong mga kamot,
Kung nakabati ka sa kangitngit.

Pangita pinaagi sa kalangitan,
Moadto ko para makalupad
Kung ganahan ka motago,
Tan-aw lang sa imong luyo.

Naa ra ko diri,
Andam para mobati
Mohawid kanimo,
Ug para panubid nimo…

2006-05-27T15:42:00.000+08:00

PANAGHIGALA

kikay kit

Mohatag og kalipay kanimo
Kung nagsubo ikaw
Nagpanalipod nimo sa bisan unsa’y madangat
Kung nagsakit ka

Dili gayud mobiya kanimo
Naa pirmi sa imong kilid
Nagpakita sa iyang tinuud nga gibati
Ang kamatuuran dili manghimakak

Pinalangga kong higala
Ang matahum kay ikaw
Ug kanunay tika’ng higugmaon.

ikaw na kaha?

2006-05-26T17:27:00.000+08:00

kikay kit

Niadtong ordinaryong adlaw
Sa diha nga nagpahulay ako
Nangita og kalingawan sa pahamudlayan
Maayo ug magmalanawon ra ang tanan.

Unya naay panghunahuna nga nisantup kanako
Sa diha-diha naa ko’y nahinumduman nga usa ka kinahanglanong butang
Makatagbo kaha ko og usa ka tawo karong adlawa?
Nga maghigugma kanako nga wala’y sama?

Usa ka higala ang akong matawag kaniya
Sa mga butang manggiulawon ako
Bisan mohatag og diyutay’ng sulay
Kong magpakita na siya sa iyang malaumon nga ngisi
Nagpa-uswag ug nagpasadya siya kanako.

Usa siya kamalig-ong tawo
Pirming tibuuk ang mga pagbuut
Siya ang tawo nga akong masaligan
Kung mahulog ako sa bati nga panghigayon.

Naghulat gihapon ko kanimo nga mo-abut
Ikaw na kaha o maghulat pa ako sa sunod na mga adlaw.

akong pagpa-abot

2006-05-25T17:42:00.000+08:00

Kadto nga simanaha,
ang mga dahon nangalaya ug nangahagbong na..
diin naka?
diri rako magpa-abot kanimo..
ayawg kabalaka..

Kining buwana,
gi-lantaw ko ang ka lay-on sa kanawkanaw,
dili malimtan ang kamingaw,
ang dagat..
mi hubas...
mi ta-ub usab...
diin naka?
di-a rako..
gapa-abot kanimo..
ayawg kabalaka..

Ato nga tu-iga,
ang kahoy sa mangga humana ug pamunga,
wala pa gihapon ka,
tu-a rako ngadto gipa-abot ka..
Ayawg kabalaka..

Mi abot ang kahayag sa buntag
mi tung-tong ang kangit-ngit sa kagabin-on
diin naka?
ni-a rako..
gapa-abot gihapon kamino
nabalaka..
pero gipa-apot gihapon ka,
maski nahibalo nako nga
layu na kaayo ka..

untitled

2006-05-24T16:00:00.000+08:00

Ni adtong ako bata pa
Puti og itom lang akong makita
Sa akong panan-aw klaro
Sayop man kini o husto

Wala'y lisod, gubot o lantugi
Tanan takdo sa akong pagpili
Kalipay niining lunlong gibati
Migasa kanako og simpleng kinabuhi
Mao sa pag-atubang ni'ng kalibutan ako nakat-on
Gumikan pagpuyo ni adtong kondisyon

Apan unsay nahitabo karon
Nihanap ang kagahapon
Ang kani-adtong puti og itom
Kutob na lang karon sa paghandom

Kani-adto; tataw pa og sayon matino
Mga butang 'di na ma-ila, sayop sa husto
Unsay tinu-od mihinay og lubog
Gipakyas ko sa akong kaisog

Mao siguro kini ang kalahi-an, karon sa kagahapon
Ni-adtong bata pa ko, karon sa akong pagkabatan-on

TUBAG, TUBAG-TUBAG!

2006-05-23T17:01:00.000+08:00

(NAKAhinumdum lang ko atong usa ka gabii, human sa meeting sa sinulog com didto sa PK. talagsaon to nga punduk. diba betchai??. Naa tuy' binuang nga pangutana... kung makahibaw kuno ka nga lima nalang ka oras nahibilin sa imong kinabuhi, unsa kunoy' kinatapusan nimong huna-hunaon ug buhaton?...sukad ato, nipilit man hinuon ni nga binuang sa akong huna2x)

Sa dili madugay,
Manglayas ta.
Nadagkutan na ug kandila
tanang pantyon
nga atong nahinumduman.
Wala nay' makit-ang higala
nga masuginlan sa mga panghitabo samtang,
layo sila.
Unyang taud-taud,
isulti na
ang labing awahi nga pag-ampo.

Ang nagdum-ok nga hagawhaw--
tagak-tak sa mga lakang.
Dili ta lingi-on sa ka awa-aw samtang,
gibukutan kita
sa pantyon
nga naa sa atong likod.
Puhon,
ugma damlag,
basin muabut pa sila, kana kung buhi ug nakahinumdum pa.
ug dinhi sa nag-inusarang dalan,
saksi ang mga luha
sa hilum nga hukom.
Dinhi,
gikanta ang paburitong nota
sa mabulukon nga kalibutan.

Ang mga naa dinhi,
kadtong nangahanaw.
Ug basin,
basin ugma damlag,
magpalayo usab...

...kay ang kalibutan,
gihimo lang
alang
sa paghandum...

mao,
nga ang lawas sa taw
...tabunan ug bato,
ang lawas
...sunugon hangtod mahimog' abo.

ang maghuna-huna
sa iyang hinigugma,
dugmukon
sa ginagmay
nga pangil sa kamatayon

'hangtod buhok ug ngipon mahibilin?'

Makita nga malipayon sila,
samtang nag-akbo ta sa lapida
ug ang tanan ngadto sa unahan,
...makalimot ra usab.
'pila ka tuig? unsa ka dugay?'
Samtang sila,
wa mabalaka,
bisag
kadiyot lang sa paghinumdum.

Sa dugay nga paghuwat,
mahibaw sila sa hinungdan
niining paghilak:
...paghandum, pangandoy--
...pag-inusara, pag-pangita.
Apan,
sa dugay nga paghuwat,
dili nila masabtan ang mga luha?

Kung usa musigon:
"nilakaw siya!"
mawad-an kaha ug bili ang iyang ngalan?
Kung ingon ani man,
ang kamatayon,
mu-agi
daw patak
sa uwan.
ang paghunung niini,
sinyales sa bag-ong' kalibutan.
Makita
ang pirmirong subang sa adlaw.

Apan,
dili ni mahitabo,
dinhi nato sila gi-biyaan.
Sa samang lugar
gisuwat ang ilang ngalan.
Sa balik-balik,
ipatin-aw niini ang mga letra.
Daw usa ka damgo,
ang katapusang li-li--
ang amang nga bahik-hik.
Ug didto,
ang mga hanap nga hulagway
ipa tin-aw sa kinatapusang
ginhawa.

Kung ang karon ug ugma,
kutob nalang sa pag-hinumdum...
ug ang mga damgo,
bantawan nalang
sa tibuok adlaw
nga paghandum.
sa walay paniaw-tiaw,
kung giyabo mu na ang tanang pag-hinumdum...
Andam na
nga mugawas sa kinabuhi.
ug dinhi,
dakpon ug simhuton
ang baybayon,
didto sa unahan.

mahuman ang pag-ampo,
sa nangawala,
ug uma-abot.
ang bugtong kanta
nga awiton...
alang nalang
sa mga hungihong
gikan
sa nagdila-ab nga

...igbabayaw.

TIWA ANDAG
hubad gikan sa tula ni Manolito C. Sulit

2006-05-19T21:06:00.000+08:00

Ang Sulod Sa Tiyan Ni Boknoy
-dollshoes-

Nagminyo ug sayo
nanganak ug pito
gibaligya ang lima
ang duha nagpabilin pa

gipadako ug maayo ang mga bata
gipatotoy hangtod mabusog sila
pila ka buwan ang nilabay
nanagko na baskog ug lig-on ubay-ubay

napuno ug mga luha ang mga mata
ang ilang panagna ibaligya na sila
sus maryosip! sa wala mag dugay
gibaligya dyud diay sila ni nanay

karon mangutana ka
kung asa na ang mga bata
naa intawon sa tiyan ni Boknoy
kay tungod diay ang mga bata mga...Baboy...

2006-05-19T20:50:00.000+08:00

Tingsi sa Bata
-dollshoes-
(cute man gud ang bata... ug para nako kung makakita ko ug bata na nag ngisi mawala dyud akong mga kasakit... *sniff* *sniff*)

Tingsi....

tingsi, makawala ug labad
tingsi, makawala ug kaguol
tingsi, makawala ug sakit
tingsi, makawala ug gubat

makawala sa tanang pag-antos
ang tingsi sa bata.....sa bata

2006-05-19T20:37:00.000+08:00

Isip Usa ka Giya
-dollshoes-

ablihan napud nako
maski abog lantawon
dili man gud mapugngan
manawag dyud hilabi na kung ulan

matag kita namo
dad-un dyud ko bisag asa
sa kamtuoran
ug maski sa walay hinungdan

emosyon nako nagsagul-sagul
nalipay, naguol
pagtulon-an na nadangat hastang daghan
tungod niya daghan ko ug madala

matag sira ko kaniya
nasudlan napud ang kaban ni lola
matag lakaw bit-bit ko siya
aron himuon ko isip akong giya

BISPERAS

2006-05-17T15:51:00.000+08:00

Way kinutubang pag-antos,
Niining ting-init.
Ang lunhaw nga dahon,
Gitukob na sa yuta,
Mihilak.
Ang dinaga-ang sa langit,
Nag-nunut niining batong buhi.

Nagdag-um na,
Bugnaw ang inagian sa huyuhoy.
Ang panganod,
nagpuyos
ug
maasgad nga luha.

Haduol na ang ting-uwan,
Sa pag-alisngaw sa ugang yuta

Mutuyhakaw...

Mu-usbong ang tanum
Nga hagbay ng
Nalaya...

TIWA ANDAG
January 2005;Handuraw Cafe'

2006-05-17T13:00:00.000+08:00

Lolo Ko
--dollshoes--
(cool kaayo ako lolo noh? naghunahuna bitaw ko sa akong lolo)

lima lang ni kalinya
apil na ang nag una
unsaon man nag libog man ko
kung unsa'y isulat para sa akong lolo
nag labad na noon ako ulo

Kanimo sinuwat ni balma

2006-05-17T12:59:00.000+08:00

duul Kanimo
gusto ko duul diha Kanimo
ingun sila dili ko angay
muhisgut bahin Kanimo
apan,
muduul ako Kanimo.

musabot?
wa ko masayod
kung aduna'y nakasabot
apan, nadiskubrehan kong
mas tam-is ang pagkuyog
nga wala'y rason.

busa,
muduul ako
diha
Kanimo.

2006-05-17T11:47:00.000+08:00

Dahon?
-- dollshoes --
(kamo lang ang sabot. mao lang dyud ni ang mingsulod sa akong alimpatakan)

ang dahon nag tuya-tuya
nahagbong gikan sa usa ka kahoy
laya naman gud
patay naman gud

kalooy sab uy
mahagbong lang diay ta inig malaya?

pero dahon mana siya diba?
kita tao man
naunsa man ko uy

kita maka lihok
ang dahon dili
makalihok lagi
kung uyogon o adunay hangin

sila maabogan
kita pwede man papaan ang abog
malimpyo lagi sila kung mauwanan

sila matamakan; dili na mabuhi
kita, kita pa ang manamak

mulihok na kaha ta
dili na kaha ta magpadala sa hangin
dili na kaha ta magpauyog

sugdan na nato ang pamapa sa abog
kay kita usa ka tao, dili dahon

unta ni bhebz

2006-05-16T13:05:00.000+08:00

nilakaw sa da'n
gisubay ang sapa
nilupad sa kawanangan
nitugpa sa dakong buslot

nalipay na nagdahum
nisayaw ang huna-huna
nagantos ug dugay
wa' pa gyud diay

samtang naghuwat
nanampiling sa kilid
naninghawak sa daplin
hapit na unta

nangita ug maayo
gipugos ug abli
ang katulgung mata
nanguyab nalang wa' gihapun

sama sa tanan
na naghuwat sa kaugmaun
sige nalang ug antos
di gyud diay mu abot.

Gimingaw - "Chai"

2006-05-15T18:54:00.000+08:00

(Umm...ambot lang. Ako mismo, nalibog ko. Hehe. Suway-i lang ug sabot. =)

Lab,
Asa man ka?

Wala ko kakita nimo
Pagmata nako.
Wala ka sa akong tapad.
Bugnaw kaayo ang katre.

Wala ko kakita nimo
Didto sa kusina.
Wala ka naginit ug tubig
Bugnaw hinoon ang kape.

Wala ko kakita nimo
Didto sa banyo,
Wala didto imong shampoo,
Ang imong humot na baho.

Wala ko kakita nimo
Didto sa sala.
Wala’y nigakus nako paglakaw ko,
Mingaw na hinoon kaayo.

Lab,
Hain man ka?

Alas dose na sa gabii
Apan, wala pa ka miuli.

Gimingaw na ko nimo.
Sa imong kape,
Sa imong baho,
Sa imong halok,
Sa imong lawas.

Lab,
Asa gani ka niadto?
Apasun run tika dira.

Huwat lang.

Ang Gi Alzheimer's sinuwat ni balma

2006-05-15T17:49:00.000+08:00

(para sa atong nasod... mayta'g dili fully tinuod...)

tutok, tutok, tutok matag adlaw
inig gabii, mangita'g pamahaw
makigdungan og taghoy sa mga langgams' gawas
mangaway sa iyang misis kon dili makagawas

kini ang dagan
sa kinabuhi sa gi Alzheimer's

sayos' buntag mahinumduman si Sinatra
ug all the girls he loved before.
Pangutan-a, suwayi kaw, kon kinsa iyang kasturya
kung aduna siya'y matubag, hinimo na ngalan, basig si Maria

mao ni ang butbot na mapasaylo
kay lagi, gi Alzheimer's.

Kon parehas ra iyang pangkan-un, ayaw'g kabalaka
Kon makigtabi ka, ay'g dahom na mailhan pa ka
Ay'g pangandoy na tabangan ka sa imong homework
Salig lang, mas malingaw pa siya sa cartoon network

Apan, ayaw intawon kasapot
ug ayaw siya biya-i,
ang tiguwang na gi Alzheimer's

kay ikaw, bisan bata pa,
aduna ka na'y memorya na sama
sa kapin pas' otsenta.

kung ako hagkan mo

2006-05-15T15:27:00.000+08:00

hubad sa akong karaang balak nga "if you kissed me," nga gipatangtang ni sr. directress sa ulahing guwa sa star magazine. ♥, lazy daisy

kung ako
hagkan mo,
ako di makahibalo
nga gihagkan mo ako.
bisa'g ako
hagkan mo pa'g usab--
higopon mo pa akong kada ginhawa
pinaagi sa imong mga ngabil--
di mo gayud matilawan
akong gugma.
kung ako
hagkan mo,
ako di makahibalo
nga gihagkan mo ako.
bisa'g ako
hagkan mo pa'g usab,
ug usab,
ug usab.

PAMALATIAN SA GUGMA

2006-05-15T15:15:00.000+08:00

kikay kit_Rogie Marie Y. Reyes

Gugma mao ang nagpakita sa tanan
Sama sa usa ka pula nga rosas nga nagpadani sa buyog
Gugma mao ang nagpadunggog sa tanan
Sama sa banha sa mga balud
Nga nagpabati nimu og kahimuut.

Gugma mao ang nagpabati sa tanan
Kini ang nagpabuka sa kasingkasing nga giselyohan
Gugma mao ang nagpatilaw sa tanan
Sama sa halang nga sili
Nga nagnapasilaub sa imong kasingkasing.

Pamalatian sa gugma, sa luyo’g luyo nimo
Kaugalingon nimong kinaiya ang nagkuha sa imong kamingaw
Tan-awa ang palibut, makapahibulongan ug makita nimo
Unsa ang wala’y katapusang guma nga mahatag kanimo.

memoirs of an ANDAG

2006-05-15T13:15:00.000+08:00

Murag nakig duyog ang buwan sa among pagpahuway. Wala kini nagpakita sa iyang duty rong gabhiuana. ug tungod niini, ang mga mangingisda nagpitsa sa lawd. ang mga mananagat murag mga aninipot sa baybayon sa argao. tungod sa kanindot sa palan-awon, dali nakong gikuhit si Bhebs nga naglinkod sa linkuranan nga naa sa akong atubangan. Gitudlo nako ang mga pinalispis sa kayo nga naglutaw-lutaw sa dagat.

"Hala twinx! ang ganda bah!"

"...basta walay buwan bhebs, mao man ang best time nga managat kay manggawas man ang mga isda.."
"ganon' bah..."
(nakat-unan nako sa mga mananagat nga gikuhaan ug panginabuhi sa SRP)

padayon ko nga nagtan-aw sa baybayon samtang nagsubay ang bus sa kadalanan sa south. Mu-uli nasad kos Cebu. ang mga taw nga akong kadungan, laspag kaayo. murag gipangkapoy-- basin gimingawan. wa koi mga sturya bisan hungihong nga madunggan. ang talagsang pag-busina, ang daguung sa makina ug tukar nga "just got lucky" lang ang mamagnus sa akong dunggan. sa akong kakapoy, ug sa pagduyan-duyan sa bus nako, lami na kaayo ipiyong. apan naka-huna2x ko sa mga gipangbuhat namo rong adlawa.

"COKE IS IT!"-- ang unang nisugat nga interes pag-naug nako sa CERES. Dili tungod kay 'colaholic' ko, tungud kini kay nagtungtung nako sa kayutaan sa Dalaguit. niadtong kwatro anyos ko, dad-on ko sa akong mga ginikanan kada semana sa ilang pagtuyok-tuyok sa probinsya. sa akong pagkuyog-kuyog nila, halos mahinumduman na nako ang tanang lungsod sa sugbo. Maghinumdum ko ug mga landmarks sa kada lungsog, panalitan-- Dakong sapatos(park)- naga, guba nga taytayan-pinamungahan, puti nga rizal-Moal-boal, karatula ni pido-dido-Bogo, baho nga dagat-San Fernando, karatula nga Coke is It-Dalaguit.

Ug naa nasad ko diri. Nag-ngise, samtang tagsa nakong gipa-dayun' ang mga nanuktok nga hulagway sa akong pagkabata. ang "Coke is it" nga sign board murag karaan nga higala nga nangamay nako ug nagpa-ambit sa daghang kausaban sa lugar. daw, madunggan nako nga nisigon siya nako,

"gamay nalang ming nahibilin nga karaan"

apan, bisan pa, mao ra gihapon ang hangin nga nisulod sa akong ilong-- dalaguit gihapon.

kuyog nako karon, duha ka langyaw. Ang usa taga Gen-San, ang usa lumad Manila. Dungan mi ug anhi apan lain lain ang among misyon. Si ate Michelle(taga-manila) gustong mu bisita sa iyang mga ugangan, naka-minyo man siya ug taga dalaguit. Si bhebs, gawas sa pag- sugot sa usa ka hangyo sa taga-dinhi, gusto siyang magawas sa kasamok ug kakomplikado sa siyudad(eskapismo). Samtang akong misyon, kuyugan sila, ug mang-hulagway sa mga butang nga maka-sinabot sa akong video cam. Ug unya mao kini ang nanghitabo...

(to be continued...)

mga damgo’g bangugot

2006-05-15T12:37:00.000+08:00

♥, lazy daisy

adlaw-adlaw
kita magaginod
ug malangkob
sa nagkalain-laing gahum

may muanod kanato
balik sa kaguol,
may mualim sab
sa mga samad

anaay muagi lang,
ang uban magpabilin

sila,
ang pan
sa sama ‘nato

kung sila wala,
ang mga balak
di matawo

tiwa andag

2006-05-15T12:05:00.000+08:00

Usa sa akong mga nakat-unan sa mga udto sa summer: ang bisaya kuno nga sinuwat, mas maayo basahon ug kusog... siguro, gawas sa tono kon peculiar nga accent sa mga bisdak, usa sa mga hinungdan ani(akong theory basi sa akong na-obserbahan) kai, ang usa ka bisayang sinuwat usually i "give away" daan niini ang emotions nga gustong ipadangat sa manunulat(therefore mas nindot paminawn kung i read aloud). ang emotions sa writer mulutaw man sad kung giunsa niya pag-phrase ug unsa nga words(even letters) ang iyang gigamit...panalitan,
"Tolindoy, kuha-a ang lampaso." ug "Kuha-a ang lampaso Tolindoy."...
makaingon kita nga ang unang pulong mas naay"katungdanan" itandi sa ikaduha, ingon pa man, nanghinahanglan nga mas lig-on ang katungdanan or mas maguwang ang usa ka taw para musulti ug ingon ana(culturally) diba?. Emotion wise, ang ikaduha nga pulong mas "lambing" kaysa una. Apan, usahay bisag isulti nato ang usa ka sinuwat dili gihapon nato madeliver ang sakto nga emotion nga unta gipakita sa usa ka pyesa(esp poems). tabangi ko unsaon kaha ni? hinuon usa na ka-challenge sa reader nga ma tumpok ang tinuod nga emotion sa usa ka sinuwat, ug sa writer nga ma sakto ug phrase ug sakto nga words iyang gigamit sa iyang gisuwat.
Moving on,
naa diay koy sinuwat nga...ambot balak ba ni, mayntag basahon ninyo ug tarong.(un-edited diay ni.hehe.)

GIPAAGI SA MATA

ngano man na imong mata?
dili ingon nga nindot,
apan,
ganahan ko
magtan-aw niini.
Dinhi ka musturya kanako,
malingaw sab ta sa atong mga pulong pinaagi niini.

makita ko nga ikaw gigutom,

pinaagi sa imong mata.

makakita ko nga ikaw nagtiaw-tiaw,

`pinaagi sa imong mga mata.

makita ko nga nalingaw ka,

pinaagi sa imong mata.

ang pagdako niini, musigon sa imong kasapot...ang iyang pag

makita ko nga naglagot ka,

pinaagi sa imong mata.

makita ko sab nga naglisod ka,
pinaagi
sa
imong
mata.

Ang imong pagkawili sa mga gipanglabay nga pulong,
makita ko sa imong mata.

ug samtang nagtan-aw ko sa imong mga simag...

nakit-an nako ang imong gugma.

...apan,
gi-ahak nalang,
kining tanan walay kasiguruhan kay sa mata ra man makit-an,
intawn,
unsaon ta man,
ipaagi ko nalang sab sa mata,
ning gitagong balati-an.

...ipaagi ko nalang sa mata...

tan-awa,
ug unta malingaw sab ka.

KINAIYA sinulat ni luhang lumad

2006-05-15T11:52:00.000+08:00

disi-sais mi tanan sa usa ka klase
puro mga babaye na mga seksi
sa klasrum sige lang og kisi-kisi
ang uban di kahunong pagsige og ngisi

Ang akong tapad na si Lesley
Sa luyo, sikreto lang mi og tingsi
sa sobra kakapoy og busy
pastilan, makasulti mi og litse!

Ang akong atubangan na si Joharra
ang akong masulti... "ra, ra, ra, ra"
grabe og enerhiya kining bataa
bisag ang nagduka, makamata!

Ang sunod kay si Balma
ang akong amigang kalma
bilib ko kay bisag saputon
iya lang gihapon antuson.

Si rogie, the kikay kit
mosulod og klase bisag lit
usahay sa klase mo-absent
makonsensya, maong mo-present.

ang akong jian na besprend
busy sa mga txt na iya i-send
bisag ang utok kay naglibog
siya ang nag-inusarang sabog!

ang talented na si twinkle
grabe.......... col na col........
mga sinuwat niya kay ngilngig
kung ako maminaw, motikig!

sunod, kay si hot momma shane
mga lalaki makasulti gyud og "oh man!"
layp stori gyud niya ang iya istoryahan
kay tungod, espesyal niya si Nathan!

zenita bonita ako tawag niya
maatimanon na amiga ni siya
usahay sipat, usahay seryoso
kung pabasahon, aww... maayo!

sa ngan lang daan bisdak na
kung mosulod sa klase, hataw na
bisag lapoy og ang ulo gihid-ik
mao na si bai, grabe mohagik-ik!

si rhea na taga-Butuan
kunohay.... kay bootan.
bisag ang maestro naglecture
la mi ka-G kay wala miy pyutyur!

si bejay ang sunod sa lista
kaning bayhana kay rakista
mga bisrock iyang gipasundayag
manganta dayon mi og "oh kahayag...."

ang sweythart nako na si des
banha pirmi bisag sa adlaw sa huwebes
naa ni siya naglingkod sa atubangan,
tungod kay si munchin iya kantahan!

usa namo kay usa ka langyaw
sa mga balak kay di mo-ayaw!
siya kay lumad sa kailawman
mao na si betchai, usa ka german!

si bhebz, utro pod na jologs.
kung mokatawa, maapil mi og yugyog.
mangutana mi niya kung naa miy kinahanglan
ilabi na kung kabayotan ang hisgotan!

pormal, mao na si ace.
di matagna ang iyang mga days!
daghan na ang iyang naagian
iyang bagong buhay, ato na lang supotahan!

yours truly, ako ni
inyong amiga na si suzie
bisag akong pangurog kay sige-sige
sa akong huna-huna, naa mo pirmi....

LUNA...sinuwat ni buwantama

2006-05-14T22:03:00.000+08:00

misteryo. ikaw usa ka misteryo.

ang imong suga mao'y nagpalamdag sa kangitngit
ang akong kasing-kasing dugay na nimong gibitbit

ang imong kahayag, naghatag kanako ug kalinaw
maong matag gabii ko pirmi naglantaw

ang imong misteryo padayon kong gisulbad
apan bisag unsaon, ang imong mensahe dili nako mahubad.

sa layo. ikaw tu-a sa layo.
apan sa akong pagkatao, ikaw dulo ra.
kay pareho nimu, ako sad...luna.

<kamo nay bahala'g sabot. salamat!>

Ballerina - Elisabeth Baumgart

2006-05-14T18:00:00.000+08:00

(Wa gyud ni klaro na balak. As in. No direction. Discombobulated ko pagsuwat ani. Hehehe. =) Bitaw, ambot unsa gyud ni siya. Ungo-ungo man ni...)

50 na ka tuig ang ni labay.

Nakahinumdum pa ko,
sa kahugaw sa inyong auditorium,
sa mga gubaon na lingkuranan,
sa mga suga na dili maniga,
sa kurtina na hastang abuga.

Nakahinumdum pa ko,
sa imong sigeg reklamo,
matag sayaw nimo sa entablado.

"Kahugaw sa stage uy.
Hubakun man sad ta ani!"

Pero, misayaw gyud ka.
Bahala na, kung unsa pa kahugaw,
bahala na, kung mutukar ang imong hubak.
Basta, mosayaw gyud ka.

Nakahinumdum ko,
na ganahan gyud ka mosayaw.
Bisan asa ta moadto,
mosayaw gyud ka.
(Ako nalang nauwaw para nimo!)

Mao na, mibisita ko nimo karon.

Pagsulod nako sa inyong auditorium,
nakakita ko nimo balik.
Nalipay ko.

Mao lang gihapon imong panagway.
Mao lang gihapon ang imong sinina.
Mao lang gihapon ang imong sinayawan.

One and two and three and four
Pirouette. Jete. Plie. Entrechat.

Murag ka naglutaw didto sa entablado
sa pagsayaw-sayaw nimo ug ballet.

One and two and three and four
Pirouette. Jete. Plie. Entrechat.

Naglibog lang ko,
kung kinsang kalibutan nagtuyok
pagtuyok-tuyok nimo

Akoa ba,
o imoha?

Naglisod ko ug lingkod sa inyong gubaon na lingkuranan.
Naglisod ko ug kakita sa imo, kay way suga naniga.
Naglisod ko ug ginhawa, kay abog na kaayo.

50 na ka tuig ang nilabay.
Ako na tiguwang nalang.
Ikaw, nag sayaw lang gihapon.

Kanusa kaha tika parisan sa imong sayaw?

Hapit na.

Ang Rason - Elisabeth Baumgart

2006-05-14T17:34:00.000+08:00

Tungod nimo,
wala 'mi katulog.
Tungod nimo,
wala 'mi kaligo.

Sabog among nawong.
Pila ka adlaw,
Wala 'mi sa saktong hunahuna.

Tungod nimo, na hurot among kwarta,
sa sigeg sakay ug taxi ig kadlawn
Tungod nimo, grabe namo ug pangita ug
disposable underwear sa SM.

Nakick-out nalang 'mi sa Bo's.
Nakakaon ug Coffee Jelly imbis kape na init gi-order.

Tungod nimo,
Nagpasing-uwan 'mi para di daw maklaro among luha.

Apan.

Tungod nimo,
nagbitbit 'mi karon sa among mga kasing-kasing.

Tungod nimo,
sigurado gyud 'mi na sakto among dalan na among gisubay.

(Tungod nimo, permi nalang 'mi magdala ug disposable underwear! =)

AMPO - Leslie Fernandez

2006-05-14T16:30:00.000+08:00

Sa akong damgo nag gakus ta
gigakus ka nako sa akong mga kamot
nitanaw ka kanako, imong mga mata puno ug gugma
gipasabot ko nimo
nga dapat ibahin kanimo
akong kasing-kasing, ug huna-huna
pagmata nako ang kamatuoran wala ka
ako ra isa
apan kahibaw ko nga muabot ang adlaw mubalik ka
kahibaw ko ang ginuo nag huwat sa saktong oras

ginuo, pag mu abot ang kangitngiton
ipakita kaniya ang kahayag
ginuo, ipahibalo kaniya na gihigugma ko siya
pag wala siya'y kauban, ipahibalo nga naa ko
isirado iyang mga mata ug ipahibalo nga akong
kasing kasing sa iya ra
gi ampuan nako ang adlaw na kami mag uban

GRASYA - Leslie Fernandez

2006-05-14T16:23:00.000+08:00

nihangad ka ug nitanaw kanako
ang imong mga mata, mga bituon sa langit
puno ug kahadluk, puno usab ug pagsalig
samtang mikanta ko sa akong alawiton
natulog ka sa akong mga kamot
sa atong pag gakus, dili ko gusto mubuhi
nahadlok ko, nahadlok ko
ang mubiya kanimo, dili nako mabuhat
mahadlok ko, mahadlok ko
grasya ka para sa ako, tinuod kini
apan sa imong pag abot nabago akong kinabuhi

2006-05-13T09:36:00.000+08:00

an excerpt from the Developmental Theatre class play, "Bording Haws" under the training of Sir Pyke Aniceto. Script written by Bejay Villaflores, Elisabeth Baumgart and Katrina Balmaceda. note: italicized sentences are Flora's thoughts.

SCENE VI – MIXING COLORS
Flora Mae: “Tibia, fibula, radio, ulna, femur. Tibia, fibula, radio, ulna, femur. Tibia, fibula, radio, ulna, femur.” Kapoya diay aning nursing uy. Ah, unya na na, Flora Mae, i-clear sa imong thoughts. “Gubota sa akong painting uy. Unsa gani to ang gi-ingon ni Makoy, kato unsaon pag-sagol sa colors? To make life more beautiful? Nge! Beautiful diay ang life?”
Makoy: Plora! Musta naman imong painting?
Flora: Ayaw tan-awa uy! Wa pa gani na nahuman.
Ep2x: Ay, sige na lang gud. (Looks at painting) Ahhhhhhhhh. Kadyut sa ha.
Flora: Ingnan ayaw tan-awa.
Makoy: Di, di, para nako, ang imohang subconscious ang ga-motivate sa imong mga brush strokes. Maybe you are discombobulated.
Ep2x: Ah, grabe bai. Naa sad diay ka ana nga termino?
Makoy: Naa sad ta’y hidden talent dinhi uy, di lang nako sige ma-feel. Sama ra gud sa admission slip ni Rose Ann.
Ep2x: Lahi sad nang imo, bai, da.
Makoy: Adto kaw, samok-samoka didto. Tabangi’g tuon sa anatomy sa baki.
(Ep2x exits)
Flora: ‘Koy, unsa’y discombobulated?
Makoy: Confused ang meaning ana. Bitaw, naglibog ka, Plor?
Flora: “Sus, kung kahibaw pa lang ka.”
(Makoy scrutinizes Flora as she paints,amused)
Makoy: Hali beh, tabangan tika. Kung mag-mix ka og colors, Plor, kailangan mubalik gyud ka sa primary. Kanang color wheel ba.
Flora: Blue, red ug yellow, diba?
Makoy: Brayta sad uy! Sige. Gikan diha, makabuhat na ka og lain-laing byutipul colors. Timan-i lang ni: (demonstrates color-mixing) blue plus red equals violet; red plus yellow equals orange; blue plus yellow equals green. Ingon ani ba.
Flor: Ah! Kahibaw man ko ani pagkabata, ‘Koy, wa gyud ni nako kalimti.
Makoy: Bitaw Plor, ayaw gyud na kalimti ang imong nakat-un pagkabata… mga butang na nagpalipay nimo. Kadungog ka anang saying na, “The child is the father of the man”? Suwayi og paminaw ang bata sa imong kaugalingon. Tan-awa, dili na gyud ka malibog.
Flor: discombobulated, ’Koy? Sige, salamat ha.

(LIGHTS OUT)

Mga Kutlo:

2006-05-13T09:04:00.001+08:00

Ang nindot nga gugma kay ang klaseng gugma nga nagpaluya sa atong kinabuhi ug nagpakab’ot og dughan. Ug kanang tanuma nagpasaliiab sa atong kasingkasing ug nagdala sa kalinaw sa atonh panghunahuna ug mao na ang imong gihatag kanako, nagdahum ako na mahataga kanimo sa kahangturan…
-- Gikan sa salida “The Notebook”

Nagpahimulus ako sa tibuok kong kinabuhi nga magpalunsay sa mga butang nga gituo ko nay pulos, kung ang usa ka butang nga akong gi’ampimgan sa tinud’anay kay naa ra sa akong atubangan sa kanunay. IKAW ANG AKONG KASINGKASING. Gikan karong adlawa, ikaw ra ang akong pinakahigugma nga mutya. Gusto ko mapuno ug salumsum ang akong kinabuhi. Ug dili ko mag’atang usa nila kung wala ka sa akong tupad, dili gyud…
--After the Sunset

Ayaw huna-hunaa sa pinulongan nga katapusan. Huna-hunaa ang pagkakaron, ug ang kahangturan sa ang ma-amuma sa iyang kaugalingon.

Dungan mo og kalambo, sa kanunay.

Pagdahum og ubay-ubay nga puhunan sa oras ug gahum sa inyong relasyon. Ang makanunayong relasyon dili lng mahitabo, kundi gihimo sa duha ka tawo.

Hinumdumi nga ang relasyon kay langkub sa kapanguhaan. Pasabot nga kada relasyon dili lang ikaw mohatag, angay kang mo-labaw.

Ayaw itugot ang mga pagsulay maoy magpagahi sa imong kasingkasing; masbali imo siyang gamiton para mas makasayod ka ug dali makabati.

Ayaw panghinuktuk. Sakay sa duyog sa kinabuhi ug sa higugma. Wala sa imong mga kamot ang kahangturan.

Ayaw pugngi ang mga kaligutgut, kasakit o pag-antos. Sila ang mokuha sa imong kusog ug magpalayo kanimo sa gugma.

Diborsyo, lalis, magbugno dili makasulbad sa inyong mga problema; mas maayong sulayan sa pagsabut, pagkamahigalahon ug pagkamoayon-ayon.

kikay kit

Ang Tinuod Nga Gugma

2006-05-12T23:09:00.000+08:00

kikay kit

Ang gugma dili ingon na dili ikaw
makabati ug kayugot o magpuyo ikaw
sa kinabuhi na walay paki-alam.

Dili ingon nga dili gayud ikaw masakitan
o ang imong kinabuhi kay maperpekto
tungod sa pagkalamon kanimu sa tiptik sa kalipay.

Ang gugma nagpasabot nga aduna kay pirming kuyog,
nga naay usa ka tawo nga andam mutabang nimu
sa kalisud ug mag-sadya uban kanimo
sa panahon sa selebrasyon.

Ang gugma nagpasabot nga kada lalis
kay masundan ug panahon sa pagpasaylo
ug kada panahon sa kaguol
kay malabwan siya sa tanang makalumoy nga higayon
nga nagpahimulos sa kainit sa mga gakos.

Ang gugma ang nagpahulma sa duha
ka kinabuhi ug mahimong usa,
makapabugkos sa duha ka kalag ug maghawid nilang duha,
makapuno sa duha ka kasing-kasing ug naguros-uros
nga halawum nga pagbati hangtud sa kinatapusan.

Ang gugma kay grasya nga makahatud kanimu
sa pinakapatsada nga dalan sa kinabuhi.

"Bording Haws" -- come and watch!!!

2006-05-09T05:52:00.000+08:00

"Maunsa sad imong kinabuhi kung musubay ka og usa ka dalan 'nya wala nimo gibitbit ang imong kasing-kasing?” So goes the question that greets Flora Mae on the day she first sets foot in the boarding house. Welcomed by an extroverted gay, an opinionated intellectual, a doting landlady, a couple of free-spirited artists and her best friend, Flora Mae finds herself questioning the road that has been mapped out for her.

The Developmental Theatre class of Saint Theresa’s College (STC) invites you to watch their original play entitled, “Bording Haws”. It features a mix of the Bisaya and English languages. Meet the cast as they search for their paths in the fun sentimentalities of everyday living.

“Bording Haws” is the everyday story of a college freshman’s search for identity away from her home and amidst a melting pot of cultures, backgrounds and teenagers’ dreams.

So, come step into the “Bording Haws” on May 12, Friday at 6:00 p.m. in the STC auditorium. No rent required. (Passes will be given at the gates.)

KABAHIN SA KAHAYAG

2006-05-05T19:04:00.000+08:00

mga mare,

Ambot og nakabasa ba kamo niadtong kolum nga meanwhile sa sunstar niadtong Biyernes. Adunay mga deleted lines didto kay milapas ko sa limit sa karakters. Didto man gud to sulata sa usa ka internet cafe nga walay microsoft word ug busa walay word count. Ang mayoriya hinuon sa akong nasulat migawas gyud apan adunay pagputol nga gihimo ang editor aron masigo kini sa espasyo. Ako lang korehian ang gagmay (gagmay ra kaayo) nga mga inaccuracies sa bag-ong bersyon. Aduna kadtoy "tease them with the word rambunctious" ug kitang tanan sayod nga ako kanang gigamit nga pulong in a "fond" way ug dili sa negatibo nga paagi. Aduna pay uban apan minor ra kaayo.

Kabahin sa atong ekspiryensiya sa Kahayag, nalipay ko sa inyong mga sinulat. Dako kining sorpresa kanako nga mayoriya sa klase adunay natural nga mga talento ug nanggawas kini. Ikapasigarbo ko kamo sa akong mga higala nga mga magsusulat usab. Ang pinakamahinungdanon nga tumong ug katuyuan sa Cebuano Writing and Speaking Class dili mao ang pagtudlo kaninyo sa mga teknikal nga aspeto sa pagsulat o sa paglitok sa Sinugbuanon, apan ang pagpabuhi sa inyong interes sa kaugalingon ninyong pinulongan. Igo na kini kanako nga nagkapatong-patong ang mga sinulat ninyo dinhi sa atoang blog. (maglibog na ko kon unsaon ko ni pag-grado ninyong tanan. makalipong na!) Usa kini ka dakong pagpamatuod o testimonya sa inyong "enthusiasm" o kaikag. Hinauot inyo kining gilantaw isip sinugdanan pa lang sa usa ka halayo nga biyahe alang kanatong tanan.

Ang kining profile nga akong gisulat sa atoang blog mahimo kini natong ilisan "as we deem fit in the course of our journey." Tingali, ugma puhon, mausab na pud ang atong panglantaw kabahin sa pagsulat sa kaugalingon tang pinulongan.

Sa lain nga bahin, kining pagsulat sa Binisaya dili kini mahitungod sa pagpili kon sa Ininglis ba ta mosulat o sa Binisaya. We don't have to choose which one. Pilion ta ang duha ka mga pulong. Ug gani, mas nindot og daghanon pa gyud nato ang mga pinulongan. Niining panahona, mas dako nga bintahe kon ikaw daghan og linggwahe nga nahibaw-an. Nahinumdom ko ni Salman Rushdie sa iyang sugilanon nga EastWest. Miingon siya nga dili siya buot mopili kon Indian ba siya o British, o East o West ba. Mas gipili niya ang EastWest. Ingon niana pud ang angay tang hinumduman kabahin sa Ininglis ug Binisaya. Pilion ta ang duha. Mahimo tang mosulat sa Ininglis, labi na gyud sa Binisaya.

Ikalipay ko usab kon kamo mopadayon og adto sa Kayahag sa susamang okasyon sa umaabot ug labi na gyud og moambit usab kamo sa inyong bag-ong mga balak o sugilanon og lab litir.

Ayaw kamo og kabalaka kon gitawag ta mo og rambunctious. Pagpabilin kamong rambunctious. Makausa ra ta moagi niining kinabuhia. Busa, kanta siyagit awit katkat layat sayaw hilak bahakhak balak, mga mare.

inyong gamayg tingog nga magtutudlo, Hanuarius

balak para kang tatay

2006-05-04T22:55:00.000+08:00

kikay kit

Gikuha ni Bathala ang kusog sa kabukiran,
Ang kahalangdon sa usa ka puno-an,
Ang kainit sa beranong adlaw,
Ang kinaiyahang manggihatagon,
Ang kagabhi-ong makalingaw niyang bukton,
Ang kinaadman sa mga panuigon,
Ang kagahuman sa agilang nilupad,
Ang katunhayang pasensya,
Ang kasaligan sa panginahanglan sa banay,
Unya gihiusa ni Bathala kining nga kina-iya,
Sa panahong wala na siya madungag
Nasayod Siya nga ang iyang obra maestra kay bus-og
Ug busa, gitawag Niya kini….TATAY

Bibi sinuwat ni miss_perfect

2006-05-04T19:56:00.000+08:00

ayaw na'g hilak, bibi,
mubalik ra gayud
ang nagduyan kanimo sa pagtulog.

ayaw na'g pangita, bibi,
kung byaan ka man,
kini'y para sa imong kaugmaon.

hilom na, bibi,
kay tingali'g ang imong mga uha
giduyan na sa hangin paingon ni papa.

usa ka ugma, bibi,
mudako ka na.
bungul-bunguli ang muingong disgrasya ka...

kay wa ka bya-i, bibi,
ug kung dili moduaw ang kaniadto,
mubalik ra gayud siya kanimo.

SA DILI PA LAMUYON SA BAKUNAWA ANG BUWAN. ni bejay

2006-05-04T13:24:00.000+08:00

Ang dakong pangutana kay kung balak ba kini sa gugma, o usa lamang ka tiaw-tiaw mahitungod sa usa ka binata na kaagi.... ang tubag? ang duha.

SA DILI PA LAMUYON SA BAKUNAWA ANG BUWAN.

kung makakita ka lang nimo
mahimuot ka gayud

sala ba diay nako
kung gisugyot sa imong dagway
na di mo na gayud
malitok og balik...

ang istorya ni Garay
akong miga
ang hinungdan sa uwan
kaganina
og sa wa'y utaw nakong blaws

wa mo man gani tubaga,
hain si Hulyo
imong migo
kung nganong nikalit
ka'g seryoso
Og kung lain ba tan-awon
akong blaws.

og kung sa yango-yango mo
mahapsayng palabyon
ang wa'y hinungdan ko'ng
sugilanon
ang mga totok mo sad ba,
buot akong anud-anuron?

Pustahay ta...
kung sa dili magdugay,
tukloban ko sa imong
binata na tingsi
sala na nimo...

Kay ang dili masipyat,
ning maong orasaha
ugma sa gabii
sa dili pa lamuyon sa bakunawa
ang buwan...

akoa na ka.

bejay

mga saad

2006-05-01T08:50:00.000+08:00

ang paglaum
hinayhinay
ang kamatayon.

ang mga pangandoy
usa-usang mangalagas,
sama sa mga dahon
sa usa ka kahoy...
hangtod wa nay magpabilin.

unsa pa kadugay
akong pagpaabot?

kanusa ka mubalik?

sa desyerto
sa akong pangindahay
ang kauban ko
imo rang mga saad.

♥, lazy daisy

Karung gabii makasulat ko

2006-05-01T08:33:00.000+08:00

Nasayod ko nga ang balak nga 'Tonight I Can Write' ni Neruda kay sagrado. Mao kini nga nangayo ko'g pasaylo kaniya ug sa inyong tanan kung maot ang akong hubad. Gabuhat ko'g akong hubad kay absent ko niadtong Huwebes. ♥, Acey

Karung gabii masulat ko ang pinakamagulanong mga linya.
Sulaton, pananglitan, 'Ang gabii mabituon
ug ang mga bituon bughaw ug nagkurog sa kalay-on.'

Ang hangin sa kagabhion nagtuyok sa langit ug niawit
Karung gabii masulat ko ang pinakamagulanong mga linya.
Gihigugma ko siya, ug usahay iya 'sab kong gihigugma.

Sama sa mga gabiing ingon niini gikuptan ko siya sa akong mga bukton.
Gihagkan ko siya pa'g usab ug usab ubos sa wa'y kahumanang langit.

Gihigugma ko niya panagsa, gihigugma ko usab siya.
Unsaon sa usa nga di mahigugma sa iyang hilumong kaayong mga mata?

Karung gabii masulat ko ang pinakamagulanong mga linya.
Hunahunaong di na siya ako. Mabating nawala ko siya.

Madunggan ang dakong kagabhion, mas dako nga wala siya.
Ug ang berso natagak sa kalag sama sa yamog ngadto sa karnerohan.

Unsa na ma'y hinungdan nga akong gugma di siya maalima.
Ang gabii mabituon ug wala siya kanako.

Mao ni tanan. Sa kalay-on may gakanta. Sa kalayon.
Akong kalag wa nalipay nga nawala ko siya.

Akong pananaw naningkamot nga makit-an siya na arun siya nako mahiduol.
Akong kasingkasing nagita kaniya, ug wala siya kanako.

Ang samang gabii ang nagpaputi sa samang mga kahoy.
Kami, ingon nianang oras, di na pareho.

Wa ko na siya gihigugma, kana tinuod, apan unsa ko siya kahigugma.
Akong tingog naninguhang makit-an ang hangin nga muhikap sa iyang pangdunggog.

Sa lain. Siya mapunta sa lain. Sama sa mga halok ko sa iya sauna.
Iyang tingog, iyang masilawng lawas. Iyang di masukod nga mga mata.

Wa ko na siya gihigugma, kana tinuod, apan siguro gihigugma ko siya.
Ang gugma kadiyot ra kaayo, ang paglimot ang labing dugay.

Kay sama niining gabhiona gikuptan ko siya sa akong mga bukton
akong kalag wa nalipay nga nawala niini siya.

Bisa'g kini na ang katapusan niyang pasakit nga akong antuson
ug kini ang katapusang mga bersong sulaton ko halad kaniya.

ANG PAGLAPOK NI INDAY... sinulat ni bejay

2006-04-30T22:27:00.000+08:00

intawon kining si indayng wa'y kaligo
si indayng way orasan
si indayng saag,
duha ka tuig
lamposon 'nya
way panghimasa

intawon kining bayhanang
nagmantika
sa ngilit sa laray nagduka
buhatan ko man gani og kanta
kining lab story 'nya...

"kalma lang", motto niya
ugma na ang radiodoc
mahuman ra.

(to be continued..)

hubad sa balak nga "Tonight I Write The Saddest Lines" ni Neftali Ricardo Basoalto

2006-04-29T22:21:00.000+08:00

sinulat ni buwan tama, lazy daisy, pensador, uyamot baby og bhebz

Niining kagabhi-ona masulat nako ang pinakamasalub-ong mga linya

Isulat pananglit, ang kagabhi-on nikay-ag
Ug ngadto sa gilay-on nikurog ang mga bituon

Ang hangin sa kagabhi-on niduyog samtang nilibot sa kawanangan

Niining kagabhi-ona masulat nako ang pinakamasalub-ong mga linya
Gihigugma ko siya ug matag panagsa, gihigugma pod niya ako

Gumikan ni’ng mga gabhi-ona, naa siya sa akong mga kamot
Ubos sa kawanangan, gihagkan ko siya matag usab ug usab

Gihigugma ko siya matag panagsa ug ako mao usab ngadto kaniya
Unsaon pagkat-on nga dili higugmaon kadtong mga tagumong mga mata

Niining kagabhi-ona masulat nako ang pinakamasalub-ong mga linya
Nga pagahuna-hunaon wala na siya kanako. Nga pagabati-on siya nawagtang dri kanako

Pra mabati ang kauyamot sa kagabhi-on,nga mas uyamot pa gayod sa iyang pagkawala
Ug ang balak nga nihagtak paingon sa kalag sama sa yamog ngadto sa balilihan

Unsa ang nakaapan sa gugma kong ‘di na man makatapig kaniya
Ang kagabhi-on nakay-ag ug dri kanako siya nawagtang

Mao ra kini. Sa gilay-on naay nikanta. Sa gilay-on
Akong kalag dili makadawat sa iyang pagkawagtang

Akong panan-aw nagpangita nga mura mo-uyon paingon ngadto kaniya
Akong kasing-kasing naglantaw para kaniya ug dri kanako siya wala maanaa

Ang ni-aging kagabhi-on mao usab ang nagpahayag sa maong mga kahoy
Kami, ni-adtong panahona, dili na mao karon

Wala ko na siya gihigugma, sigurado kana, apan gi-unsa ko siya paghigugma
Akong tingog misulay og pagmatikon sa hangin para mahapyod ang iyang pandungog

Sa la-in. Siya mapasala-in. Sama ni-adtong mga halok ko sauna
Iyang tingog. Iyang lawas. Iyang laglom nga mga mata

Wala ko na siya gihigugma, sigurado kana, apan basin gihigugma ko siya
Ang gugma kadiyot lamang. Ang pagkalimot makahangturan

Kay gumikan ni-adtong mga gabhi-ona, sama niini, naa siya sa akong mga kamot
Akong kalag dili makadawat sa iyang pagkawagtang

Bisan kini na ang ulahing pasakit nga gipaantos niya kanako
Ug kini na ang mga ulahing linya igasa’g sulat ko para kaniya

KITAKITS

2006-04-28T15:25:00.000+08:00

Mga mare,

Kung nakahinumdom pa mo, miimbitar ko ninyo ngadto sa usa ka poetry reading didto sa Kahayag Cafe atul sa binulan nga panagtapok sa Bathalan-ong Halad sa Dagang (Bathalad). Wala hinuon kadto madayon tungod kay wala man nato matarong og plano. Karong miyerkules, aduna na puy poetry reading didto alas 8 sa gabii. Hinaut, makatambong kitang tanan. Apil kini sa atong Cebuano Writing nga klase. Pagplano kamo kung si kinsa kaninyo ang buot mobasa og balak, lab litir o maski unsa. Pwede sad mo mokanta, mosayaw ug mo-tumbling. Ayaw lang og kaon og kayo kay mas harmful na kay sa manigarilyo. bow. kitakits sa klase ug magsabot ta pag-usab. sige go.

hubad sa balak nga "Tonight I Write The Saddest Lines" ni Neftali Ricardo Basoalto

2006-04-27T18:48:00.000+08:00

sinuwat ni leslie fernanadez, katrina balmaceda, suzette dizon, joharra junasa ug rogie reyes

Karong gabhiona isulat nako ang pinakaminghoy na balak.

Pananglitan, 'Nabuak ang kagabhion
ug gitugnaw ang mga bituon sa kalay-on.'

Mipalibot ang hangin sa kapanganuran ug mikanta.

Karong gabhiona gisulat nako ang pinakaminghoy na balak.
Gihigugma nako siya ug usahay, gihigugma 'sab ko niya.

Sa mga gabhiona sama niini ako siya gigakos
ug gihagkan usab... usab... usab.

Usahay iya kong gihigugma ug gihigugma 'sab nako siya.
Kinsa man ang dili maanod sa kalalom sa iyang mga mata.

Karong gabhiona isulat nako ang pinakaminghoy na balak.
Para huna-hunaon na dili na siya ako-a. Para bati-on na wala na siya.

Para paminawon ang kahidlaw sa gabii, nga kung wala siya, mas hidlaw pa.
Ang nangahulog nga linya, sama sa amog sa balilihan, nagpalunhaw sa akong kalag.

Unsa'y naa sa akong gugma nga dili nako siya maangkon.
Nahugno na ang gabii ug wala siya kanako.

Mao na ni. Sa layo aduna'y mikanta. Sa layo.
Ang akong kalag wala natagbaw sa iyang pagkawala.

Ang akong paglantaw nangita kaniya na mura'g moduaw kaniya.
Nangita akong kasing-kasing, apan, wala nako siya hikit-i.

Ang maong kagabhion ang naghatag og kahayag sa maong mga kahoy.
Kita, niatong panahuna, dili na parehas.

Wala na nako siya gihigugma, tinuod na, apan, gi-unsa nako siya'g higugma.
Ang akong tingog nangita sa hangin na mutandog sa iyang pagdungog.

Sa la-in. Ngadto na siya sa la-in. Sama sa mga halok nako niadto.
Iyang tingog. Iyang lawas. Ang kalawman sa iyang mga mata.

Wala na nako siya gihigugma, tinuod na, pero basin gihigugma ko siya.
Kadiyot ra ang gugma, ang paglimot ang maong dugay.

Susama sa mga gabii na pareho ini, ako siyang gigakos sa akong mga kamot.
Ang akong kalag wala natagbaw sa iyang pagkawala.

Bisan mao pa ni ang ulahing kasakit na ihatag niya kanako,
ug mao ni ang katapusang linyang ihalad ko kaniya.

Lab Litir (suwat sa gugma??) sinulat ni Katrina Balmaceda

2006-04-27T07:28:00.000+08:00

Meme,

Pagmata nako ganihang buntag, nawala na ka sa akoang tupad. Asa kaha ka? Ninaog ko sa akong kusina kay basin ga luto ka og pamahaw.

Lami kaayo ka muluto. Kahinumdum na ko karun. Lami sad paminawon ang pagkanta-kanta nimo samtang mag init ka og pan ug mag ihaw ka og kanding. Tam-is sa akoang dalunggan.

Dako na kaayo ang akoang tingsi... apan, wala ka sa kusina. Nakulbaan ko. Nibalik kaha ka didto?

Ni adto ko sa merkado. Basin diay, nangumpra ra ka o nakipagkita sa imohang mga higala. Pero, natingala ko pag pangutana nako sa mga istambay kung nakakita ba sila nimo, kay gi tubag ko nila og, “Gi bayaan nasad ka? Buwagi na na, bai, uy. Ka daghan ra’g gwapa nga birhen diha.“ Daghan lagi, daghan... pero wala’y usa kanila na angayan mu sul-ob sa akoang singsing.

Sa templo, sa iskina, sa mga pungko-pungko’g ukay-ukay, sa plasa, sa mga tsismosang silingan, gipangita tika tibuok adlaw, sama sa usa ka iskwater nga nawad-an sa iyahang nalimos nga singko pesos. Gihimo ko nimo’g kataw-anan. Ug karun, alas onse na. Sa ubang parte sa syudad, bag-o pa nisugod ang gabii. Kahibalo ko, sa diha nga mga sulok sa syudad tika makit-an. Dili ko.

...

Duha na ko ka oras nga ga higda, ga tuwang-tuwang, ga bangon-bangon. Kahibalo gayud ko kung asa ka pangitaun. Bahala ka diha. Kung ganahan kang magpaulipon, padayun sa imohang kaagi.

...

Alas dos y medya na sa sayong buntag. Dili ma antos sa akoang mga tiil, ug gidala ko niini didto... didto sa imohang tambayan ug trabahoan kadtung wala pa ta nagkaila. Biyernes na sa kadlawn karun. Biyernes sa kadlawn sad ta unang nagkita. Didto.

Paita. Naa gyud ka.

Nisulod ko, puwa sa kaulaw ug kalagot. Gikataw-an kos mga waitress: “Na unhan na ka, part.”

Imohang dagway, puno’g makeup. Imohang buhok, kalkagon. Imohang gi sul-ob, mubo, sinaw-sinaw ug baduy. Nagsayaw-sayaw ka kadyut… dayun ninaog sa stage padulong sa usa ka lalaking naghuwat. Giakbayan ka niya sa hawak, ug nilakaw mo padulong sa kangitngit…

...

Aduna’y isturya na inig alas tres unyang hapon, ibaligya na daw ka sa imohang amo. Ug gamay ra daw ang nag-andam na muluwas kanimo.

Sige, padayun pa sa imohang gibati.

...

Ako, naghakot ko sa imohang mga butang ug tanang gamit sa balay na makapahinumdum nako kanimo. Gipanghakot sad nako ang akoang mga butang. Kahilangan, hasta ang balay, mahalin sad karong adlawa sa wala pa’y alas tres sa hapon.

Ako’y mupalit sa imohang kaluwasan. Wala na’y lain pang makatubos kanimo... gawas nako.

Biyernes. Alas tres. Maako na gyud ka balik.

Imohang bana,

Jose

(gibasihan sa tinuod na love story ni Oseas ug Gomer sa Israel sa 8th century B.C..)

Lab Litir sinulat ni Elisabeth 'Chai' Baumgart

2006-04-27T00:02:00.000+08:00

Alang kanimo,

Nakahinumdom ko, katong usa ka adlaw sa atong pagkabata. Padung na mo gabii, ang init sa adlaw kay ni tago luyo sa mga dagkung mga acacia ug manga. Pero, bahala na ngitngit-ngitngit na, nag duwa pa gihapon ta. Nagdakop-dakop ta – ako ang hago. Nah, lisod gyud ka dakpon.

Grabe nato ug dagan, kapila gud ta napandul ug gituyok-tuyokan nato ang mga kahoy.

Ingun imong lola, na naa kuno’y unggo sa acacia. Bau-un kuno ta.

Pero, sagdi lang.

Lingaw man magdakop-dakop.

Na-gisi nalang atong mga sinina. Akong tsinilas kay na guba, pero bahala na. Kailang gyud tika dakpun ato.

Wa magdugay, ni saka na ang bulan ug nahilom ang kakahoyan. Wa na’y langgam ni kanta ug wala na pud ni tinggog ang baka sa imong papa. Ang nagsabasaba ra ato didto, kay kitang duha kay grabe nato ug katawa.

Feel gyud nako, atong gabiuna, na buang imong lola ug pangrosaryo – kay bau-un lagi daw ta. Mga wa gyud ta mga buot ato uy.

Na-slide ka sa lapok, ug na umod ka didto. Imong nawong gyud naguna. Kay tanga man gyud ko pagkabata, na-apil pud ko ug slide. Tanga-a gyud uy.

Nakahinumdom ko, na kahilakon kaayo ko ato kay nahadlok ko sa akong inahan kay kasaban na pud ko tungod sa kahugaw sa kong sinina. Nakaimagine na ko sa bunal na iya na giandam sa balay.

Ikaw sa akong tapad, ni lingkod lang ka didto ug nagtanaw kanako nag tarantar.

Pagtaod-taod, ni katawa ka.

Nilingi ko nimo kay naa na sa akong hunahuna na nabuang ka. Paglingi nako kanimo, ni kusog ka ug katawa.

Nagpirok-pirok akong mga mata pagtanaw nako nimo.

Ug ni apil ko’g katawa.

Nakamurtising atong mga nawong sa lapok. Hastang hugawa gyud nato. Mura ka nakakaon sa lapok.

Katong gabiuna, gi kasab-an gyud ko ni mama ato. Gi bunalan pa gyud ko. Dili ma ihap kung kapilla ko gibunal.

Pero okay lang, kay naksulti ko sa akong gusto ko i-sulti kanimo.

“Gidakpan na tika,”

------

Saysinta na ka tuig ni labay sukad atong adlaw-a. Kato ra gyud na adlawa ko kadakop kanimo.

Hinoon, tiguwang naman gyud ta. Magkimpang-kimpang na akong agi nya sakit kaayo akong arthritis. Ingong ang mananambal na di na kuno ko pwede magdagan-dagan. Maklaro man.

Pero, nibalik gyud ko sa kakahoyan ug ni sandig ko sa dakong acacia, kabalo man ko na naa ka didto. Kanang lagi ma tiguang na ta, naa gyud ta’y sixth sense. Pero, ma tawag pud na ug giangu-ango.

Nitanaw ko sa akong mga tiil, ug nakakita ko na lapok diay kaayo ang yuta.

‘Diri man diay ta na slide.’

Nakatingsi ko murag buang kay nakahinumdum ko sa imong nawong nakamuritsing og lapok ug sa atong kusog na pangatawa, kita ra gyud nagsaba-saba diri sa kakahoyanan.

Naa pa kaha diri ang unggo gi-ingon sa imong lola?

Pangutana unya siya.

Karon, hilom na pud ang kakahoyanan. Wala na’y langgam nagkanta-kanta ug wala pud to ang baka sa imong amahan – kay agbay ra to gi-ihaw ug giluto pag debut nimo.

Gabii na, ang bulan kay klaro na kaayo sa langit. Hala, maglisod na ko ug uli ani – di baya ko ka-klaro.

Nipauli ko ug hinayhinay, apan ni lingi ko balik sa lapok unya ang bulan. Wala gyud diay ka nagplano mo adto sa acacia.

Katong gabhiuna, naka-realize ko na lisud diay gyud ka dapkon.

Pero, huwat lang.

Mo apas ra ko nimo diha.

Nagkimpang na ang agi,

Alberto

Lab/hate Litir sinulat ni Suzette Dizon

2006-04-26T23:39:00.000+08:00

Ramon,

hangtod karon, sige lang ko og huna-huna sa mga nahitabo bato. kahinumdom ko atong una, kung-istorya na gani ko nimo sa silpon, pirmi lang kasakit ako mabati tungod sa ato mga "misunderstandings". ato lang pirmi pasakitan ang usag-usag sa mga butang na mabaw ra kaayo. pero ang mas pait gyud kay kadtong mahudtan nako og lod unya bikogon nalang ko sa sige og balik-balik pagpa-lod ila ka 'Nong Buknoy. nadato uroy ang lagas ai! wala kaayo kita kanunay nagkita. 'My only consolation', kay ang pagkumusta lang nimo pinaago sa silpon. pero bisag unsaon, ang ato-pagistorya pun lang sa walay hinungdan - kasakit og pagdumot.

pero ang pirmi magsamok-samok sa akong utok kay ang akadtong adlaw sa ato pagbuwag. sige ko og handom na sa tanan nimo pwede i-rason nganong 'it's not you, it's me' man? pagbuhi gyud nimo atong linyaha ni, atay nalang, nasakitan gyud ko. grabe! pero wala pod nako mapugngi ang paghagik-ik. 'nakatapang og iningles ang agok-ok ai!' Siyagit sa akog utok. oki...oki..mobalik ta atong 'it's not you, it's me' ngano? unsa? tanan nahatag na nako. lupig pa nako usa ka azucarera de mama naha-sige og sunod nimo. maaan nalang pd entawn ko og buwang labi nang magsakay ko sa dyip, unya mongisi lang ko og kalit. makahinumdom man gud ko sa mga ginagmayng butang nahimo nimo para kanako. pananglitan, ang pagpasa-lod lang nimo og singo og kadtong wala gyud kay wawarts ato 'monthsary' unya Tuti Fruitti na kendi nalang imo gipalamoy sa ako.

ako ni gisuwat dili tungod para malooy ka nako pero gusto ko na mahibaw ka na nsa duha ka tuig na atong pagkuyog og sa akong pagkaulipon kanimo, wala kay nahatag kundi kpait sa akong kinabuhi. dili ko desrbing ani tanan og dili nako mag-agad og dako sa imo kay puro ra gagmay! ako na balikon kaugalingon, sakto na sa luha. sakto na sa pag-antos. sakto na sa kasakit.

karong hapit na mahuman kaning suwata, gusto kong mahibaw ka na kuyaw na ang kahimtang sa imo kinabuhi. unsaon ta man, imo man gud gipasakitan ang unica ija sa pamilya sagales. pasensyahay nalang ta ani ha? wala nakoy ma-hemz.

good bye and good luck!

Belinda

Lab Litir sinulat ni Celeste Celeste

2006-04-26T23:18:00.000+08:00

Moi,

Samtang nagtanaw ko sa pagdagay-day sa asukar ngadto sa inti nga kapi--nauwaw ko. kalit nga nisantop sa akong huna-huna ang nahitabo atong namulaw ta sa cafe uno human sa atong pagsulirang sa "West Side". Kadtong gihisgutan nato ang mga kalisod sa pagka-estudyante. sa ka-hasol sa STC...sa ka kapoy sa Diliman.

AMAW MAN PUD GUD KA! nganong sa tanang butang ang luyo pa gyud sa akong planner imong gidiskita-an...nakit-an na hinuon nimo imong ngalan. hinuon, dili man pud siguro ika-uuwaw ang nawng ato...nindot man diba?

...kada linya ato, kada bolok, kada letra...
kada tan-aw...mura ug, libuhan ka taw nga nagdala ug hagaw-haw, samtang nanglupad sa akong tungod ang tagsa-tagsa nimong kinaiyahan.

puslan man nga imo nakong' nasakpan, tingali wala na ko'y rason nga tagu-on pa ang hinungdan aning tanan...(kung diin gikan ning dautan nga hangin nga nagtuyok-tuyok sa akong kuto-kuto)

...ambot nganong sukad sauna, wa gyud nasipyat ang kalami sa timpla...sa imong mga sturya, suwa-an, sa bisag ang pinaka-pait pa nga kapi. basin tungod kay kung ikaw ang akong kuyog, ang kapi mubugnay...mutab-ang.
ang mga tasa, murag taligsik sa atong atubangan...
walay cellphone nga mutingong,
(ma-hanap' ang nawng sa mga taw, ang mga tingog)...mag lisod ug subang ang adlaw, ug,
hinay-hinay nga mahawan ang palibot.

moi, abi nimo ikaw ra ang naglisod?! ani nimu'g ikaw ra ang naka-feel ana? :)

ako sad...dugay na...sa wa pa ko nimo ingna nga sige nimo damgohon ang atong mga kanta ug mga hika0his sa kilid sa bumberohan nga atong gikan-an. sa dili pa ta tigpamulaw sa tunga-tunga sa uwan sa fuente ug uban pang-ispiduha. sa high school pa ko ug newly employed ka...sa wa pa ko nimo ilhi, kadtong mag-inisnabay pa ta...taud-taud na noh?

malingaw man pud ko maghuna-huna nga pinaagi pa gyud aning suwat ko, unang makig-sturya nimo nga walay sagul bugal-bugal. unsa to'y imong sugsug? kinaraan? bantay bitaw ug dili ni nimo tagu-an inig human. hehe.
moi, basig nangluod ka kai wala tika kaayo natagad ron gabhiuna..sige lang, pahumana lang ko aning suwata samtang nag-konsentrit ka ug pag-panghagpat anang unod sa tahong. diay, salamat sa pag-andam sa akong bahin ana ha! lami bya pagka-luto! WEPS! naay natagak! danghaga gyud nimo bisag unsaon oi. hehe!

moi, mao na ni ang sugod sa tanan. salig ko nga imo ning ampingan.
hinumdumi lang nga sukad sauna, naa ra ko's imong kiliran. ug samtang bugnawon ug tab-angon pa nimo ang kapi, sigurado ko nga magpadayon ni...bahala na...basta salig lang...

Gigutom,
imong tsai!

ihatod ko'g uli ha! huma'g kaon! :)

Lab Litir sinulat ni Bejay Villaflores

2006-04-26T21:52:00.000+08:00

Dear Lab,

Gisurang-surang ang gibudlay kong kagabhion sa mga pinong buhakhak na nagagikan sa lagiti nianang elektrik pan na gubaon. ang gikahibulngan ko lamang lab, kay kini aduna'y pagka-angay na moduyog dungan sa banlas sa kamingawon ning maong gutlua. og samtang ang elektrik pan mopahiyum sa iyang lingin na ulo og mokawat og lingiw sa makadiyut, gihandum ko hinuon ang mga pagpa-cute mo kanako niadtong dili pa kita uyab. pagka-matiaw-tiawan mo.

kay lab, ang maong elektrikpan, bisan sa pag-inusara niya sa pag-ngaab niarong gabhiuna tama, sa pagsuway kong kutluon kini pinaagi sa usa ka tuplok, gibungog gayud ako sa kiwang na kahilom.

sama kakiwang sa kahidlaw ko manang katawa mo.

ang katong lanoy mo na katawa ba sa dihang gi-habhab ko ang litson na gihaon mo sa akon plato. pastilan, mua'g gigitik sa agta oi. kadto ganing nangaligo ta og dagat, ingon ka gayud ka nako na dako ka og lamoy. ikaw gayud lab oi, gigutom man gud ko niatong higayuna, gutom ang paggamangka. ikaw ang nagbugsay, ako, tigtutok kanimo. makagutom ka man diay?

pero lab, bisan lugos ko mang mandaran ang adlaw na makipagdapog sa buwan, dugay pa gayud ako makapamanka og balik. dili man gud ko mosakay kung dili ikaw ang tig-bugsay. pagka-hait gud sa init. tuklohan pa lang unya ko sa iho.

bitaw lab, para kanimo, kaskason ko ang numero sa kalindaryo aron yagawon ang mga pitsa, ang puwa palumbaon sa itom mahiduol laman ang adlaw na matagamtam ko usab ang Nescafe 3-in-one taliwala sa pagpayantak og pag-luwaw, ang katawa mo.

lab, pinalangga ko, ang pagka way kahumanang sa pitik nianang orasan, sama ka wala'y tapos sa paghuwat ko na makaplagan usab ang imohang pa-cute-cute na siplat, atoang holding has. himaya na sama sa mabugnaw na dapit niining bartolina kong kahon.

gihulatan ka diring dapita,
imong pinangga

PS: lab, gibayaran mo ba ang hangin aron mobagnod kanako karung gabhiuna? ang elektrikpan na gubaon, ang nescafe 3 in one, ang kahilum...bitaw lab, seryus ba...kakonsaho mo ba?

Lab Litir sinulat ni Jianna Olayvar

2006-04-26T20:57:00.000+08:00

Higala,

Unsa may akong sa nimu? wa man diba? pero nganong sa adlaw-adlaw nakung paglakaw-lakaw niining kinabuhi-a, mapandol ko kung makakita ko nimo ng makadungog ko sa imong ngan. Kahibaw ba ka nga ikaw hinungdan niining hid-ik nako matag gabii. Sa sige naku'g huna-huna nimo, halos mabuak na akung ulo. Kita kas akung mata? Nangitom na ning akong duha ka aybag tungod sa way tulog. nagtan-aw ko sa relo karon. alas singko na sa kadlawn pero ani-a gihapon ko nagsuwat niining way kwenta nga suwat para nimo.

Disi-otso na ta ka tuig nga maghigala apan wa ko magtuo nga makabati kog ing-ani para nimo. matud sa akong baya ug sa akung ginikanan, wa pa mu-usa ka tuig atung idad, kaila na ta tungod kay mag sige tag abot sa plasa uban sa atong mga yaya. Karon, daga na ko ug ulitaw na ka. paspas kaayo ang dagan sa panahon kay presko pa kaayo sa akong huna-huna ang tanan handuraw sa atung kabataan. kadtong nangaligo ta sa tubod dapit sa kapitolyo ug kadtung gibuno ko nimo ug ireser kay gisungog ka naku sa atung klasmet na murag si Dabyana. Dili sad gyud naku makalimtan ang panahon nga ning tungtong tag hayskul. Gi-enrol ka sa imong ginikanan sa usa ka iskuylahan nga puro laki ang nagiskuyla ug ako nagpabilin sa atung daan nga iskuylahan. Pirmi ko nimu tawgon ug bigaon tungod kay daghan kung naibgan pero deadma pa ko adtung mga panahuna. Ikaw pud, busy ka sa imong pang-chicks! Pero dili gyud naku makalimtan kadtung usa ka gabi-un na nga na-amgo naku ang imong tinood nga bili sa akong kinabuhi. Nakipagdate ku adtu sa usa ka gwapu nga laki. Iksayted pa kaayu ko kay kras gud to nako siya apan sa dihang nahuman na mig kaon, ay giatay! ning sibat ang mago ug aku'y gipabayad sa amung gikaon. wa koy da nga kwarta adtu maong ningtawag ko nimu ug to the rescue dayun ka. pero kay salbahis na man ka daan, wa pa gani ka gipanganak, gipabayad ko nimu ug doble sa imong nabayran sa restawrant Apan, bisag unsa ka kasalbahis adtung gabhi-una, na tandog gyud ang akung kasing-kasing kay bisag naa usab kay kadate aadtung panahuna, gibiyan nimu siya para adtuon ko.

Apan naulaw ko musulti nimo sa akong tinuod nga gibati.

Wala lang ka kahibaw nga sa dihang kita nagtagay ug puwang kabayo didto daplin sa baybayon, nanghinaut ko nga ikaw mahubog unya masulti nimo ang imung sikreto nga pagbati para naku...kung naa man gani. Apan wala kini nahitabo. lain na hinuon nga sikreto angimng gibutyag kanako. grabe ang pagka-imprinta sa nahitabo adto nga oras sa akung huna-huna. naglingkod ta adtung duha sa bas ug nagtanaw sa kawanangan. Ning tutok kag maayo nako ug nakonsyus ko adtu nga higayon. abi kog imo nang halukan akung ngabil, ako sang gitilapan para mabasa.

Ning ingon ka "parts, naa koy isulti nimo. usa kini ka sikreto nga dugay na nakong gitago."

Ning ambak akong kasing-kasing adtung higayona parts! gusto ko magwala tungod sa akong kalipay. akong gipakalma akong kaugalingon ug ni ingon kanimo...

"unsa man na tsong? ipagawas gud na. i-jagjag imon gibait diri kanako. para unsa man nga magbespren ta diba!"

Ning hilom ka unya ning hilak. abi gyud nako ug mao na to! nabati na naku ang himaya ug nakadungog na ko sa halleluja chorus sa luyo sa akung dunggan. ug didto ikaw ning ingon...

"te, pareho tag gipangita. usa ka gwapo, macho ug intelihinte nga laki! bayot ko te!"

Pagkagunggog nako adtung mga pulong nga gikan sa imong baba, ning hunong ug tuyok ang akong kalibutan. ang gma bituon nahagbong sa kalangitan ug nabuak sa akong ulo. ang buwan naghilak ug ang halleluja korus, nahimong horror. nakuyapan ko ug ang sunod nakong namatngunan, naa na ko sa among balay, gikulata sa akong inahan kay ngano kunong naghubog-hubog ko. paita adto parts uy! mura gud ko na tang-tang tanan nakong ngipon ug giubanan pa gyud kini sa bun-og tungod sa silhig ni mama. apan wa na koy mahimo. ninghilak na lang ko kay gisayangan ko nimu.

Karon naa na ta sa kolehiyo. matud sa imong mga email, malipayon ka kauban sa imong pinalanggang si jack. huhuhu...duha na katuig sukad nahitabo to apan wala pa gyud nawala ang akong gibati para kanimu. mag-ampo na lang ko sa ginoo nga hatagan ko niya ug kaisug ug kusog samtang maghuawt ko sa laki nga mutapak niining akong kasing-kasing nga bu-ak. kahibaw ko nga naay usa ka binuhay ang ginoo nga gireserba niya para naku ug kani nga binuhat, mutabang sa pag-alibyo sa sakit nga akung gibati sud ining duha ka tuig. pero samtang wa pa siya muabot, magtanga sa ko diri ug maghuna-huna kanimo.

Imong higala.

Lab Litir sinulat ni Q'Lyd Morales

2006-04-26T20:36:00.000+08:00

Akong Kagahapon,

Usa na ka tuig ang milabay sukad sa atong pagbuwag. Ka paspas gud sa panahon. Wala damha nga usa na pod ka tuig ang akong kasakit ug pag-antos tungod kanimo. Wala lang ka kahibalo kung unsa ang nahitabo nako human sa imon pagbiya ug pirting sakit man nga paga-isipon pero mao man ang tinuog nga wala ka'y palabot kung unsa na ang akong kahimtang. Naniwang ko tungod sa sige hilak mata adlaw ug gabii. Wala'y batasan akong mga luha, wala'y pilion nga oras ug lugar. basta ganahan na gani siya motulo dili jud mapugngan maski unsaon. Wala'y preno og break-break. Wala ko'y mahimo kung dili pahiran kini. Wala pod ko'y gana mokaon mura na tawon ko ug adkik-adik tanawon. Miabot pa sa punto nga giaway ko sa akong uban nga amiga kay wala na sila nakasabot kung naunsa nako, kani laging gugma makabuang og makawa sa kaugalingon. Naglaslas pa ko sa akong pulso katulo. Paet gyud ang akong mga naagian. Dili jud lalim. Naa pa gyud tong mga adlaw na sunod-sunod ta magkita sa kilid-kilid unga sakit kaayo sa akong buot kay halos dili ka kaila sa ako. Kahilas gud nimo mang-isnab nako. Ka grabe pod nimo uy. Dili na gyud ko nimo mapasaylo? Kasabot gihapon ko sa imong dumot bahin kanako, masinabtanon baya kaayo ko pagabit sa imo ug kabalo ko nga dili lalim bakakan nilabina sa imong hinigugma. Nakakuha ko dali-dali ug sakit nga hinganlang "insomnia" tungod gihapon nimo. Ingon ana ka ka-espesyal sa akong kinabuhi. Ug dili gyud nako mahimtan ang pagsumbong sa imong amigo nga naa na ka'y hinigugmang lain. Mura gyud ko'y nalumos sa akong arinola ug nabungol sa kakusog sa pitik sa akong kasingkasing. Naupos gayud ang tanan kong pangandoy nga mobalik pa ka sa kong mga kamot. Nakig-inom ko ug tungod adto hapit ko nakasakay ug libre sa ambulansya ug masuod sa "E.R." kay dili nako kaginhawa. Daghan daghan pa kaayo ka ug nabuhay na perwisyo sa ako. Apan taliwala niininh tanan, gusto gihapon ko nga magka-amigo ta ug balik. Ingon ana ka ka-swerte sa akoa, dapat gyud ka magpasalamat sa Ginoo kay naa pa gihapo'y kanunay naghandom kanimo nga gwapa na buotan pa. Pero sa dihang pag analys nako sa sitwasyon, nahimatmatan nako nga dili na kini insakto tanan ug kinahanglan na nakong undangon. Hay salamat...na pakog na gyud ko. Mura gyud nagpista ang akong mga friendships pagkadungog sa maayong balita gikan kanako. Dili, dili na gayod ako moosab sa akong mga pinaki tungod kanimo. Pero moangkon ko magdamgo baya gihapon ko mahitungod nimo usahay, nga ikaw daw nagsakay ug kabayo nga nagsuot ug gilak-gilak na sanina ug imo akong pagdagiton. Sige lang, talagsa ra man. Ug karon naa na ko'y gi-angayang lain. Hinaut unta nga magmalipayon ka para sa ako ug kalimtan na nimo ang tanan. Kung paet ang imong kinabuhi palihug lang ayaw ko angina kay ganahan nako malipay. Dili na unta mausab ang akong mga naagian sa imong mga kamot kay basin dili na unya makaya sa akong gahom ug lisod na'g dili ko ka-recober.

Salamat sa pait-pait na tam-is nga handumanan nimo kanako.

Ang nanamilit nga kagahapon na malipayon na karon,
Zenita

Lab Litir sinulat ni Rhea Anne Tiu

2006-04-26T20:06:00.000+08:00

Para ni Cholla,

Ang adlaw nga di nako malimtan katong una tika makit-an, layo ka pero o! Ka klaro ko nimo, ga kanta-kanta sa karaoke sa tindahan nga akong gikan-an. Wa ko nagpaklaro nga kanunay kong mo siplat kanimo pero kabalo ko gasuot ka ato ug blue ug imong gi-order coke sakto. Abi nako kutob rako didto pero wa ko kabalo ngano sige gihapon kog handom nimo. Sa paghangad ko! Buwan pay imo dagway man gayud nimo ang ni hulma ato. Sa pagdungo ko akong napanimahu-an ang mga buwak nga parihas ka humot kanimo. Maski sakong damgo duwaon gihapon ko nimo. Sige gyud kag sunod kanako noh? Tan-awa nahulog na nuon ko nimo. Dugay na nako ni gitago.

Sama sa kanta nga "Hinahanap-hanap kita" mao kini ang kanunay nga naa sa akong systema. Maski unsaon nakog huna-huna nga magkita kata, pangitaon man gihapon ka sa akong mga mata. Dili gayud ako mahilom kay akong kasing-kasing imong pangalan ang isampit kanunay. Sakto pa ba ni akong gi-bati? Murag dili na gani.. Lisod kaayo akong kahimtang ron pasabta kuno ko ngano...Unsa man gyud ang naa nimo...Mura man gyud ug gilumay ko! Kung ihatag ka man gayud ka sa kapalaran kanako magpatumba gayud akog baka para lang kanimo. Abi ko amigo ra akong pagtanaw nimo...labaw pa diay ato...paeta pod ani noh? Sus! Kahinumdom na pod ko nimo! Ayaw biya ko kataw-i ha! Best friend biya tika! Hinaot unta nga walay maguba ug way mautro sa pag-angkon ko sakong gibati pama-agi aning suwata.

Ug diri na matapos akong suwat para sa tao nga espisyal Kay kabalo ka ikaw rang tambal.

Nagmamahal,
Cholo

Lab Litir sinulat ni Leslie Fernandez

2006-04-26T19:59:00.000+08:00

Para sa taong nakahatag ug dakong impluensya sa akong kinabuhi,

Sa kadugay nato ga-uba, maka-ingon gyud ang mga tao nga kita na ang mag dayun. Wala'y adlay nga dili ko mag huna-huna sa mga tamis nga pamulong sa imong mga sulat. Nakahinumdum ko sa mga adlaw na mubisita ka ug magdala ug klase-klaseng bulak. Nakahinumdum ko sa mga gabii nga mag-abot ug pila ka oras mag sturya ta sa telepono.

Pero karon, kahi na. Wala na ang kilig nga gibati nako sa una. Ang mga tamis nga pulong nga nagpalipay sa ako sa una, karon nagpahilak na. Asa na man ang taong nagpakumpleto sa akong adlaw? Ang tao nga mugakos kanako pag nanginahanglan ko.

Lahi na gyud karon. Dili na parehas sa akong gibati sa una. Wala nako kaila sa taong gitawag nila nga uyab nako. Parehas ka sa init nga tsokolate. Mubugnay na pag madugay.

Leslie

Lab Litir sinulat ni Joanna Evangelista

2006-04-26T19:29:00.000+08:00

Dear D,

Samtang naghuwat ko sa haring adlaw, nilingkod ko sa nagko ug niatubang sa hanaw na kanawkanaw. Nanaog ng gayud ang adlaw ug ni saka ang buwan. Nisulod ko sa kwarto, gipugos na makatulog apan nagsurap-surap akong mata nagtanga sa bung-bon. Tanan na akong gi-bati ikaw mu'y ang bida.

Sa paglabay sa adlaw, wa ko kahibaw kung asa padulong ang akong gisugdan nga usa ka pantasya para kanako.

Nahinumdom ko sa usa ka gabihuna na ang buwan pirti gayod ka lingin na maypagkalawagon siya-duog. Kayog ka nako sa pagtan-aw sa mga bituon na nagkislapkislap sa tinaw nga kalingatan.

Abi nakog damgo, apan nagbagnod atong ngabil na pirti gayud ka humok. Nagtuo sad ko na nitan-aw pa ko sa bituon, apan imuha naman diay tong mga mata na nitutuok ka nako. Sa way pagduha-duha gi-gakos ko ikaw ng mi-ingon "Dili na ni pwede mahitabo"

Nahadlok ako sa kaugmaon ani. Wa man ko nagbasol kay nalipay ko ug sayang ang gamay ang panahon na gisawnan natong duha.

Way kasiguruhan ang tanan na akong gi-bati samtang karon ako na mo'y naghuwat nimo. Ikaw nasad wala na. Ikaw na sad ang naa'y lain gi-higugma. Apan di gihapon ko sigurado.

Wala'y klaro tanan, apan usa akong nahibawan. Gi-ganahan kaayo ko kanimo sama sa tanan bituon sa kalangitan ug sa imon mga mata na nakit-an atong gabhiuna.

Love,
Bhebz

Lab Litir sinulat ni Bai Quiñanola

2006-04-26T18:57:00.000+08:00

Undo,

Ikaw ang sulod sa akong alimpatakan karong mga panahona. Magdungag-dungag ka jud og bug-at sa akong utok. Mingawon og maglagot ko nimo, kana 'di nako matubag. Dili man ka sikat sama ni Brad Pitt nga akong handumon. Dili ka usab pagkaon sama ni anang tsokolate nga hinamhinamon ko. Na unsa mga 'di naman makahatg og igong rason ang akont utok. Dritsu-on na tika. O, Undo, nakadaog ka. Ako na ning isaka akong puting amo. Unsaon nga makakita man ka og lugar niining lunlon kong kasing-kasing...og angkunon ko, bisan ni adto pang unang gilitok sa akong dila ang imong ngalan.

Mahimu-ot ka man siguro niining pagdayag ko apan ako wala. Nahanggaw naman ka. Nganong imo man kong gibiyaan? Nilakaw ka nga walay pasidungog sa imong pagbiya. Apa labaw kong hanggaw kay og kung sa dihang wa na ka sa akong tapad, diha pa ko gisagpa sa kamatuoran. Kamatuorang dugay na nako gibaliwala. Hastilan imo ra diay nga pagkawagtang diri ang makapadawat nako niining kamatuorang dili na nako matago. Gipun-an mo og hinsingdan ang pagkatao nako. Sama ka sa asin sa paborito kong linat-ang baboy. Gibutang mo ang kaanyag ang kinabuhi ko. Gikan sa asin mahimo ka sab diay nga kurtina sa akong kwarto. Hagpanindot sa palibot; maghatag og tisngi taga mata nako.

Dili ako sama sa uban nga sayon malitok ang mga tam-is nga panulti. Dili ko man makabantay sa akong pagbati para kanimo og wala may kapasikaran niinin gibati ko, usa lang ang handumon ko.

Hina-ot dili pa ulahi ang tanan.

Ang malam-unong magpaabot sa imong pagbalik,
Tasya

Lab Litir sinulat ni Lourdes Parrenas

2006-04-26T18:49:00.000+08:00

Dear Munchkin,

Una tikang nakit-an sa Discoral. Perting sayaw nimo didto. Di dyud ko kalimot sa pagikid-ikid nimo sa tukar nga Macarena. Sa pagkiay-kiay nimo samtang gato na ang imong singhot, imo kong gidu-ulan.

"A...eh...Miss? Naa pa'y sulod ang imon Red Horse?" Bahala unsa ko kahangol sa Red Horse, wa ko katingog ug ako nalang gihatag nimo. Sa mata pa lang nimo daan, na lany na ko. Sa tingog pa lang nimo daan, kurog na kaayo ko.

Sukad ato, dili na ko mapapas sa ka baga sa akong nawng. Kung mukaon ko, ang imong nawng ang akong makit-an sa pinggan. Mupalit ko ug tempura, imong nawng ang akong matuslok.

Munchkin, na igo ko nimo. Di man jud ko ingon ani ba. Ambot! Wala na ko kasabot sa akong kaugalingon. Usa ra ang akong nahibaw-an...Pastilan! Gi-igo ko sa pana ni Cupido!

Imong gihubog,

Des

Lab Litir sinulat ni Shane Bellot

2006-04-26T18:41:00.000+08:00

Stinky,

8803 - Naglingkod ta sa duyan, nagpatungod sa elextric fan, ug dinhi ta nagkauyab.

Napabantay ko na ang electric fan, igo a e on mu tuyok man dayon. Kahibaw siya ug asa jud siya padong. Nanghinaot ko na ma pareha ta sa electric fan, kahibaw asa padong ug naay direksyon. Hapit na 3 ka tuig ang ni agi, ang duyan na wala na sa iyang pwesto pero magpabilin kining parte sa atong kinabuhi.

Nawa ang duyan pero nagpabilin tang duha, wala nagpadala sa tabyog sa duyan, wala nagpapadpad sa hangin sa electric fan.

Nibarog ka, ug imo kong giagbayan. Gipakita sa kalibutan na magpabilin tang duha ug malagpasan nato tanan. Ug wala ka, wa hibawig na uban na ko sa duyan, gikuha ug gilabay sa daplin. Pero kahibaw ko na dili gryud na mahitabo.

Kay ania ka, gakupot sa akong kamot.

Fatso

"Nauwanan" sinulat ni Elisabeth 'Chai' Baumgart

2006-04-26T12:39:00.000+08:00

(Ako ni gibuhat sa Bo's gahapon. Blame it on the coffee. Ambot, unsa gyud ni siya. The words just came. Ako usbon, ang kape ra gyud ang hinungdan ani. Part two daw ni sa KAPE, matod pa ni Balma.)

(Alang sa umaabot tig-payong nako.)

Kusog kaayo
ang uwan
sa gawas.

Apan naghuwat lang
gihapon ko
kanimo.

Miigon ka
na magkita ta.
Dapit daw
sa atong karaan
na skwelahan.

Nabilin ang
akong payong
sa balay.

Basa na
kaayo ko.

Gitugnaw ko

Hain man ka?

Nagdalogdog
ug mikusog
ang uwan.

Basa na gyud
kaayo ko.

Tugnaw na
kaayo.

Nangurog na ko.

Nikalit ug kilat
ug ni puti
ang langit.

Ug sa diha,
imo ko gipayungan.

ang among lab liter... gitype ni bibi munchkin

2006-04-25T22:10:00.000+08:00

dear pangga indai bibi doll,

pangga indai bibi doll, nag unsa ka diha? gibisbisan ko na diay ang imong santan sa ngilit. naluto na pud diay to imong utmil. dai, cup d ba ka dai? nitawag man gud si indai aruray. naa kuno'y bag-ong brochure sa abon. pangga indai bibi doll, pagkamingaw niining payaga. ang mga bungbung, gimingaw na sa imong mga bugnaw nga pulong, sa imong mga mandar, sa imong bahikhik ug sa pagsampit nimo sa akong ngalan indai.

kahibaw man ko ba... gimingaw man sad ka nako. sige na gud, tinggi na ko. kamabaw ba atong butanga. kahinumdum pa ka gahapon? sa kusina? gasturya sturya pa ta? gikusi ko ang imong mapuwa puwahong aping, gikusi mu pud ang aping ko. gihungitan ko ikaw sa init mong tinughong, gihungitan mu pud ako. gagukud gukud pa kita sa sala, ug sa dihang nadam-ag ka, gisalo tika...

pangga indai bibi doll, wa ko man gyud kadto tuyua na ipayarok sa imo kadtong kape. matay! nalimut man gayod ko sa pagbutang ug asukar sa dihang nilabay ka sa akong tungod dai ug nakaplagan ko ang kahumot sa imuhang johnsons. pina da to ni ibyang? pastilan gyud aning tiguwang na ta...

dai, maglimpyo sa ko sa pasong. mayta mahuwasan na ka sa imong kalagot nako sa akong pagbalik. hinaut unta nga makita na nako ang imong tam-is nga pahiyum...

Nagmahal,
Dodong Bibi Doll

(By the munchkins: Bejay V., Shane B., Elisabeth B., Rhea T., Lourdes P. and Celeste C.)

"...Kay Siya Nagpaanod Man" sinulat ni Pensador

2006-04-25T19:43:00.000+08:00

Dili ako buot mosulat niining persona.

Wala ako sa kondisyong magpadayag sa akong opinion matud ni anang gisulat ni Marcel Navarra. Apan kay lagi gikinihanglan man sa grado ug sugo sa maayong pamatasan, matuman ang pagbuot sa maestro. Mangayo ko’g kapasayluan sa walay panagana kong pagsulti.

Pero yuna pa. Kadto bitaw’ng si Pepita, dritso man kaayo to siya nisulti sa iyang nagdagayday’ng pagbati ngadto ni Loloy. Ikaw ba’y hagiton og pangutana, ‘di imo gayod madritso og tubag. Kay kini bitaw’ng mga lalaki, sa sige nila’g pangutana sa babay unsay gikasuk-an, unya tubagon lang nimo og walay kaso bisan ‘di na madruwing imo hitsura; ayaw na lang pagdahom nga am-aman ka. Dili kay mituo sila nga wala gayo’y kaso ilang mga sayop apan kay hasol na. Makorehi-an pa lang sila. Betsibaygali, ang garbo matapakan unya.

Pero sa laing bahin, wala ako nahimuot sa pagsulti og pahinapos ni Pepita ngadto kang Loloy. Sa dihang gipagawas niya ang pulong nga magbsaol ra si Loloy sa iyang, nanlisik akong mga mata. Sa dihang gipangutana niya kinsa si Loloy nga ‘di man mahigugma kaniya, mibarog ang balahibo ko sa bukton.

Kitang mga babay wala unta mapagarbuong magpasidungog sa atong kaugalingon. Ang pagstorya sa balati-on og kalagot wala man gihikawat kanato apan dili unta sa pamaagi nga makaluluoy pagpasidungog.

Sukwahi man ni ato, misaludo gihapon ko kang Pepita. Gumikan sa iyang pulong, na igo niya ang kahuyang parte sa pagkatao ni Loloy; ang dakong sayop ni Loloy sa iyang pagkalalaki. Ug ingon ni ana siya napaanod…

2006-04-25T14:42:00.000+08:00

AYAW USA
dollhouse

kuhaa nako
dad-a nako diha kanimo
kapoy na kaayo ko
unsa man ang angay buhaton?
asa man ko paingon?
kuwanggol man ko siguro

kuhaa nako
dad-a nako diha kanimo
kapoy na kaayo ko
asa man ko mulingi?
asa man ko mosulod?
huna-huna lang ni nako siguro

kuhaa nako
dad-a nako diha kanimo
kapoy na kaayo ko
kinsa man ako sultian?
kinsa man ang magtambag?
hinay-hinayan lang ni nako siguro

nagduha-duha nako...

ayaw sa diay ko kuhaa
daghan paman diay ko buhaton
daghan paman diay ko tarungon

pasayloa ko, ayaw sa diay

ayaw usa...

Si Pepita

2006-04-25T14:34:00.000+08:00

Midterm paper ni Lazy Daisy

Sa tanan kong nabasahang tagsulat, si Khalil Gibran ra siguro ang nakasabot sa mga babaye. Matod niya, ang mga manunulat ug mambabalak naningkamot nga makasabot sa kababayhan... Pero hangtod karun, wala g'yud kuno nila nailhan ang kasingkasing sa babaye kay kuno, ang porma ra man sa iyang lawas ang kanunay nilang makita. Usahay, ang kahuyang ug kamasunuron sa babaye ra ilang mamatikdan ug matudlo.

Human ko nabasa ang “Ug Gianod Ako” ni Marcel M. Navarra, nakahunahuna ko'g pipila ka mga butang tungod sa pagtrato sa kababayhan. May mga nahinumduman 'sab ko nga mga kasinatian diin ko nakaingon nga mas sayon siguro ang kinabuhi kung lalake ka. Kini tanan tungod sa usa ka tauhan.

Si Pepita kay nabuhi sa panahong wala pa kaayo'y kagawasan ang babaye nga mulitok sa ilang pagbati. Mao nga kontrobersyal kaayo siya sa ilang adlaw kay nagpalahi g'yud siya. Sa panahon nga ang babaye mura'g amang ug wala'y pagbati, iya'ng giangkon iyang balatian ni Loloy, nga usa ka lalaking mudula-dula ug babaye. Si Pepita akong gipasabot nga tauhang nakapahunong nako kadiyot para maghunahuna.

Kang Pepita, nakita ko akong kaugalingon. Nakita ko apil ang Pilipina.

Dawaton n'yo man o dili, kanako, ang Pilipina karun kay mura'g si Pepita. Ang kadaghanan, manggiulawon ug maantuson... Pero pareho ni Pepita, mapuno ug musulti ra g'yud kanus-a na husto, bisan na'g dili madawat sa kapunongan nga kahibalo na mulitok ug pagbati ang babaye.

Ang katilingban, magusab-usab ang panan-aw sa mga butang. Ang panan-aw niini sa babaye, hinay-hinay na sab nausab labi na nga daghan na kaayo ang mga nakakuha ug hustong kalusug nga atobangon ang kalibutan nga wa'y kahadlok ug duha-duha, sama sa mga lalake.

Dili madugay, ang babaye, masabtan na sa kapunongan. Dili madugay, dili na ang porma sa lawas ang mamatikdan... O ang kahuyang ug kamasunuron...

Hinay-hinay pero sigurado, namulak ang kahoy sa kababayhan karun. Pila na kagatus katuig ang milabay, gamay ra kaayo ang na-usab kumpara sa mahayag nga kaugmaon. Ang katilingban, mao ra gihapon tingale ang tan-aw ni Pepita. Kung nausab man, kulang ra para masabtan... Pero ang babye makadiskubre ra 'sab sa kusog ug kalig-on nga anaa sulod niya.

Dili madugay... :-)

der dudung

2006-04-25T08:40:00.000+08:00

pastilan. alas-9 pa gani, nakahuna-huna na ‘sab nimo.

mao lagi g’yud ni basta sabado... wa’y klase, wa’y rason para magkara-kara padulong eskwelahan. pasagdaan na lang ‘sab ang kaugalingong mahinumduman ka kay wa man sa’y buhatonon sa balay, beh.

di man unta ka ingon ana ka-gwapo, uy...

kita ko nimo sa tv niadtong miaging semana: huot imong nahuwamang t-shirt. naklaro gud imong gabugdong tiyan. da, sige man inom... tan-aw ‘pud unya’g samin panagsa, ‘dong. imong buhok nga gukduno’g gunting, nagkarung na g’yud. pirmi’ng matabunan imong insikong mga mata nga imo pa g’yung taguan luyo anang samok kaayong antipara. mura na intawn ka’g adams family.

di man sab ‘ta ko maibog dayon anang misteryosong tipo, pereho nimo... di g’yud na nako maagwanata ang pagkamainiton sa inyong pagbati. kung magkadayon ta, atong mga anak, liwat nato: o.a. ug dali saputon. paet na.

unsa na man ni, uy? nabuang na man siguro ko. nabuang tungod nimo, buanga ka.

kung kahibalo lang g’yud ka...! tungod nimo, wa dayun ko ka-email sa akong asaynmint kagahapon sa klase ni sir januar. wa na ko’y tubo-tubo kay di dayon ko makatug inig kagabii. kapila na ‘sab ko nabadlungan ni nanay nga di magtanga-tanga og mukalit la’g bahakhak kay mauwawan among pamilya. ingnon unya sa mga silingan nga kaliwat mi’g mga kwanggol.

una ka naabot, malinawn pa kaayo akong kinabuhi. una ka nailhan, tarung pa kaayo ang dagan sa akong kalibutan. karun, sige na ko’g kapandol, katuwad, kadusmo ug kawala sa akong kaugalingon. imo g’yud ning sala tanan...!

mao nga manimaws g’yud ko ‘nimo...

magkat-on na ko’g panudlay, panglipstik ug pahumot. hatdan pa g’yud ko ikaw ug pospas nga may lumay. sharo’g di pa ka maibog ‘nako! human ikaw na ‘sab ang mag-antos ug handum ‘nako. makatilaw na ka’g tinuod nga sakit kay ikaw na ang mag sige’g kadakdak, katulimbang, kaparok ug kaligid mura’g lumpia gikan sa ika-14 nga andana sa inyong kondo.

malas ka, ‘dong. ikaw akong natipuhan.

♥,
lazy daisy

2006-04-24T13:04:00.000+08:00

Para Sa Imo, Katunga
dollshoes

[ para kini sa akong pamanhon sa pag-abot sa tama na adlaw. dili kini ang orihinal apan nahuna-hunaan nako na ibutang kini kay ganahan man ko.. niya si sir munckin kay la man niya g post..]

Unsa man na mga lonlon na kalipay ang akong makuha ug nakuha kanimo?
Kana ang pangutana na hastang sayuna tubagon. Usa-usahon nato haa...

kung magbuhat ka ug maayo kanako...
kung sungogun ko nimo...

kung ipatong nimo ang imong tiil sa akong lamisa...

kung manga-un ta...

ang porma sa imong hulagway kung gikan ka sa opisina sa atong amo...

kung suluton nimo ang necktie na akong paborito na ang color kay mitalic blue....

kung magkasingot ka sa pag-gukod kanako kay nahibilin ang akong handbag...

kung hapakon ko nimo kay gikataw-an nako ang imong gi-imbento na hamubaga...

katong gitutokan ko nimo ug nisulti na dyud ka sa kamatuoran...

katong gisulob na nako ang imong sing-sing...

kaniadtong naghulat ka sa atubang sa altar aron kuhaun ang akong mga kamot...

ang reaksyon nimo sa katong gisultian taka na mahimo na dyud ka ug amahan...

ang bugtong na pamaagi nimo sa pag-disiplina sa atong mga anak...

katong nihilak ka kay aduna na dyud kay doktora...

katong imong gikugos-kugos ang atong pirmirong apo...

ug kaniadtong imo ko gihong-hongan na "ang akong kinabuhi sa imo ug sa atong mga anak lang nagpalibot.. Salamat ug imo ako gipakuntinto.. Kung ako mabuhi ko'g utro ikaw lang giapon ang akong pangasaw-un kay ikaw akong kinabuhi.."

Hay.... dili dyud ko kadto kalimtan.

Kini ang mga lonlon na kalipay na nahatag mo kanako. Ug dad-un ko kini hangtod sa akong lubong. Ako dyud himuon ang kadtong mga higayuan isip mga bahandi nako...

PERO..........

Kinsa ka? Unsa imo ngalan? Asa ka nagpuyo?

Dili sa tingali ta mabalaka ana uy. Sayod man gud ko na sa dili mag dugay magkita ra lagi ta. Sayod pud ko na hulaton dyud ko nimo. Untana sa dili pa mapalong ang study lamp sa atong paglaum, magkita nata. Kay ikaw lang dyud ang para kanako ug ako ang para kanimo.

Hulata baya ko ha. Ug ayaw kahadlok kay hulaton lagi taka.

Ang tinuod dyud na lonlon na kalipay na akong madangat gumikan kanimo kay....

IKAW mismo....

Salamat ug paghinay-hinay...

"Mrs. Robles" sinulat ni luhang lumad

2006-04-24T12:55:00.000+08:00

Abril sa tuig 1987. Buntag.

Sa maternity clinic ni Dr. Parodo, lima ka buntis na mga inahan ang nagtapad og lingkod samtang naghuwat sa pagtawag sa ilang torno. Diyes minutos ang nilabay, usa ka nars ang nigawas gikan sa check-up room og kauban ang usa ka sabak na babay na bag-o lang na check-upan sa doktor. Human pagdawat sa bayad, ang nars nibarog og gitawag ang usa ka pangalan , “Mrs. Robles?” Sa lima na nahabilin, naay usa ka ulo ang nihangad. Giduol kini sa nars og gigiyahan paglakaw padulong sa check-up room. “Ikaw na ang sunod ma’am”, padayag sa nars.

Ang upat na nahabilin nagpadayon sa paghuwat og nagpabiling hilom. Sige sila og atang sa paggawas atong gitawag pero niagi nalang ang trenta minutos, wala pa gihapon. Grabe na ang kahilom sa waiting area. Makabungol na gud sa sobra kahilom. Sa kalaay siguro sa upat, ang clinic ni Dr. Parodo ang gi-estadihan. Gitutukan tanan butang sulod sa clinic. Sa wala gituyo, ang ilang mga panan-aw nagkasugat. Sa pagdali-dali og likay, iya-iyang direksyon naglingiay. Gipangkapoy na siguro og dili na mapugngan ang kakatol sa ilang mga ba-ba, nagkadungan og sulti ang upat! Resulta? Nangatawa nalang sila. Nagkaila-ila. Nagtsika-tsika. Hangtod nagkaamiga. Tunga sa ilang mga diskusyon, ang Ginoo diay nalingaw og tan-aw sa ilaha. Wala sila kahibaw na ang Ginoo naa diay plano sa mga bata na ilang gisabak. Na pag-abot sa eksaktong panahon, ang mga bata pod magkahigalaay.

Bilib sad ko sa plano sa Ginoo. Imbis padayunon ang nasugdan na pagka-amiga sa upat, Iya gyud giapilan og drama! Sa mga misunod na skidyul sa ilang pagpa check-up, ang upat wala na nagkadungan. Sukad ato, wala na sila hatagi og higayon para lang magkita og utro. Pag-abot sa buwan sa Hunyo, ang duha sa upat na mga inahan, nanganak. Pareho laki. Niabot ang Agosto, og ang duha na nahabilin nanganak na pod. Usa ka laki og usa ka babay.

Upat na ka tuig ang niagi og gisugdan na sa Ginoo ang iya plano. Diha sa adlaw sa unang pag-eskwela sa mga bata, wala nagdahom ang upat ka inahan na mao sad tong adlawa na mgkita na sila og utro. Grabeng kalipay ang ilang nabati. Wala pod sila nagtuo na pareho ra diay sila og syudad na gi-puy-an. Pwerte gyug ambak-ambak nila og nagkinamustahay. Unya nahitabo gyud ang ekasktong plano sa Ginoo -- nagkaila-ila ang mga bata. Sukad ato, naghinay-hinay og kasuod ang upat ka inahan, apil na pod ang ilang mga anak. Nganlan nato ang mga bata na sila Sanny, Michael, Jose og Marie.

Naay usa ka panghitabo na tungod ato nisamot ang pakasuod sa upat ka pamilya. Ang mga bata kay kinder na. Adunay benefits show na gipasiugdahan sa eskwelahan. Nanan-aw og “Beauty and the Beast” ang mga bata sa sinehan. Diha na nahuman na ang salida, nahibong si Marie nganong walay yaya ang nisugat sa iyaha. Pwerte gyung hilaka sa bata. Giduol nila Sanny, Michael og Jose ila amiga og gipahunong sa paghilak og ila kining gitabangan pagbarog kay niyaka naman ni sa sawg. Nagpasalamat gyud og dako ang mga ginikanan ni Marie sa paghatod sa bata sa balay. Mahinungod sa yaya, nakalimot siya sa pagkuha ni Marie kay nalipay ni og kuyog sa iya uyab!

Nagkasuod na gyud ang mga bata. Lupig pay tinuod na mga igsoon ang taras nila sa usag-usa. Nagpasalig pod sila na dili nila pasagdan ang usag-usa ilabi na ang pinakamanghuran og ang nag-inusarang babay sa grupo na si Marie. Ila kini gitawag og “bunsoy”. Sa ilang kabatan-on, pirmi ni sila magkuyog sa pagduwa, sa pagkatug og sa pagkaligo. Sila tanan kahibaw sa sikreto sa usa. Kanunay anaa ang usag-usa nila sa kalipay og kaguol. Mag-rinesbakay kung naay mo-agrabyado sa ilang grupo. Bisag naa sila’y tagsa-tagsang grupo sa elementarya, tibook gihapon ang ilang pagkahigalaay.

SCED ang napili na ngalan sa ilang grupo. Mga pirmirong inisyal kini sa ilang apelyido. Pila na ka tuig ang niagi og ang mga bata nanagko na og nahimo nang mga ulitaw og daga. Pero bisag mga batan-on na, nagpabilin gihapon sa ilang pagka-walay buot.. Kuyog bisag asa, magtapad sa pagkatug pero dili na magdungan og kaligo! Sa una, si Marie man ang grabe manungog sa panahon na gipang-tuli ang tulo, og niabot ila oras para manimalos. Sa unang gamit gyud ni Marie og bra, puro yaga-yaga ang nadawat niya. “Aaah, dalaga naman amo bunsoy”, sungog sa tulo og dala kini pagbira sa bra strap para mo-litik sa bungkog ni Marie. Puro ra gyud kaboang ang nasabtan sa upat pero sa pag-eskwela, mga maayo man sad.

Pag-gradwar nila sa elementarya, diha pod nila nahibaw-an na magbuwag na sila pag-eskwela sa haiskul. Tungod kay sila Sanny og Michael naka-angkon og scholarship sa usa ka Science Highschool. Sila Marie og Jose nagpabiling loyal sa ila gi-andang eskwelahan. Si Lord gyud oi, hilig gyud og mga panagbangi! Gi-testingan ra siguro Niya kung magpabiling suod ang upat. Pero bisag nagkalahing syudad na sila nag-eskwela, naa gihapoy komunikasyon ang upat. Nauso na ang silpon atong panahona. Tulo ka beses sa usa ka buwan manguli sila Sanny og Michael kay mingawon man sila sa ila mga pamilya. Taga-uli nila, ila gyung siguraduhon na magka-jamming sila upat sa weekend. Sila Marie og Jose kung naay panahon, mobisita ngadto sa ila mga amigo. Dili nila huna-hunaon ang kalayo og kakapoy sa biyahe basta makit-an lang ang dagway nila Sanny og Michael.

Haaay… Kinabuhi gyud sa haiskul! Ngadto magsugod ang tanan – apil ang gugma. Mataghigayon na manguli sila Sanny og Michael, unya magka-ipon na sila upat, puro kasapot ang mabati ni Marie kay imbis magkinamustahay, mga babay sa kinabuhi sa iyang mga amigo ang hisgutan. Selosa na pagkataw si Marie. Isip na siya ra ang unica ija og ang pinakamanghuran sa ila pamilya. Dihang bation na si Marie sa iyang kasapot, pirmi gyud kini mabantayan ni Jose. Pahilom ra siya magmatyag ni Marie. Og kalit nabati niya na gihigugma na diay niya ang iya amiga! Gitago ra kini ni Jose sa iya kaugalingon, hangtod sa niabot ang higayon na kinahanglan na niya isulti iya tuyo kay Marie. Dakong sorpresa iyang nahibaw-an dihang nabatian niya gikan sa ba-ba ni Marie na pasikreto pud diay siya gihigugma sa babay.

Naabtan og napulo ka buwan ang pagtago sa ila relasyon. Tabang na pod sa ila mga kaila, ilabi na sila Sanny og Michael. Naputol ra kini kay nasakpan sa pamilya na nisupak si Marie bahin sa ilang kasabutan na dili pa siya pwede mosulod anang klase na relasyon. Gisunod nalang nila ang gusto para wala nay samok og nagsabot ang duha na ila nalang kalimtan ang nahitabo nila. Para sa ilaha mas importante ang balyu sa ila pakahigala kaysa sa lain butang.

Nagpabiling amigo sila Marie og Jose. Kataw-an nalang nila kung sungogon na sila nila Michael og Sanny bahin ato. Karon naa na sila sa kolehiyo. Ang duha naa sa Cebu og ang duha naa sa Manila nag-eskwela. Pinaagi sa tawag, text, YM, emails ang ila komunikasyon. Ang ila ra gyud higayon na magkita kay kung manguli na sila sa ilang yutang natawhan. Ngadto gihapon nibalik ang tanan. Kung dili sila magkita, kabaw sila na tagsa nila naa pirmi sa kasing-kasing og huna-huna sa usag-usa.

Kahibaw ko na karong mga panahona, nakahinumdom sila sa sinugdan sa ilang pagkaila-ila. Abril 2006, eksaktong ika-disinoybe na ka tuig ang ilang pagkahigala karon. Kung unsa may gibuhat nila karong taknaa, kabaw kong hunungon gyud na nila og pahilom na motingsi sa paghinumdom sa mga tam-is og pait na nahitabo sa ilaha sulod sa disinoybe ka tuig. Apil na niini ang dakong pagsalamat sa ilang mga inahan na pareho og doktor ang napili og sa Ginoo na iya gi-plano ang tanan. Pero dili nila makalimtan ang pinaka-importante sa tanan – si Mrs. Robles. Tungod sa iyang pagkalangaya, nagkaila ang upat ka inahan apil na ang sulod sa ilang mga tiyan.

"Kape" sinulat ni Elisabeth 'Chai' Baumgart

2006-04-23T19:10:00.000+08:00

(Alang sa umaabot tig-kutaw sa akong kape. Kung hain man ka, naghuwat lang ko diri.)

Imo ko gikutawan og kape.
Gibutangan nimo og
Asukal.
Gatas.
Og init tubig.

Sa paghatag nimo sa kape,
Na lipay ko kadyot
Kay imo gibutang ang kape,
Sa paborito kong tasa.

Init kaayo ang kape.
Na init akong lawas
Pag inom nako ato.

Nawala ang katugnaw
Ug kakapoy na
Akong gibati

Ug sa diha,
Imo kong gitaparan.

Nawala ang
Kamigaw na
Dugay na ko gibati.

Imo ko gigakus
Ug gihalok.

Nalipay na pud ko.

Gihugut nako ug kupot
Ang paborito kong tasa.

Mitingsi ka kdayot
Ug imo gikuha ang tasa.

Hurot na ang kape.
Namugnaw ko’g balik.

Mibarug ka ug
Milakaw.

Nabati nako usab
Ang kamigaw
Ug katugnaw.

Apan,
Wala ko naguol.

Kay kahibalo ko
Na imo ra ko kutawan balik
og Kape.

2006-04-22T19:48:00.000+08:00

“Si Inting sa New York”
sinulat ni Pensador

“ Ekskyus mi…asa ta pwede kapalit og kan-on diri?”. Sayop man jud ni oi. “Di nalang ko mangutana kay, sus, intawn mga tao pod diri laglom kaayo og mga gipanghuna-huna; mura man pirmi gadali. Usa pa, lisod pangitaon ang kan-on diri. Mas putito siguro dali pa. Ang mga dagway nila, ai, mura gigukod pirmi sa oras. Pero wala man jud ko mahimamat aning lugara bah.

New York? Pastilan kagubot. Hinu-on malambu-on man gayod kining syudara. Og sa giingon pa sa kadaghanan, mao kini ang syudad nga dili matulog. Makasakay na gyud ko og treyn, makapalit-palit ginagmay og mga birsachi nga sinina ug makakaon panagsa sa mga restawrant nga makit-an ra nako sa salida sama ni-adtong sirindipiti. Sukwahi sa kangitngit sa kagabhi-on, nasaksihan sa akong mga mata ang la-in la-ing mga kolor sa hayag nga nagapilit sa mga dagkong bilbords og bilding. Sukwahi sa kangitngit sa kagabhi-on, mabati nako ang mga saba bisan asa dapita. Sukwahi sa kangitngit sa kagabhi-on, matudlo nako ang polusyon nga gatuyok-tuyok sa akong palibot. Apan sukwahi sa kangitngit nga akong gibarugan karon, klaro ang mga hulagway nga nagdagan-dagan sa akong pangisip. Ang dakong, walay ngipong katawa ni Manong Boy samtang mosakay ko sa iyang traysikad ug ang ma-ulawong ngisi ni Flor samtang mopalit ko og pan sa iyang gamay nga tindahan. Usa lang kini sila sa minilyong mga Pilipino nga akong gusto makita para hapluson kining kamingaw nga akong gibati karon.

Pero dili na nako huna-hunaon ang mi agi nga mga panahon. Kaugma-on ang gikinahanglan nakong lantawon. Kaugma-on. Ugma…makalantaw pa kaha ko dri og mga patag nga lugar kung asa maklaro nako ang bidlisiw sa haring adlaw gawas sa mga pirteng pagkadako og tag-as aning mga istraktura? Masimhot kaha nako ang preskong hangin gikan sa mga kahoy? Kahoy. Asa tu-od ko makakita ana diri? Sa myusiyom na siguro pila ka dekadang molabay. Molabay. Ang mga tao nga naglabay-labay sa akong panan-aw karon layo ra sa akong hitsura. Mao ni ang mga poriners? Ai sus, pwera saway lang, pagkalaksot nila! Ober says ilang gitag-ason, ober ka taas ang mga ilong nga nanlisik sa ilang ober ka puti nga dagway! Makatawa man sad ko sa akong kaugalingon. Unsa kaha kung ila kong mapamati sa akong gipanghuna-huna karon. Ai nah, hagbay nakong gikulta siguro og mao kana ang ulahi nga akong gikinahanglan karon. Wala pa man gani diay koy mga amigo nganhi. Amigo. Grabe man diay ni kamaamiguhon ang mga Pilipino. Kung mga banyaga ang modu-aw sa P’inas, magkapuliki intawn mi og iningglis para masabtan unya kung kami ang moanhi diri, aw iningglis gihapon og taman. Ahai…sakto nani akong mga komentong akoy ray makadungog. Ekskyus mi…

2006-04-22T19:08:00.000+08:00

"Nahigugma Na Diay Ko Nimo!"

kikay kit

Pag-sauna gibalewala nako

Ang imong mga tutok

Ug panglantaw nako

Ang mga pagpadungog nimo

Wala nako pansina

Masamukan ko kong makakita nimo

Kung muduol ka gusto

Tikang tuk-on

Apan sa paglabay

Sa mag adlaw

Gibati ko ang kamingaw

Para nimo

Unsa ba ning nabatyag ko

Kanimo?

Gipangita ko ang imong

Mga pasidungog

Mga tutok ug tinan-awan kanako

Unsay hinungdan nganong

Gusto ko makakita nimo?

Ah........

Nahigugma na diay ko nimo!

"SAAG" sinulat ni Elisabeth 'Chai' Baumgart

2006-04-21T23:41:00.000+08:00

Mag

usa

na ko ka-tuig diri sa syudad sa New York, pero di pa gihapon ko sueto diri. Unsaon nalang. Naay E45th street, W45th Street. E126th street,W126th street. Kinsa pud di ma libog sa kadaghan sa mga dan dire. Dili nalang ko mahibulong kung niabot ko sa pikas bungtod, unya ang bayranan sa taxi kay dili na maihap. Leche gyud ning dollar uy.

Laliman ka, na bisan pagpadung sa akong trabahoan maglibog lang gihapon ko usahay? Lagi, kabaw ko mo drive, pero makabuang ang traffic. Wa na ko’y kwarta para gasolina. Unya, naa pud tartanilya, pero hastang mahala (mura pud ta’g buang kung mao sad nay sakyon padung sa trabahoan). Unya kung mag taxi, ang dollar lagi. Leche.

Di lang sad ta maghisgot bahin sa akong sakit na ‘No Sense of Direction’, kay kabalo naman siguro ka na wa gyud ko’y sense at all. Pero sige lang, tapad ra man sa Rockefeller Center ang akong gitrabahoan, so sayun ra kaayo mangayo direksyon kung mawala ko.

Paminaw, tapad ra sa Rockefeller Center ha? Tapad.

Ang kanindot diri sa New York kay makakat-on ka ug lakaw. Sa una, wa gyud ko na anad ug lakaw, kay na anad man lagi ko ug sakay ug jeep ug traysikad. Pero tanawa lang ko karon, sige nalang gud ko ug lakaw (kay, wa lagi ko kwarta!). Gikan sa Rockefeller padung sa Central Park – kaya ra kaayo! Or di ba, adto sa Public Library o di ba sa Times Square. Adto pa ko Trump Towers – kita pa ko ni Donald Trump. Na lingaw lang ko hinoon sa iyang buhok. Weird kaayo.

Duol ra pud kaayo ang opisina sa New York Times. Duol-a ra lagi, usahay dili lang gud ko ka tuo na nagatubang ko sa NYT. Kailang gud nako kusion akong kaugalingon para maka ingon ko na di gyud ni damgo or hallucination.

Usahay, paghuman sa akong di-gyud-maingon-na-nindot na trabaho, adto ko sa Times opis ug mo tanaw lang sa ilang building. Maka-ingung lang ko sa akong kaugalingun na ‘Moabot ra na ang panahon Chai,’.

Wa magdugay, ni lakaw ko ug dali-dali, kay niduol na ang gard – tuo siguro to siya na terrorista ko. Dagway pa lang daan nako, murag suwisayd bamer.

Ni lingi ko sa gard kadyot. ‘Awa lang ka gard, sunod, maka sulod na gyud ko dira.’

Ni dagan ko ug maayo, kay nagtawag na ug bakup ang gard. Nituo na gyud to ang gard na terrorista ko. Ang akong bag gi-dala atong adlawa kay dako kaayo ug itom, tuo gyud to ang gard na bomba akong gibitbit.

Intawn, dili ko alalay ni Bin Laden.

Tungod sa akong sakit (no sense of direction) nagpataka ra ko ug sulod ug mga eskina na wa gyud ko kaila. Amawa gyud nako.

Na wa nasad ko.

Karon, ma saag pa ko diri sa syudad. Pero, huwat lang, mo-abot ra na ang akong panahon. Di na ko motrabaho tapad sa Rockefeller Center kung di, naa na ko sa New York Times. Nya, nagpuyo ko sa Greenwich village (lami paminawn sa?) uban sa akong mag kauban magsusulat.

Kung mo abot nang adlawa, kana, di na gyud ko masaag ana.

Kay, kabalo naman ko kung asa ko padulong.

(Lagi, kabalo ko unsa inyo gihunahuna. Mo palit na lagi ko ug mapa sa New York. Leche uy.)

HANG-OBIR sinulat ni bÜwantama

2006-04-21T21:16:00.000+08:00

Titititit…titititit! Wala’y undang sa pagtingog ang alarm sa akung silpun. Nibuka ang akung mga mata para lang pisliton ang “snooze” kay nagplano ko nga matug ug balik. Apan ang akung utok, bisan ug latagaw, dili na makatug ug balik kay nadisturbo na sa maong tingog sa alarm. Bug-at kaayo ang akung lawas. Sakit ang akung abaga hasta ang akung duha ka bukton. Gipamaulan ang akung bagtak. Akung gipugos ang akung lawas sa pagbakod apan dili gyud makaya. Mura ko’g gipatiran ug napulo ka kabayo. Mao na diay ni ang “tama” nga gi-ingon sa komersiyal sa telibisiyon. Mao na ni ang ipikto sa gamhanan nga pulang kabayo ug sa pagsayaw-sayaw sa Ratsky.

Ako jud gipugos akong kaugalingon nga matulog ug balik ug sa dihang naa na unta ko sa “twilight zone”, ning tingog na sad ang akung silpun. Gitawagan ko sa akung klasmit kay naa na kuno ang among gwapo nga maestro. Sabog pa ko nga ning tubag niya ug ning ingon ko nga mu iskuyla ko. Apan wa kini mahitabo. Absent na pud ko sa English 5.

Nakonsensya ko maong ning bangon ko ug dali-dali unya naligo. Nagpa-abot ko nga mu takna sa alas-dusi kay mu iskuyla ko sa akung klasi sa Cebuano. Pagsud nako sa klasrum, naabtan naku ang akung maestro nga naglingkod ug nangayo ko’g pasaylo kay ning absent na pud ko sa iyang klasi sa di na maihap nga higayun. Ning tingsi lang siya ug naminaw sa akung isturya. Ug di pa laman jud naku hinigugma ang subdyik nga Cebuano, ako jud tong gi absinan! (ayay, nagpadungog-dungog!!)

Samtang nangadtu ang among klasi sa internetan atbang sa iskuylahan, nakahuna-huna ko nga tinuod jud diay nga daghang purwisyo ang mahatag sa ilimnong bawal. Ingon bitaw ko nga magbag-o na ko! Gipugos man gud ko sa akung higala nga nagbertday! (ayay, nagpadungog-dungog napud!!) Naka-absent na nuon ko ug bangag na pud ko nga ning sud sa klasi.

Tsk..tsk..tsk..tsk!! di na jud ko mu inom…..Unya ra kung way klasi inig ka ugma.

Ug Gi-Ungo Ako…!!

2006-04-21T20:56:00.000+08:00

sinuwat ni miss_perfect

(note: o, lagi, kibaw ko dili orig ang titulo; imit kini sa “Ug Gianod Ako…” ni Marcel Navarra. Sige nalang gud. :p )

“Hay, salamat! Mu-leave na gyud ko ani na school!”
Mao kini ang gipangbuhiang mga pulong namo sa akong mga klasmeyt paggraduweyt namo sa hayskul sa Saint Theresa’s College. Atong panahuna, manunuwat ko sa amoang opisyal na magasin, ug nagplano kong magsuwat og gumalaysay bahin sa paggawas gikan ining eskwelahanang ikslusibong pambabaye. Mang-goodbye na gyud mi sa mga ungo sa skwilahan – mga ungo sa banyo na maminaw sa among mga chikka, mga ungong magsuruy-suroy sa Ayala na mangita’g Teresyanang nakigholding-hands sa iyahang boyfriend, mga ungong maniid sa among gipangsuwat sa paper chat. Kining mga ungo-a ni ang mga best friend sa taga-guidance office ug sa Discipline-In-Charge. Ug sa pagpaso nako sa stage atong gabhiona sa graduation, wala nigawas ang akong giplanohang gumalaysay sa among magasin, kay wa ko masayod na…

Intawon. Dise-otso na ko. Padung na mag-third year. Nagkuha ko og Media Communication, ang kursong akong gipanganduyan sukad pa sa akong pagkabata. Summer karun ug salamat sa sabdyek na Bisaya, nagkawala-wala na ang akoang pagka “Bislish” (Bisaya-English) na na andan nako sa hayskul sa STC. Manunuwat gihapon ko sa opisyal na magasin sa kolehiyala. Apan, wala ko sa usa ka unibersidad.
Intawon. Gigukod gihapon ko sa mga ungo (unsaon man sad nako pag-eskapo nga ang bughaw-ug-puti nga uniporme sa STC man gihapon ang akong gi sul-ob), samtang ang mga kalag sa akong mga amiga nakakita na og kahilom sa ilang mga unibersidad.

Ayaw lang intawon. Ayaw lang gyud intawon. Pero, sige nalang gud, magpananglit ta.
Pananglit… inig ka graduweyt nako sa kolehiyala – ug dihang malipayon kaming muproklamar sa akong mga klasmeyt, “Muhawa na gyud ko aning eskwelahana!” – dili gihapon ko makasuwat og gumalaysay bahin sa paghawa ining skwilahanang iksklusibong pambabaye.
Pananglit… samtang nagtrabaho ko isip usa ka media communicator – ma telebisyon, radyo o print media; o samtang nagtuman ko sa akoang damgo nga maghimo og magasin; o samtang nagtrabaho ko sa usa ka advertising agency; o samtang nisulod ko og events organizing; o samtang nahimo gyud kong usa ka manunuwat… pananglit mahimo kong titser sa STC. Di na gyud nako malikayan ang mga ungo; basin gani, ako na ang ilang sultian sa ilang mga hongihong.
Pananglit… magbaha og utang kabubut-on ang akong kasing-kasing para sa STC. Pananglit, dili gyud mahimutang ang akoang kalag hangtud maniguwang ko sa eskwelahang nakakita sa akong pagka-wa’y buot ug sa akong pagdalaga. Ug kung mag Alzheimer’s disease gani ko – simbako lang – ang mga linggwaheng Bisaya ug Iningles na akoang nakat-unan kay magkaduol, magkapareha hangtud mahimo usab silang usa ka linggwahe na gitawag og “Bislish”.

Aw, kung matinuod gayud ang akoang mga pananglit, usa ra ang akoang padulngan ani inig kamatay nako. Gikan sa akoang lubnganan, mubangun ako. Mubalik akong kalag sa STC… ug mahimo’g usa sa mga ungong magpalibod sa STC nga mao’y tigsibya sa mga sikreto sa mga Teresyan ngadto sa guidance office ug, usahay, kung lami na gyud kaayo ang tsismis, didto pud sa mga dalunggan sa Discipline-In-Charge.

(Unsa kaha, noh?! :-/ )

2006-04-21T20:44:00.000+08:00

Ang Akong Parat

dollshoes

Adlaw-adlaw makita nako ni siya

Ang amiga na maldita

Tan-aw ko, tan-aw pud siya

Kay ang tuyo mangaway ra

Kalit lang man mi ani

Ambot pud ngano ni

Basta nakasayod ko

Usa ka adlaw, siya, ako gi-supo

Normal nakana sa amoa

Mag-away maski walay sala

Kung musipat ko

Musipat pud siya

Akong mama

Nag-ingon na dili na daw nako awayon iya pangga

Naglibog nahinuon ko

Kung kinsa man dyud iya pinangga

Ako o siya ba

Pulihay lang mi ug pangaway

Yaw-yaw... bahalag mangalagpot ang laway

Ang uban katawanan

Ang uban pud kay dili ma bang-bang

Maski sa YM

Walay undang ang buing

Booohhhht diri

BOoooohhht didto

Hay, amiga kong sabog

undangi ko'g sungog

Basig ikaw, ako ilabog

Ug ipakulata sa hubog

Maski ingon ani among kahimtang

Pinalangga gihapon nako ang buang

Mura man gud daw mi ani ug mani

Naay parat ug tamis pero kung isagol lami..

Mao nang, salamat sa imong kaparat... Parat...

PANGANOD Sinulat ni BuwanTama

2006-04-21T20:14:00.000+08:00

Nagtan-aw ko sa panganod...pula kini.

Sama sa akung dughan nga daghan ug kahadlok,

nasayud ko nga ang maong panganod daghan usab ug kakuyaw.

Naghinuktok ko.

Naghunahuna kanimo.

Pirmi na lang ba nga ingun ani?

Kutob ra ba gyud ka sa akung alimpatakan?

Mag sige na lang ba ko ug imadyin sa imong panagway?

Ning tan-aw ko ug balik sa maong panganod.

Natabunan na kini ug dako'ng dag-um.

Naghinuktok ko.

Naghunahuna kanimo.

Bisan ug ang akung utok nag ingon nga kita wala'y kaugmaon para sa usa'g-usa,

nanganduy gihapon ko nga usa ka adlaw magbangga ta.

Ning tan-aw ko ug usob sa maong panganod.

Sa likod niini nakita naku ang bidlisiw sa adlaw.

Naghinuktok ko.

Naghunahuna kanimo.

Nipahiyom ko ug ni ingon sa akong kaugalingon...

Usa ka adlaw, magkita ra ta balik.

Basin ugma, basin sunod ugma, basin sunod tuig.

Basta! Magkita ra lagi ta!

--buwantama in da haus!!--

--wayfuture.com.edu.ph--

ang tinuod

2006-04-21T13:19:00.000+08:00

kikay kit

Insikon, budlat, chinita, tag-as, putot... Sagul-sagol lang ang akong nakit-an sa New York. sa akong paniid kadaghanan didto kusog kaayo manglakaw murag gigukod sa iro. Namatikud pud nako ang mga lungsuranon dito kay mga budlay tungud kay ang New YOrk ang sentro sa "stock market".
Sa pagmatikud ko sa mga batan-on didtop kong mosulti makawangan og letra kong di gani ilisdan, hilabihan kung ang ilang kuyog ilang barkada. Pananglitan,"How awe ya?", "Good sense a yuma", "Terl it". Mao nang ang mga Pinoy kung gikan didto o sa uban pang nasod na Ingles ang tinabi-an ig-abot diri sa Pilipinas dili na makasultig diritso na bisaya.

katong gubi-una!

2006-04-21T13:09:00.000+08:00

Katong gabi-una, di gayod ako mkalimot sa mga panghitabo atong gabi-una.. Siguro sa sugod gaduha-duha ko kung malampuson ba ang usa ka selebrasyon kanako sa akong birthday, gamay ra'y imbitada kato rang duol sa akong dughan, sayang wa akong pamilya! o sige magsugod nata! ni kaon mi sa Casa Verde ug didto naila-ila sakong amiga akong higala gumikan samong lungsod! sekret na kung kinsa to sila.. sa pagabri sakong higala sa pultahan matud pa sa akong amiga! " pag-abri nimo sa pultahan! mihunong akong kalibutan!" Paghuman namo sa pagkaon mi adto kami sa usa ka kalingawan ug didto na mi gawas ang tanan, didto mi lambo and gibati sakong amiga para sakong higala ug grabe nakong lipaya kay "blooming" man siya! wow sikata.. nagpasalamat ako sa nga tao nga ni adto kay akong bithday grabe jud ka kompleto! ug kaning amigaha nako first time ga sout ug high hills! kamo na bahala tagna kung kinsa to siya!

Katong gabi-una arang nakong ipaya sa tanang hitabu-a wa gayud ako gamahay! salamat kanunay!

nagmamahal!
paet!

pag-bati ni bhebz

2006-04-21T12:58:00.000+08:00

naglingkod.
nanghinuktok.
nidungan sa anod sa isturya.

naglagut.
nanguy-ab.
gi-mingaw sa gakos sa hangin.

niyaw-yaw.
gi-samukan.
ka-ambakun sa coral.

uwan.
hangin.
wa nay hangin.
di na ganahan, pag-amping.

Nay,HIGANTE ANG NEWYORK ni bejay villaflores

2006-04-21T12:56:00.000+08:00

NAY, HIGANTE ANG NEW YORK

Dear NaY,

Pagka kuyawa lagi! Namugnaw og nitikig ang akong palad sa dihang nasinati ko na gayud ang katugnaw sa gibantug nilang siyudad na tigtukaw.

Og gani, nagsugod na ang akong pagtukaw sa dihang naglingkod pa ako sa Cathay Pacific na eroplano, naghuwat sa landing. Gianinaw ko lamang sa hilom ang mga kasakay kong tumtomon, samtang sila nagtagawtaw og mga pinulongang makabuhat og pitik sa akong bisdak na dalunggan. Dili man sa gusto ko silang tamayon, apan samaw lantawon ang mga nagbuwaw-buwaw na buhok sa mga kano—giparisan og blue o lunhawng mga matang nahisama sa mga iring.

Gipugos kong tak-umon lamang ang akong baba aron malikayan ko ang pagsagbat sagbat sa istorya. Dili man gud ko ka-relate. Og basin dili sad sila makasabot nako. Sa kamingaw, gihagit ko na lamang ang akong kaugalingon sa pagdakop kung hain ang gigikanan sa naglanog-lanog na “Ngiga noh?” og “Ah!, kuyawa gud!.
Hapit ko na lamang lubagon ang akong liog sa pagpangandoyng masakpan ko ang mga tingog. Ug sa wa magdugayng paglingi-lingi, nakaplagan ko gayud ang lima ka itom na ulo— Lima ka bisdak susama kanako nagdasok sa ngilit, nag-chika og nanlibak.

Ah, kuyawa gud!

Kuyaw, kay sa dihang natagamtam ko ang una kong mga tunob sa New York, nabati ko ang pinugngang iktin sa kasing-kasing. Obyus ba? Eksayted. Maayong pagkahimutang ang landinganan. Obsirbant man gud sila sa polisiyang pagpalinya. Aduna sa’y nahisagul na mga Asyanong, ang uban adunay gisugat, uban bag-ong abot, og ang uban sad manlargahay pa.
Bilib sad ko aning mga langyawng buwaw da kay isig pagpagawas man sa ilang maayuhong mga gadyit. Mga bidyo kam og istil kamira. Ang gikahibulngan ko lamang kay wa may magtix-tix oi! Aduna man gani bitbit na selpon, sa dalunggan man sad hinuon mahimutang. Wa nalikayang pangutan-on ko ang kaugalingon na wa siguroy unli og nonstop nganhi noh? Wirdo ang maong lugar, susama kawirdo sa akong gibating kasaag.

Daghan og kalahian nganhi sa New York. Ganina lang, bilow siro digris kuno ang kabugnawon. Labihan ang katugnaw! Madungog ko na gud ang akong ngipon na mokagut og magsingki-singki. Isog kaayu ang katugnaw nay, kay kadtong dyakit na imong gipabawn nako, sa kabag-on niadto? Nadutlan gihapon sa tugnaw. Napugos na lang gud ko sa pagpangita og trench coat. Kana bang tag-as na dyakit na sul-uton sa mga artista sa tv. Diyot ra man sad unta ang pagtultol ko sa mga sininaan, aduna say daghan na maayuhong trench coat. Ingon pa dyud gani ang sales lady “It looks so hip on you!” .Hip lagi apan taktak sad ‘tawn akong gamayng sapi kung paliton ko tong Versace.

Intawn ning si Inday nimo nay, gi-antos na lamang sa kadiyut ang katugnaw hantud malipayun kong nakaplagan ang usa ka thrift store. Dinhi, adunay mga anindot na panapot, mga dyakit, bags ug uban pa sa mas barato na kantidad. Kung masuwertehan ka, aduna sa’y mga brand-new, brandid pa dyud. Sa atoa pa ni nay, gitawag na ni og ukay-okay. Haaaay, hinglabihan ko nang mingawa sa Colon og Freedom Park, sige pa ka og pangukay didto nay?

Sa kakutihon sa mga kalyi, makalinga kini madugay. Dili maihap kung kapila ako nasaag og nakatultol usab, saag na sad og tultol usab, saag na sad og tultol, pastilan oi!. Bisan gani og padulong lamang sa akong gilupyohan, mawala gihapun. Mas-maayo gayud tingaling nagpatuo kong undangan ang pagpangapi. Kalimtanon na, nasamutan pa sa kalibog sa lugar. Walay dyip na naay ruta, mahal sad ang patak sa taksi. Pagkalisod baya matiman-an sa mga pangan sa kalye.

Apan,paborito ko gayud ang higanteng mga tubod dinhi, da bes ang tubig na mo-ambak og molut-hang padulong sa langit—mga water pawntens ba. Kanal ra ma’y naa sa ato.

Higante ang New York. Ang pawntens higante, og hasta sad ang bildings, higante. Habog kaayo na magsakit na gud kanang liog nimo tungod sa paghangad-hangad. Pero ang labaw na nakapanglangyaw kanako, mao ang mga tawong 6 pooter. Mag baw gud intawon ning si inday nimo og kinto-kinto, mailhan lamang na diyese-otso. Lapad sad ang mga dalan sa New York. Imbes na 2-lane na susama sa ato, 4-lane nganhi.

Aduna man sad hinuoy daghang mamuno, mga nawg piniriso... apan paranoyd gayud tingali ang mga pulis dinhi, kay wa ma'y kahumanan ang pag-libot-libot. Aduna sa’y makililimos, apan susyal man gihapon kay anaa may nindot na panapot. Aduna man sa'y pagka-angid sa atoa, aduna sa'y paghkasahi.

Okupado man sad ka pirme dinhi sa New York nay, bisi og madasig usab and dagan—pariha sa atoa na mapildi ka sa gira kung ikaw langayan, matod pa nimo—apan kong sa Pinas akong singot, magtubod susama sa pag-agas sa gripo?... dinhi sa New York, sa katugnaw, motikig.

Gimingaw kanimo og sa
niluto mo na adobo,
Imong pinalanggang anak

Sunrays and Saturdays by:Shane

2006-04-21T12:40:00.000+08:00

sunrays remind me of him.
the bloody car that you have marks who he is.
you are your own running in the streets, dark and fierce.
sunrays remind me of him.

the cat she crawls with, limbs so straight, ready to scratch me with her paw.
cats love red, and i do too..
the sunrays that reminded me of him faded..
they faded with you...

(translation)

Mga bidlisiw makapahinumdom nako kaniya
Maduguon nga awto nagpaila kanimo.
ikaw ug ikaw ra ang and nagdagan sa dalan, mangitngit og mabangis.
mga bidlisiw makapahinumdom ko kaniya.

ang iring nga nagkamang uban niya, tul-id og tiil, andam mangawras.
mahiligon sa pula ang iring, ug ako pud.
ang mga bidlisiw nga nakapahinumdom ko kaniya nahanaw
nahanaw uban kanimo.

shane

ang among pagkalat kagabii ni zenita prinsesa

2006-04-21T12:37:00.000+08:00

birthday ni rhea (belated hapi bday tiups!!!)...ngkitakita mi sa casa verde gabii..nagtapok ang mga sabaan..ug nabadlongan mi, gisud mi ug 3 ka mga serbidoro kay saba daw kaayo mi unya naa nag komperensya sa pikas na "room"..5 minutes lang daw ingon sila. nahilom mi kadali..5 minutes lagi daw. pagkahuman namo ug pangaon, nangadto dayon mi sa ratskie ug nagtiwas sa among kalipayan. pirting biboha gyud intawon namo didto gabii. inom gamay..sayaw sayaw..pero wala pod mi nagpakaulaw. daghan ko gika sorpresahan gabii..ang pagdagan ni betchai paingon sa dance floor..pati si ace nakasayaw...ug ang babaye nga wala gyud ko ka "get-over" sa akong nasaksihan nga nagkiat gabii - wala na'y lain kundi ang akong rum8 nga padung na ma x-rum8 na si jianne. nahibung gyud kaayo ko kay nangguyod na gyud intawon siya nako paingon sa dance floor. daghan pa ang mga nahitabo gabii..naa nagsuka na sa kahubog, pero dili ko mosaba kung kinsa na siya/sila. makita gyud nako sa tanan namong mga panagway nga nag-enjoy gyud mi. gabii ang isa sa mga gabii nga dili gyud nako malimtan sa tibuok nakong kinabuhi..kalingawan...mas labaw pa nga lingaw kay kuyog nako ang akong tinuod na mga amiga. ang naka paet lang kay karong adlawa wala na pod ko nakasulod sa english 5 (pasayloa jud ko sir), nagsaad na gyud ko sa akong kaugalingon na dili nako magpabadlong ug tarongon na nako ang akong kinabuhi (kas-a nalang sa isa ka simana magkalat ;-)

ayyyyy ambot uy...wala ko kasabot sa akong gipanulat. basta mao na ni =)

"new york, new york" ni luhang lumad

2006-04-21T12:32:00.000+08:00

Usa nako ka semana nagpuyo diri sa New York. Isip usa ka "jetsetter" na hilig og biyahe sa ubang parte sa kalibutan, para sa ako, ang Amerika siguro ang pinakaulhing lugar na duawon nako. Dili tungod kay nakaminus ko sa ilang kultura pero wala kaayo ko kakita og interes sa ilang lugar.

Italya, Armenya, Greko -- mao kini ang ubang mga nasod na ako naadto. Sukad-sukad naobserbaran nako na naa man pod diay ikahambog ang New York. Tinuod gyud ang gikanta ni Frank Sinatra na "it is a city that never sleeps".

Mga mata nako nambuglat sa mga taas na dakbalay, mga parke na pwerteng lapara, mga Amerikano na "blue-eyed, blondie, brunette og redhead". Kung makig-istorya ka nila, dili malikayan ang pagBISLISH nako. Pirmi ka magbantay kung unsa mogawas sa imong baba. Dili pod malikayan ang pagka-slang. Pananglitan. "oh my god.. like ako uloh labad.Bisag ako paborito na panlambitan na "wow" karon kay "woooah".

Pero bisag unsa pa kalisod magbinisaya sa uban lugar, molutaw gyud ang pagkabinalay-bay, aligre, og romantiko sa Cebuano na lengguwahe. Wala ko kahuna-huna na mabuhi ko pagsulti ani, pero sa ako kasing-kasing, ang Cebuano gibato! (Cebuano rocks!)

2006-04-21T12:29:00.000+08:00

Pgdayg alang sa mga Magsisibya ug sa among Propesor:
sinulat ni pensador

Kini ang higayon nga kamkamon ko
Kini ang pahibalo nga mahibaw-an mo
Tigsibya sa kamatuoran
Pamaagi sa Cebuanong paglantaran
Mga ideya o huhungihong ipadayag
Ka-uban ang bantugang c propesor Yap
Nga niining orasa sa kompyuteran nanglibre
Gitawag pa og "manstskin" sa usa ka estyudante
Mao kami lahi sa uban
Bisayang dako, walay apan
Walay hid-ik ug tupak
Tinawag lang og Theresianang Bisdak

2006-04-21T12:27:00.000+08:00

hi! way function utok karon.. way lingaw si sir, gpasuwat ko bisag wa koy masulti.. mao ra na siya.. na mi sa yeeha layo kaayo mi ug gilakwan.. birthday ni sir karon mao nang namangka siya. pinangga kaayo mi ni sir sa? ky gipalitan gud mi ug munchkins atong usang adlaw.. hhmm.. mao ra, sa sunod nalang ky wa juy ma sud sa akong utok.. bye

"DAGAN" Sinulat ni Elisabeth 'Chai' Baumgart

2006-04-21T12:26:00.004+08:00

(Para sa akong damgo na wa gyud nako na abot. Huwat lang, abton na gyud tika.)

Inday,
Paghinay.
Ay'g dagan.

Dakpa ang alibangbang,
suway-i ug dakop.
Diba, lisod?

Hinay-hinay lagi.
Suway-i balik.
Ayaw pagdali.

'di ma wa ang
alibangbang.
Naa pa'y daghan
sa kalibutan.

Pagbantay lang.

Inday,
Paghinay.

Ay'g dagan.

Mopandol ka.

Pero sige lang.
Naa'y band-aid
si mama.

Sige.
Dagan lang.

Naa pa'y band-aid
si Mama.
Tu-a pa'y daghan.

Dagan Inday,
Dagan.
Bata pa ka.

ang munchkin! bow... sinulat ni baby munchkin

2006-04-21T12:26:00.000+08:00

ang munchkin! bow..

ang munchkin lingin ug kyut

lami ug tam-is.

ang munchkin murag babolgam nga dako

lami balik balikun mao ng ganahan kaayo ko.

munchkin, munchkin, asa man tika mapalit?

palitun tika bahala unsa ka daghan kay ikaw sulit.

munchkin, munchkin, maka-adik ka

di ko ganahan ma wala ka.

naay mama nga munchkin

papa nga munchkin

ug ako ang baby nga munchkin.

mabuhi ka munchkin!

stig... \m/

BARGAYO: Season 15

2006-04-20T17:28:00.000+08:00

(pasiuna: Kining gumalaysaya napatik na sa akong Multiply account ug ako na lang ipaambit pud kaninyo, mga pinangga kong munchkins. Usa lang ka warning, ayaw mo og ka-impluwensya sa linggwahe niini nga sagol ininglis. Dili ni mao ang sakto apan ako lang ning gibuhat isip lahi nga boses sa Sinugbuanong panulat. Somehow, you have to find your own Cebuano voice kung kamo magsulat sa Binisaya.)

Living up to the Indie Spirit

Nakahulam ang akong amigo sa Panasonic AG DVX100A niadtong semana santa. Usa kini ka gamhanan nga camera. Quality-wise, mahimo kini niyang sundon ang "look" sa usa ka hulagway nga gikuha sa film camera. Mahimo kini siyang modagan sa 24P o 24 frames per second progressive. Dili kini sama sa consumer cameras nga "interlaced" and pag-capture niya sa mga images ug busa medyo dako-dako ang iyahang tendency sa flicker ug uban pang mga hindrances to get sharper and more defined images.

While we have the cameras and the equipment, wala gyud kami masayod kon unsa ang among buhaton. Mao nang pagkadungog namo nga magpalansang si Gilbert Bargayo sa Guadalupe, diha-diha wala mi magduha-duha.

"Unsang orasa mamatay si Kristo? Di ba 2pm man?" ang text ko sa akong amigo. "Alas tres man tingali," tubag niya.

Kon wala kamo kaila ni Gilbert Bargayo, siya kadtong nagpalansang isip Kristo sa matag senakulo didto sa lungsod sa Carcar. At one time, he promised nga katapusan na lang ang ika-14th niyang palansang. Wala kini mahitabo. Sa Guadalupe nabanhaw si Bargayo. So we asked the question. Ngano man? Unsa pa may gusto niyang mahitabo sa iyang kinabuhi after the 14th crucifixion? Masokista ba siya? Morag extreme na ang eccentricity ining tawhana da. Mao ni ang gibalon namong mga pangutana while we packed our cameras and headed to Guadalupe. Of course, it was a given, isip mga filmmakers wannabe, we were all agog to get the perfect visuals from the event. Bahala na'g manglagom sa kainit or magkatuwad-tuwad or mangapiang, basta lang we can get that perfect shot of everything that takes place one Good Friday in Guadalupe.

Samtang naghulat ang mga tawo sa may plaza atubangan sa simbahan, among nakit-an si Bargayo. "Atong interbyuhon," aghat ko sa akong amigo. Ug tuod man, quick to the draw, without a word, ang akong amigo nga si Pubs miposisyon dayon sa iyang camera opposite kon hain ko nag-shoot ni Bargayo. Uncontrolled environment kunohay kay docu man, mas challenging kay sa fiction filmmaking kay wala may molihok unless mahapak na ang clapper.
Didto sa luyo sa simbahan mi nag-shoot ni Bargayo, about two hours sa di pa magsugod ang gi-staged nga senakulo. Mao kini ang mga panghitabo.

He was trying to fit his loincloth. Nagproblema kini si Bargayo kay dili man mao nga bahag ang nadala sa iyang mga bata-bata. "Makita man sad atong brip ani," sulti niya. Pila ka attempt, iya kining gisuway og bugkos og dili gyud niya matabunan ang iyang brip. "Di ni maayo," sulti niya.
Gipaningot na kini kay hapit na man magsugod ang senakulo. "Tagai na lang kog laing tapis bi," sulti niya sa mga assistant didto sa simbahan. Taud-taud, miabot ang usa ka babaye nga nagdala og panapton. Gisuway kini nila og tapis kang Bargayo. "Ka-seksi ba pud ani, mora man ta anig nag-mini skirt," nangatawa ang mga nakadungog niya. Alegre and palibot, apan natural lang pud nga mohilom inig taud-taud. "Ang kuyaw ani og mangisog ang atoa, na, maklaro gyud!" sulti niya. Pastilan, si Kristo nangomedya.

Miduol dayon kami ni Pubs og gisugdan ang interbyu on cam.

"Ikapila mo na ning palansang, nyor?" pangutana ko.

"Ika-kinse na ni," tubag niya.

"Unsa may bation nimo kada palansang?"

"Natural ra man," tubag niya, "Naanad na gamay."

"Naa bay kalahian kada palansang nimo?"

"Aw, nagkadaghan lang akong grasya kada palansang?"

"Sama sa unsa, nyor?

"Aw, di lang ko kahinumdom, pero naa gyud."

"Unsa may pangandam nga imong gibuhat?"

"Nangadyi lang."

Mugbo iyahang tubag ug nagtuo ko nga it wasn't quite the best time to interview him. Hinuon, okay ra sab to get a few footage in the last few moments before siya ilansang. Kung maka-interbyu mi niya og usab, basin naa mi point of departure ug basin contradictory ang iyahang matubag.

Miabot ang make-up artist, gipapula gamay ang iyang ngabil, gibutangan og shade ang ubos sa mata.

"Unsa may hulagway nga imong na-imagine ni Kristo?" pangutana ko sa make-up artist.

"Kinahanglan manglagom ang mata niini kay wala man kini katug," tubag pud sa make-up artist nga babaye. May assistant siyang bayot.

"Nganong pulahon man iyang ngabil?" pangutana ko.

"Gusto man niya nga papulahon gamay," tubag niya.

"A, ok," tubag ko, and was thinking of a title of a future and obscure novel: "The Faggotificaton of Christ in Guadalupe." Joke ra. Of course, subtle lang ang make-up.

Human sa interbyu, mihapit usa si Bargayo sa comfort room. Taud-taud sab siya didto ug dayon miderecho atubangan sa altar sa simbahan. Miluhod kini og mihapa, nangadyi. All these things we were able to shoot with two cameras.

I got an ant-view shot of the man while walking on the aisle from the altar. May na lang.
Migawas dayon kini sa simbahan og miderecho niadtong gamay nga booth o cubicle kilid sa entablado. Milingkod kini si Bargayo.

"Kinsa man gyud ang modukdok sa lansang? pangutana ko sa mga sundalo nga naglibot ni Bargayo.

"Ako, sir!" tubag sa usa ka hamtong nga lalake, nagsul-ob na sa costume sa usa ka Roman soldier.

"Unsay imong pangan?"

"Jose Carpentero, sir." Pastilan, unsa man ning pagkaunsaa.

"Pahulama kog bolpen," miingon si Bargayo kanamo.

Miduol ko sa usa ka barangay tanod ug nanghulam og bolpen.

Gitunol ko ang bolpen. Gipislit-pislit ni Bargayo ang iyahang palad ug iyang gituldokan sa bolpen ang dapit nga buot niyang ipadukdok ang lansang. Mitan-aw kini siya ni Carpentero apan naglingi-lingi kini sa layo.

Mitutok si Bargayo ni Carpentero og miingon, "Hoy, paminaw. Naunsa ka man?"

Nangatawa mi. Morag nakulbaan si Carpentero.

Di ko na lang isaysay ang uban pang mga kataw-anan nga nahitabo o mga behind-the-scenes sa ika-kinseng palansang ni Bargayo.

I realized a lot of things that day. Sa ika-una o ikaduha nga palansang ni Bargayo, I think it was for many reasons and one of those, apparently or naturally, was penitence o paghinulsol sa iyahang mga sala. The other is, he was probably just an ordinary bystander who was out to prove something to his friends.

Para nako, after the first ug second crucifixion, it was purely machismo na lang, purely ego-trip. He enjoys the attention, just like any actor who gets the applause after a performance. Mao ni ang balik-balikan ni Bargayo matag tuig. In a way, it has defined him as a person. Mao ni ang naghatag niya og self-worth. He was virtually unknown before this thing, nagstambay ra kini siya as a bored fireman sa Carcar until he decided to play the role of Christ one Holy Week in Carcar.

Pero okay lang. Bargayo serves the purpose. Kinsa man pud ang lain pang mo-boluntaryo sa pagdala sa papel ni Kristo. Kinsa may naay igong kaisog? And to do it many times over. Maayo ra pud nga naay Bargayo. He's a crowd-drawer. Nalingaw ang mga langyaw. Tiaw mo nang miabot tingali ang balita sa mga nasud sa Europa nga tua didto sa Sugbo adunay tinuoray nga magpalansang.

Sa modernong Pasyon, walay kalabutan ang relihiyon niini. It is not a spirituality thing, it's popular culture. Showbiz, ig-agaw sa Wowowee. Og kung human sa pagpalansang, mag-uwan og kwarta, lagmit mag-stampede pa. Imagina, on a Good Friday.

Salamat ni Bargayo sa iyang mga pasiaw didto luyo sa simbahan samtang nagpaabot mi sa sinyas sa direktor nga pagawson na siya aron ipuli niadtong mipas-an gyud sa krus. The humor disrobed him of the myth which some romantic or naive writers in the press and media have created around Bargayo. Sloppy journalism nurtured that myth. The human interest story should've angled on the man's gratification while everybody looks up in awe of him as Bargayo fakes a pained look of the suffering King of the Jews. Pastilan. So he did gave us the perfect visuals, the perfect shots, thanks to him. The guy's a cinematic genius.

Sa kataposan, mora diay to'g conspiracy sa mga artists kunohay. Kataw-anan. Sagdi na lang nang paghinulsol sa sala. Ila na lang na. Wa koy kalibutan ana.

huna-huna sa sa-ag nga langyaw...

2006-04-20T15:19:00.001+08:00

Dire sa Times Square, ang dugok sa mga taw murag dahon sa labong nga Kamunggay. Ambot, kung nganong ang mga taw dinhi hilig mag laruy-laruy sa tunga-tunga niining bugnaw nga klima. Maka-huyang ang katugnaw! Lagyu ang mga iskina. Wala pa jud koi kaila-- Maayo nalang unta to kung naay kasturya-sturya samtang naglakaw, mahuwas huwasan ko.
Ganina ra ko natintal nga mu-para ug taxi...dili pwede...dollar ang patak, unya kung magka-lisod, ingon sila, inaton pa ang imong dalunggan sa mga balikas... kung mahibaw-an nga Pilipino ka iLaron pa ka. Mao kini ang rason nga sa akong tulo ka semana nga bakasyon dinhi sa NYC, karon pa ko ming hukom nga mugawas sa balay sa akong Tiya ug mulaag-- kahadlok.

....kuYawA PUD ANI OI!!! Sa akong kagamay, kiwaw ang paglakaw-lakaw. Puro dagko imong makita! dagkong taw, dagkong dalan, dagkong sakyanan, dagkong bilding, dagko tanan. Sa ka-gagmay sa akong lapa-lapa, mura ko'g kwatro anyos, naglaruy-laruy ug nagtabuk-tabuk sa Colon.

...mura'g gabalik-balik ra man ko aning dapita...ang bilding mao rang purmaha...ang iskina pareho ra kadak-a...mao ra ang naong sa mga taw, itom,puti,itom,puti,itom,puti...tuay saag...itom,puti...sus ginoo!' maynta wa ko minua!!! sige lang...lakaw...lakaw...lakaw...ui hala!!! ngit-ngit na. Naa sad ba kahay mga Ungo dinhi sa ilaha?!
Sa kahayag niining syudara, maglisod ug pag pamalbal.
ungo? siguro.
kai didto sa suok-suok...ngit-ngit. didto tuay ungo.
ungo sa inom, sa laag, sa trabaho, sa panghilawas, sa bisyo, ungo sa katugnaw...sa kabugnaw
...ang ilang agta ug inkanto, magduyog sa pagpaseo sa mga gabukad nga dalan dinhi sa Manhattan. ang ilang ungo mangunay ug silingan!
Mas mangtas pani sa atong mga ungo sa pinas! Syudad ni sa ungo! Sa english The City That Never Sleeps.

Dili ko makapugong sa akong pahiyom samtang nag lantaw ug nakighimamat ko sa klima, sa kanindot, sa kaBIBO (sa kamingaw), sa palibot diri sa New York. Kining mag-inusara ka nga maglakaw, daghang butang ang mulabay sa imong huna-huna.

Mao naman siguro ni ang ilang park? Wa lang damha nga niabot na ko sa akong destinasyon. nagmulo gihapon ko dinhi sa katugnaw samtang naghuwat ko sa akong Tiya! Dungan sa pag-tulo sa akong luha, nisamot pa gyud ug kurog akong ngabil sa akong nalantawan... usa ka patay nga punu-an. Inanay nga nangatagak ang puwang dahon sa nag-inusarang sanga. tsk tsk! Bisag unsaon walay sama sa pag-pangtaktak sa dahons' sinigwelas likod sa amoa. ang ilaha diri mangatagak sa katugnaw, ang atoa didto...mangatagak kay ting-pamunga naman!...YATI! tugnawa ui!

...niabot na gyud akong Tiya! :) to da riskyu. Dili gyud nako malimtan ning hitabua. Ang akong pagkasaag taliwa sa autumn in New York. Kung plano ninyong mulaag aning syudara, dad-a inyong mapa! matul-tulan gyud dayon ang inyong gustong padulngan! ug kung mahimo, ayaw pag-inusara sa pagsulirang aning langyaw nga syudad--sa iyang pagpanintal, basig samot ka nga masaag!

Wa nako damha nga sa akong pagkawala, dinhi nako makit-an ang kaanyag niining dapita. Nindot ang New York oi, pero........gusto nakong muuli.

Tiwa Andag

Sa Dihang Ako Nag Suroy-suroy Sa Siyudad Nga Gitawag Ug “Dakong Mansanas” sinulat ni Jianna Karla Olayvar

2006-04-20T12:43:00.000+08:00

Nabag-uhan ko.

Tingali tungod kay ako usa ka probinsyana, wa ko ma anad nga bisag-asa ko mu lingi, ang akong makit-an kay puro bilding nga pirti kataas. Nagsakit gud ang akong li-ug sa paghangad. Wa man gud ko kakita ug pareho ini katas-a nga bilding sa Pilipinas. Sa pila ka tuig nakong pag iskuyla sa Sugbo, wa jud ko kita ug parehas ini kataas nga bilding. Nalupigan ang mga bilding sa Cebu Business Park da!

Bata pako, panganduy na nako ang makatunob sa Amerika ug mag suroy-suroy sa mga syudad niini sama sa Los Angeles, San Francisco, Chicago ug labihan na sa New York. Sige ko ug imagin nga ako maglingkod-lingkod sa Central Park, makasaka sa statue of liberty, empire state building ug sa world trade center pero nahugmak na man kini, makasakay sa ilang mga tren ug makabisita sa sikat nga Broadway theatre district – ang Times Square. Ug nahitabo na jud kini! Ani-a na jud ko naglakaw-lakaw sa karsada sa syudad nga gitawag ug “BIG APPLE”. Kung sa bisaya pa, dakong mansanas. Samtang ako nag lakaw-lakaw, daghang mga panghuna-huna ang ning sud sa akong utok. Ngano kahang gitawag ang New York ug Big Apple? Ning tan-aw ko sa mapa, di man pud apple ang purma sa siyudad. Tungod kaha kay daghang mansanas ang nanubo sa mga yuta niining lugara? O di kaha tungod kay ang mga New Yorkers mahilig mu kaon ug dagkong mansanas. Ambot. Mao ra ni ang akong nakuha nga tubag.

Eksayted ko nga naglakaw-lakaw sa karsada sa Manhattan. Nakahinumdom na nuon ko sa akong gigikanan nga lugar, ang Maasin. Naa man guy baranggay didto nga gihinganlan ug Mantahan ug ang akong usa ka su-od nga higala, iya kining balihon sa paglitok aron mahimong Manhattan. Nakatawa ko. Ug sa akong pagkatawa, naka-amgo ko nga mura diay ko ug buang, nagkatawa-katawa nga ako rang usa.

Ang una nakong gi adto nga lugar mao ang daan nga gitindungan sa bilding nga ilado sa pangan nga twin towers. Nanimbawt akong balhibo. Nakahinumdom ko sa akong mga nadunggan nga mga isturya mahitungod sa mga kinabuhi nga kalit nga nawala tungod sa duha ka eroplano nga ning bangga sa twin towers. Unsa kaha noh ug naa pa ko didto? Na lisang na gani ko nga ning tan-aw ra ko adto sa t.v. unsa pa kaha ug nakakita jud ko sa paghagsak sa duha ka landmarks. Wa ko ganahi sa akong gibati maong nagdali ko sa paghawa ug nagpadayon sa akong paglakaw.

Sa unahan nakakita ko ug mga afro-americans nag duwa ug basketbol sa kilid sa dan ug sa atbang, naay mga chicks nga naglakaw gikan nag shopping. Na suya ko da! Gusto pud ko mag shopping! Ingon man to akong amiga sa STC nga kinahanglan jud kuno ko muadto sa Chinatown kay daghang barato nga baligya. Ning andar napud akong pagka layshoo. Gusto ko manundog sa mga datu ug sa mga artista nga ngadto mamalit sa Fifth Avenue. Ug ning andar na pud ang akong pagka ambisyosa! Nanghinaut ko nga magbangga mi sa akong mga idol nga artista ug banda. Gi suli nako dayon ang akong bag kung wa ba nahibilin ang akong camera kay magpakuha jud kog litrato uban nila. Ginoo, maayo untag makakita ko ni Brandon Boyd, o di kaha ni Chad Michael Murray ug ni James Lafferty, o ni Drew Fuller ba kaha! O ni Adam Brody ba hinuon! Kung swertihun ko nga makakita niining mga tawhana, sa way pagduha-duha ako gyud silang halukan ug gakson! Bahalag ma priso ko basta kay nakahalok ko sa mga laki nga kutob ra intawn sa akong damgo.

Sa paglabay sa oras, nagkadaghan ang tao sa siyudad. Paspas kaayo sila nga nanglakaw. Way lingi-lingi, way hunong-hunong. Buot unta nako nga makipag-isturya sa mga Amerikano. Nganhi na jud masuwayan ang akong abilidad sa pag-ininggles. Ngadto sa Cebu, ang mga teresyana, gitawag ug mga ingglesera. Bisan kuno sa pagpalit ug fishball ug pag para sa dyip, mag-ininggles.
“Manong, can you make tuhog-tuhog the fishball?”
“Manong, please step on the brake” o di kaha, “Manong, stop the jeepney please. Mu naug na ko here!”
Haaaay…pagka! Makahinumdom pa ba kaha ko sa gipangtudlo ni madam Castañeda?!
Samtang ako nagtanga ug nag tindug sa usa ka kilid ug nag obserba sa mga tao, naay laki nga ning duol nako. Gi kulbaan ko! Basin tulisan! Pero nakahinumdom ko nga wa man diay ko sa Colon ug sa Carbon. Pero bisan na. Way pili ang mga kawatan ug asa silang lugara mangita ug biktima. Kay ngano man diay ug disente iyang panagway? Di sya puydi mudunggab ug tao?
“Ms. Bisaya ka?”
Whaaat?? Bisag sa Amerika ma klaro gihapon akong pagkaBISDAK??? Paita!! Kaning lakiha, bisaya man unta pero mistiso man. Mao na ba ni ang theory ni Charles Darwin nga evolution? Basin sa kadugay sa pagpuyo sa New York, ang usa ka bisaya mahimong mistiso. Mistiso sa pagbarug, sa pagsulti ug sa panghuna-huna! Pero maayo na lang nang mailhan ta nga bisaya kay sa matulisan ta! Paranoid jud ko oi!
“Oo, bisaya ko! Nganong naka-ila man ka? Ing-ana na jud ka bisdak akong nawng?”
Ni katawa ang istranghero. “nagbagutbut man gud ka ganiha unya nakadungog ko nga bisaya ka.”
“ah mao ba! Na ihas man gud ko sa New York! daghang butang nga naa dinhi nga wala sa atu.”, ako siyang gi tubag.
Ug mi tubag usab siya sa iyang slang nga aksent, “tinuod! Pero daghan usab nga mga butang nga imong makit-an sa Pilipinas nga di nimo makit-an sa New York.”
Ha? Natingala ko sa iyang gi sulti. Ang akong gipasabot, iyang gibali sa pagsulti, ug ang akong prejudgment sa iyang pagka Americanized Bisaya, nilupad.
“tan-awa sa imong palibot.”, inong niya. “nakakita ba ka ug mga barkada nga nag sige ug pangatawa samtang nag tuhog-tuhog ug fishball ug nag tilap-tilap sa ice cream nga tiling-tiling? Kita ba ka ug mag amigo o mag paryente ba kaha nga ning hunong sa paglakaw para tagdun ang usa’g-usa? Kita ba ka’g lolo ug lola nga giubanan sa mga apo para manimba? Kita ba kag tao nga nagteks-teks samtang nag lakaw ug nag sige ug bahakhak sa iyang gibasa? Huwata nga mu gabii. Tan-awa kung makakita ba kag mga bitu-on sa kalamdag sa mga city lights.”

Ning labang ang maong laki sa karsada. Padung siguro to siya sa iyang trabahu-an. Nagpabilin ko nga nagtindug didto…Hilom. Na amang ko sa iyang gisulti. Wa ko kahibaw unsaon pagtubag sa iyang mga pangutana. Nag disisiyon na lang ko nga muadto sa Central Park para makakita ko ug mga kahoy. Tinood nga nindot jud kaayo ang New York. Pero na-amgo nako nga naa pa diay mas nindot nga lugar kaysa New York ug kaning lugara dugay na nga nagpuyo sa akong kasing-kasing, karon pa lang nako nakit-an. Hangtud sa kahangturan, dad-on nako ang mga handuraw sa akong mga kasinatian niining adlawa kay sa dihang ako nagsuroy-suroy sa usa ka siyudad nga gitawag ug “BIG apple”, nakita nako ang kanindut sa usa ka lugar bisan pa ug gi ayu-ayu na kini sa pagtamay sa mga dayu ug bisan pa sa mga kaugalingong manlulupyo niini. Na ablihan ang akong mga mata para makita ang kanindut sa Pilipinas. Sa Sugbo. Sa Maasin. Sa akong pagka Pilipino.

Naglingkod ako sa usa ka bangko ilawm sa usa ka kahoy sa Central Park. Nanghinaut nga basin pa diay ug mawala ang kahuot sa akong dughan nga gihinungdan adtung mga pulong sa usa ka istrangherong sama nako, usa ka bisdak nga naa sa New York.

muuli na gayud by bhebzz

2006-04-19T18:11:00.001+08:00

Tugnaw. Ka mingaw ug uban pa akong gi-bati. Sa mga unang adlaw nako diri sa New York. Murag dili ko mabuhi!

Sa pagtuyok-tuyok nako sa mga daan na daghang kalihukan. Wa kaayo ko ka bantay sa paglabay sa adlaw. Karon pulo na ko ka tuig na nangitag kwatra diri, para sa akong mga gihigugma didto sa Pinas. Nagtrabaho ko nga usa ka Nars sa isa sa mga ospital na nagpalibot ni ining siyudara. Kining siyudad na gitawag nga tubag sa kahadumanan sa ubang pinoy, sa akong binayaang Kalibutan.

Laming pagkaon ug kinabuhing abi nako di nako makab-ot. Nalipay ko sa akong pulo nga tuig, daghan na sad kog na amigo ug na amiga. Ang uban murag dili na gani Pinoy kung mangisturya, kay lahi na gyud sila. Na anad naman gud sila nga mag-Iningles. Nalahi na sad pati ilang kinawtawan. Gimingaw na gyud ko ug katawa sa mga comedyang Pinoy.

Samtang naghuwat ko na makagawas aning pirti gyud ka ngindot nga eroplano. Ang akong gi-bati karon na muuli na gyud kay parehas gayud sa kalipay na akong gi-bati tung unang adlaw nako sa New York. Kay makatamak na sad ko sa yuta sa atong nasud. Sa akong Nasud.

Pirsil.... :()

"Para ni Mama" sinulat ni Rheanne Tiu

2006-04-18T22:08:00.000+08:00

Para ni mama,

Ma, "Tinuod na ba? nga naa na gayud ko sa Amerika?"mao kini ang akong unang pagnutana sa dihang pag-abot nako sa laing planeta, ai Amerika!

Unang gawas nako gikan sa kong gisakhan wala ko kasabot sa mga pamaagi aning mga higala, puro mga inglis paka! Maulaw man pod ta! Sa hangad-hangag nako akong nakitang labing habog na mga inpastraktura , murag kaduhaon, katuluhon ug kapilahon pa ang naa sa atong probinsiya! Ilang suruyanan nga mas daku pa sa mga palayan! Ug naa pay panahon nga arang tugnawa..Matay! di ba kaha ko masakit aning kalakiha ma?!

Oo ma, nabag-ohan gayud ako, labi na sa paglantaw nako sa palibot nga puro Amerikano ang naa. Sa sige makagpanghimantay wa na mabutang sa akong buot nga ngitngit na diay. Arang nakong ngisi kay diri ra ko nakasaksi sa nganaggilap-gilap nga mga suga, nga sa Christmas ra nako makita diha! Ug ako nakapangutana! " kinsa man pod ang di maatraka maglaag diri-a nga tanan suga sa dalan gaandar man!"

Sigeg lakaw ngari, sigeg lakaw ngadto mao ra akong trabaho, taod-taod gigutom na gyud ko! Namili pa kuntahay kag pagkaonan nga pwede nakong maduawan. Mikuha ko sa menu og namilig makaon nako, dugay pod ko ngadto ma kay kita ko sa karatula nga gisab-it miingon "Chew your food well" ug misunod ko! Arang na nakong lipaya kay nabusog ko, mikuot koh sa akong bulsa para magkuha sa akong pitaka. Pastilan ma! nalimtan nako akong kwarta.

Gisingot kog ayu sama sa monggo! Gikulbaan ko basi ila ko ipapriso! Wa na ko kabalo sa akong buhaton ma! nakahunu-huna ko kung pwede ba mohangyo nga manghugas ug plato! Maayo gani naa si Jow! Nangutana siya "Is there any problem?" dali dayon kong mitubag ug "yis! yis!" makasabot ang kano kung unsa ako gibati ato nga gabiiha! Grabe ma buotan man diay sila!

Nakagawas ko sa akong gikan-an nga gasakit ang tiyan ug mi uli ko balik sa akong gisakhan. Samtang gapungko ko sa inidoro gahuna-huna na pod ko utro "Wa ko magmahay sa akong paglakbay maski wa nako madala akong pitaka ug kwarta basta nalingaw lang ko sa paglantaw sa syudad nga di matulog matod pa nila! Pasalamat ako nga nakaabot ko ngari-a kay mao ni ang gitawag nga panagsaon ra."

Mo uli ra ko ma! Diay ma naa koy ipaila-ila, si Jow mosuroy pod daw siya sa diha-a kay ingon ko niya nga kung gwapo diri dapita, gwapo pod biya sa atu-a! Diri ra siguro ko kutob ma, magkita rata pag uli nako!

Imong anak,
Joy(ligaya)

Butiti Queen

2006-04-18T15:44:00.000+08:00

Sinuwat ni Katrina Balmaceda, Suzette Dizon, Leslie Fernandez, Joharra Junasa ug Rogie Reyes

Sa akoang beauty queen,

Inig abot niining suwat sa imohang mga kamot, makaila pa kaha ka nako? Siguro, karong taknaa, nangawot na ka sa imohang sinaw ug tul-id na buhok, dili tungod kay naa ka’y kuto. Wala sad ko kahibalo kung aduna ka’y kaspa, kay ang imohang dagway ra man ang akoang nasayran og maayo. Tingali’g naglibog na ka karon kung kinsa ko.
Ako si Lucas.
Wala gihapon ka kasayud kung kinsa ko? Sige, isturyahan na tika.

Alas tres sa hapon, bisperas sa Butiti Festival. Gikubal na ang akoang mga tudlo sa pagmake-up sa akong mga kustomer dihang naa’y ni abli sa purtahan. Nihangin og kalit. Nihayag. Gipiyong nako ang akoang mga mata ug akoang gisimhot ang baho na imohang gidala sa sulod sa parlor – baho sa barbeque. Paita uy, gigutom nalang hinuon ko og samot. Niduol ka nako ug nangutana, “Naa mo’y pree na mek-up artis?”
Nikalit ko’g barog ug nisiyagit, dala kiay sa akoang lubot, “Shofa vellum! Ako, sister, I’m free. Para asa diay ni, sister?”
“Ay, da oy, niapil ko’g Butiti Queen….”

Maayo gyud diay ko mumake-up, noh, kay nadaug man gyud ka… o gwapa lang kaha ka kaayo?

Karon, di nako kahinumdum kung unsaun pagmake-up sa usa ka beauty queen… pero dili nako makalimtan sa dihang paghalok nimo sa akoang aping sa pagdaug nimo sa Butiti Queen. Ug katong higayuna, nakakita ko og rason na mubalik sa akoang pagkalalaki. Dili na ako si Lucy. Tungod nimo, ako na si Lucas.

Salamat nimo, kahibalo na ko kung unsa diay ma inlab… sa usa ka babaye.

Lucas

akong pag-abot sa big apple

2006-04-17T21:37:00.000+08:00

ni ace jayssan a. tapulado

dili ko makatuo nga ania na g’yud ko dinhi. pila na ka-tuig ang milabay human ko nagpakli-pakli sa mga karaang pahina sa usa ka libro mahitungod sa new york city ug nakahuna-huna nga kung mabulahan ko, akoang bisitahon.

sa tinuod lang, lahi ra kayo ang new york sa akong nabasahan, nakita sa mga retrato ug nadunggan gikan sa akong mga higala`ng naka-anhi na. dako kaayo ang siyudad, buhi ug daghan kaayo ug mga tawo. tag-as kaayo ang mga estruktura, mura na ug masangko sa kalangitan. ang mga sakyanan kanunay`ng anaa sa kadalanan ug ang tingog sa mga bosena mualingawngaw g’yud. ang sama nako nga dili taga-dinhi maihas g’yud.

niining mga orasa nga ako nagsulat, sakay ang usa ka taksi nga bombay ang drayber, bag-o lang ni-lubog ang adlaw. nag-anam-anam na usab ka-tugnaw. mao giputos ko akong kaugalingon aning akong balon nga dyakit. nagkadaghan na ‘pud ang mga tawo nga nagdali ug labang sa dalan. nag-lumba siguro ug panguli. ug ang mga dekolor nga mga suga nga gitawag ug neon lights, nag-usa-usa na ug paniga.

layo pa ang hotel na akong temporaryong puy-an sa akong pag-bisita dinhi. ug ang bombay na akong nasakyan gikan sa erport, grabe ang katabian.

“iz diz ye fest taim in noo yek, miz?” iyang pangutana.

“yes, it is.”

“noo yek iz big citi. meni pipel, meni pipel! ye no, i hav fren who new hir an…”

ug mao kadto ang sinugdanan sa wala’y kahumanang istorya sa bombay mahitungod sa iro sa iyang amigo nga gi-pusil sa mga batan-ong negro.

sa tinuod lang, usa sa mga rason nga ni-larga ko kay aron maka-ikyas sa litaniya sa yawyaw sa akong estrikto kaayo'ng mga ginikanan. pero nahinumdum na man hinuon ko sa akong amahan nga kanunay magbula-bula ang baba sa kasaba samtang ihatod ko sa eskwelahan. ang nakalahi lang, dili pangasaba kining sa bombay. mao mutando nalang ko sa tanan niyang isulti, bisan naglisod ko ug sabot sa iyang binumbay nga ininglis.

ugma, mag-kita mi sa akong suod nga amigo nga si paul. ingon siya iyaha ko’ng ubanan ug suroy dili lang sa new york, kungdi apil na sa mga lugar sa amerika nga gusto ko maadtuan. si paul ang gisaligan sa akong mga ginikanan nga mukuyog ug mubantay nako sa akong duha ka-buwa'ng kagawasan sa amerika…

ni-saad ko sa akong kaugalingon nga samtang ania ko dinhi, maglingaw-lingaw g’yud ko. panagsa ra kaayo ko makagawas sa akong tangkal mao’ng magkiat g’yud ko. ug ang new york, nga usa sa pinakahinamang siyudad sa kalibutan, ang hustong lugar nga akong natugpahan.

dili na ko makahuwat nga masugdan ang akong eksplorasyon sa new york, pero pag-abot ko sa hotel unya, magpahuway una ko. laay ang biyahe padulong dinhi. dili lalim. dili g’yud.

Kamingaw

2006-04-12T15:31:00.000+08:00

sinulat ni Katrina Balmaceda

Usa ra gyud akong hinungdan atong adlaw na naglakaw-lakaw ko sa mga dalan sa New York. Usa ka hulagway ang naglabaw sa akong imahinasyon, ug diritsu-diritso akong paglakaw ug panan-aw tungod niini. Mura sad ko'g usa ka New Yorker, kay wala ko'y lingi-lingi, ma wala man o ma tuo, kay desperada kong nangita ini.

Fish ball.

Dili man gyud tungod sa kagutom, apan, mahulog nang ikaduhang rason sa akong pagpangita. Ang maong nagpalihok gayud sa akong duha ka tiil kay ang kamingaw. Kamingaw para sa Pinas, sa Sugbo. Ang mga handuraw na naglutaw-lutaw sa akong huna-huna nagbilin nakong dili mahimutang.

Mao na nagsuroy-suroy ko sa New York atong adlawa. Aw, buot huna-hunaon, ang pagsuroy-suroy sa usa ka Bisdak, wala man unta'y tuyo. Pero sa New York, murag wa man sila kaila anang klasehang pagsuroy. Hinuon, wala sila nakatilaw sa kalaay sa probinsya. Bisan ang matawag na paspas na dagan sa kinabuhi sa syudad sa Sugbo, hinay ra gihapun para sa usa ka New Yorker. Pananglitan, dinhi sa Times Square. Diritsu-diritso ra'g lakaw ang mga tawo. Deadma. Paspas kaayo manglakang, murag gipangbitad og kabayo. Ilang mga ulo, atubangan ang panan-aw; wala'y lingi-lingi. Ilang mga puti na ulo, wala'y lihok-lihok. Ilang mga ulo, murag mga fish ball…
Nagdali kog lusot-lusot sa mga tawo. Puno kaayo'g mga tawo ang dalan. Sa atbang na bilding, ga patong-patong ang mga billboard. Puno kini'g mga babay'g laki na puros ga tingsi; mga babay'g laki na murag nahutdan og panapton kay mga huot ug mubo kaayog mga gipangsul-ob. Mga babay'g laki na naghuwat tagdon, naghuwat mapistahan sa lantaw sa usa ka Bisdak na nalagput sa New York, usa ka Bisdak na pabadlong kaayog liug tungod mulingi ug muhangad gyud kini. Kung wa pa ko napandul, nagpabilin unta kong nagtanga. Daghana ba diay'g billboard dinhi sa New York, noh? Labwan pang Manila.

Nagpadayun ko, ug nilabay kog mga tindahan. Agoy, akong Bisdak na liug, nangatul nasad na mulingi. Dili ko uy. Kay makit-an nasad nako ang ngalan sa tindahan na lisud ilituk kung dili ka kwartahan. Apan, ang akoang pagka-ignorante ang nadaug. Nihunong ko ug nitutok sa bintana sa tindahan sa akong tuo. Perteng ninduta sa mga hayhil. Duna'y pula na naa'y ribbon, itom na na'y buwak ug puti na sinaw-sinaw. Naa'y mga panyo na lahi-lahi'g kolor ug pattern. Apan, kita kos mga presyo, ug intawn ning Bisdaka ni, gi multiplay dayun ang dolyar sa singkwentay-kwatro, ug hapit nakuyapan! Tungod sa akong pagdali-dali'g hawa, nakabangga kog babaye nga ga bitbit og kape.

"Watch where you're going!" ingun siya. (Ay, imbis itom gud iyang sanina. Halos katungas mga tawo dinhi, mag itom lang sige.)

Ug akong Bisdak na utok, naghuna-huna na kung maglakaw-lakaw kaha ko sa mga dalan sa Sugbo na nag itom na trench coat ug nagbitbit pa gyud og kape, ma head turner gyud tingali ko tungod mahimong kataw-anan. Mawad-an sad og lami ang kape kay masagulag abog gikan sa dyipni. Aw, pero, kadyut sa… diba ang abog man kuno ang nagpalami sa fish ball sa Pinas?
Nidiritso na ko hangtud naabot ko sa Central Park. Dakoa ba sad ani uy. Duna'y estatuwa sa usa ko babaye na nakigduwa og mga koniho. Nalingaw ko sa pagtan-aw sa mga turista na nagpakodak na nagsabak niini. Luyo sa estatwa, dako kaayo ang lanaw, ug mingaw kaayo. Dapit ani, naglinya ang mga punuan. Sa ilalum, daghang mga bangko na nagpalandong sa mga dahon. Nilingkod ko sa usa ka bangko ug naminaw sa kanta-kanta sa mga langgam. Akong paglantaw nilibot sa parke. Nilingi ko sa wala ug sa tuo, ug nakaplagan nako ang dakong diperensya sa New York ug sa Pinas. Tungod naa'y niduol ug nangutana kung asa paingon ang parahanan og bus, naputol akong pagpamalandong, ug tinapulan nakong gitudlo ang direksyon gamit sa akong baba. Ug nibuhakhak og katawa ang tawo.

"Pinay ka noh?"

Nitan-aw ko niya, nakalitan, ug nitando. Katong hapona, nakakita kog amiga, kadamay na Bisdak sa dako na New York. Ug tungod lang atong usa ka hapon na nilingi siya nako ug nitan-aw sad ko niya, nadiskubrihan nako kung asa makapalit og fish ball dinhi sa New York. (Sa tinuod lang, mas lami ang abog sa Pinas kaysa abog sa New York , pero oki ra, basta aduna la'y fish ball.)

Lagi, ingun sila, ayaw gyud paglingi-lingi bisag asa kung naa ka sa New York . Bisan manglilimos, ayaw tagda. Pero, unsaun, Bisdak man ko bisan asa pa ko malagput. Ug diha sa paglingi-lingi, sa paglantaw-lantaw, nako nasinatian ang akong Sugbo sa tunga-tunga sa usa ka syudad na dili akoa.

New York Moment ni Joharra Junasa

2006-04-11T18:27:00.000+08:00

Ako isa ka Pinay, isa ka bisdak. Ania ko karon sa New York naglingkod sa isa sa mga bangko sa Central Park. Lima ka tuig na ko diri sa New York. Nagtrabaho ko sa isa sa mga law firms dinhi.

Isip Pinay ug langyaw nianing lugara ang akong kinabuhi kay hastang lisura, hilabi na nga nia ko sa New York na hastang dako-a. Isa gyud daw ang New York sa pinakadako nga siyudad sa kalibutan. Sentro pa dyud kini sa "Finance and Commerce" mao nang paspas dyud and dagan sa adlaw.

Kung naay panahon, dili man dyud nato malikayan na maglingawlingaw, moadto sa parke, sa Broadway, mga museyum, mga night clubs matag gabii ug uban pa. Pananglit sa mga suroyanan kay ang Solomon R. Guggenheim Museum ug Metropolitan Museum of Art, duha ni sila sa hilabing maayo sa kalibutan. Tapos naa pa sa Coney Island na ilado sa ilang dagat ug "amusement parks".

Akong angkunon malingaw dyud ko diri sa New York ug daghang klase-klasing trabaho na imong makita. Maski waitress ka makapadala na ka ug sapi sa Pinas, dolyar pa!! Mao bitaw daghan dyud mubalhin diri sa New York sukad pa dyud kinaadtong 1640's. Ug dihang gibutyag ang New York na pinaka "Ethnically Diverse City" sa kalibutan kay tungod, kaniadto, sa panahon sa "Industrial Revolution" kadaghanan sa mga tawo gikan sa langyaw na nasud namalhin diri sa New York kay daghan and oportunidad. Gikan pa sa panahon ni George Washington sentro na ang New York sa negosyo. Gitawag gani and New York kaniadto nga pinakadako na "Immigrant Labor Force" sa kalibutan. Ug tungod niini klasi-klasi dyud na kultura ang akong makita dinhi. Pareha sa Queens, one-fifth kuno sa papyulasyon kay Asyano-Amerikano. Naa gani diha nahimutang ang Chinese ug Korean community sa New York. Sa Harlem, na nahimutang sa Manhattan, daghan pud dihang Jamaican ug Puerto Rican. Tapos sa Bedford-Stuyvesant, sa Brooklyn, nahimutang ang pinkadako nga Black community sa tibuok Estados Unidos. Dili pa kini mao, daghan pa dyud ug nagkalahi-lahi lang ang kultura na naa diri.

Isip Pinay, lahi pud ang akong naandan ug namatngonan na kultura. Lahi pud ang linggwahe na naandan na gamiton. Kay wala man nagdako diri sa New York lisud dyud and pagayon-ayon sa nagkalahi-lahi lang na kultura.

Kay ako isa man ka trabahante ug residente diri kinahanglan dyud nako na mubasa ug englis, maminaw ug englis, mutan-aw ug englis. Maayo gani adunay daghan library diri sa New York. Aduna pud silay 74 kabuok na newspaper outlets sa tibuok NewYork. Unya 141 na estasyon sa radyo sa AM ug 248 sa FM. Naa pud 50 ka channels sa telebisyon, dili pana cable ha. Ug tungod niini dali na kaayo ang pag-istorya ug pagsabay sa mga Amerikano.

Usahay naa man pud tay makaila na sama nako, langyaw pud, sa opisina, sa laing distrito, sa party ug uban pa, mao na ginapaninguha pud nako na magtuon dili lang kay linggwahe ug kultura sa mga Amerikano kung dili apil napud sa uban aron makasabot ug makasabay. Maayo gani na aduna napud silay balasahon sa nagkalahi-lahing linggwahe. dili lang kay balasahon naa pud sa radyo ug telebisyon. Ug niining pamaagiha, dili lang kay makahibalo ko, ako pud masabtan ug merespeto, dili lang ang ilang linggwahe, kung dili apil napud ang kultura.

Sa kadugay nako diri sa New York, nakasuroy nako sa halos tanang suroyanan, makadiritso nako ug inenglis ug makasabay nako sa mga Amerikano. Angkunon ko na dili gihapon nako kalimtan ang akong pagkapinoy. Ibilin ko gihapon sa akong huna-huna ug kasing-kasing ang "TATAK PINOY". Hinumdumon ko gihapon ang preskong hangin sa atong bukid, ang kabaw na naa sa tunaan, ang gamay'ng kawayan na balay, ang klasi-klasing prutas, ang mga pinoy na batasan ug uban pa.

Mas ulaw huna-hunaun na nagtuon kita sa kultura, linggwahe sa ubang nasud pero sa atong nasud mismo, kung asa, diha ta na tao ug nakamatngon ug buot, wala kita masayod.

Jollibee--Bida and Lami! sinulat ni Natasha Alino Bellot

2006-04-11T18:20:00.000+08:00

Magkatawa ko maghunahuna sa akong naagian katong bag-o pa ko niabot diri sa New York. Sagul-sagol ang akong gibati atong panahona. Nalipay kaayo ko kay after 25 ka tuig, makit-an na gyud nako ang akong mga anak ug apo. Namalhin sila diri sa New York ug diri na nagpuyo sukad nangaminyo sila ug Amerikano.

Gimingaw kaayo ko nila ug dili ko makapaabot sa gutlo na magakos nako sila. Pagnaog nako sa eroplano, gitugnaw kog maayo ug nakahunahuna ko ug unsa ka lahi ang Pilipinas niining espidnohang akong gitugpahan. Inihap ra intawn akong Ininglis, mahadlok ko mangutana ug mustorya sa mga tawo kay dili ko kasabot sa kapaspas sa ilang inistoryahan, aw nagsunod-sunod lang intawn ko sa mga tawo padung sa exit.

Apan nakit-an na gyud intawn nako ang akong anak. Nag-gakos mi og maayo, ug nangutana ko niya. "Inday, asa man diay ang imong mga igsuon?"

Sus! paita lagi, ma, busy silang tanan maong wa nakasugat. Mao kini ang iyang gitubag nako. Naguol ko pagkadungog nako niini. Mao ni ang rason og nganong dili gyud ko ganahan diri sa lugar sa mga kano kay pirmi lang busy ang mga tawo.

Nangutana akong anak ug gigutom ba ko, wala ko nitingog kay Chickenjoy ra ang nasulod sa akong hunahuna.

Mura siyag nakasabot, ug niingon, " Naa na ra ba'y Jolibee diri, ma"

Lipay kaayo ko pag-abot sa Jollibee. Pagsulod nako, naa didto ang akong mga apo, anak ug mga umagad nagtapok. Ila diay kong gi-surprise.

Giduol ko sa akong apo ug niingon "Want some Chickenjoy, lola?"

Ug mao kini ang nahitabo sa unang adlaw nako diri sa New York.

Bisag asa ko ibutang sa kalibutan, kahibalo ko na ang akong kasingkasing magpabiling Pilipino.

Natasha Aliño Bellot